السلام عليكم جميعا


بعطيكم بعض الامثال الحجازيه الي اغلب الناس نسيوها
وبطلوا يستخدموها اتمنى تعجبكم

كل حبة مسوسه لها اكيال اعور

مين في حالك يالي في الظلام تغمز

على قد زيتواسرجلوا

روح ياناكر خيري بكره تشوف زماني من زمن غيري

عقربه في الغار ولا ضرة في الدار

ياللي اخد القرد بماله يروح المال ويبقى القرد على حالو

الله من محبته في عبيدوا جعل العمر والرزق بيدوا

اللي يشوفني بعين اشوفوا بتنين

اللي ماله ام حاله يغم

كنس بيتك ورشوا ماتردي من يخشوا

اذا حلقوا لغيرك بل راسك واستنى

البيض الفاسد يدحرج على بعضه

حاجه ماتهمك وصى عليها جوز امك

ست وجارتين على قلي بيضتين

فقير تجوز فقيره خلفوا وجع القلب

خاتم بفصوا وكل شي ترصوا

خشوني لاتنسوني ولعوا الشمعه وشوفوني

عمليه تحفف مجنونه وتوقلها حواجبك سود ومقرونه

اذا تعاندوا الحمير بابخت الركاب

اعمى ويلظم خرز

البيضه ماتدقاش حجر

حبيبك يمضغ لك الزلط وعدوك يعد لك الغلط

حمارتك العرجه تغنيك عن سؤال اللئيم

داخل مع بيت العروسه نادر مع بيت العريس

ياريتني بيضه وعرجه اصل البياض فرجه

ياداق المويه في المهراس يامربي وليد الناس

كل عيش البخيل ولا تاكل عيش المنان

ادب ولدك وان زعلته امه

ستي شوفيني من عينك لاترميني

اكلوا الملوخيه وصاروا افنديه

لما كنا كانوا ولما رقدنا قاموا

قالوا متى طلعت القصر قالو امس في العصر


اصراحه الواحد يحب ويحن الي الامثال القديمه اها
وهذي امثالنا ايام زمان

شكرا اخ احمد

اشكر لك انها اعجبتك

حلوين هالأمثال , تشكر عليها أخي أحمد,, بس فيها بيض كثير!!

(عمليه تحفف مجنونه وتوقلها حواجبك سود ومقرونه ) هذا مثل !!..حاسة فيه شي غلط؟؟

( كنس بيتك ورشوا ماتردي من يخشوا ) هذا مافهمته

بالمناسبة ترى الأمثال تتشابه بين الدول العربية بس تختلف في اللهجات