السلام عليكم ورحمة الله وبركاته

صباح اللخير بوظبي واهل بوظبي ...

صباح الخير دار زايد ...

صباح الخير كل الاخوة اللي التقيتهم وتعرفت عليهم في بوظبي ...

اول مرة من سنين اجي بوظبي والقى نفسي مرتبط ولا اقدر التقي اخواني واصدقائي في بوظبي ...

زيارة عمل الزمتني التواجد مع مستضيفي طيلة الايام الثلاثة ...

زيارة صادفت تغيير الاجازة الاسبوعية واعتقد بأنها لخبطت اوراق الغالبية كونها في بدايتها ...

زيارة كنت اتمنى التقي فيها الكثير من الاخوة اللي تعرفت عليهم في السابق مثل شجاع وغيره من الاخوة اللي ماعدت شفتهم من زمان ...

زيارة راح انقلها لكم بالصور بمجرد مايتوفر لي بلوتوث في البيزنس سنتر ( مركز رجال الاعمال ) ...

زيارة ودي اعبر فيها عن حبي لبوظبي واهلها ...

وصباحك خير بوظبي ...

صدى الحق

. . . السلام عليكم ورحمة الله وبركاته . . . .
.
.
.
.
.
.
مسائك خير يا وجهه الخير...

سعيد وانا اقرا لعميد سوالف الفاضل صدى الحق اكون حزين اذا لم اقرا لك و للكاتب الرائع الخير ولا قصور بجميع الاعضاء..

انت تزور بو ظبي وانا مشتاق لها لك من بوح قلمي لهذي البلد ولدار زايد رحمة الله عليه ....







حنّيت لكْ يا بوظبيْ ماهو لأرْضكْ أو سماك
حنّيت للّيْ ساكنك لاجْلهْ أقبّلْ تربتك

جيتكْ أسابق لهفتيْ أطلبْ من ايْدينكْ مهاك
ذيك البنيّهْ الغارقهْ بالحسن فاقتْ روعتك

في "الخالديّهْ" ساكنه لا هيْ فـ بحْرك أو رباك
متميّزهْ بالغنْج مثْل الطير ساكنْ روضتك

امْن "الكويت" آآجيك أتْمنّى الأمانيْ في لقاك
يا زينها الأوقات تحْلى في روابي جمعتك

يا بوظبيْ إبكيْ من الفرحهْ وبكّينيْ معاك
خلّي القلوب الصّادقه تبكيْ بذَرقةْ دمعتك

يا بوظبي هذي حروفيْ حبرها بْـ دمّيْ فداك
تفدى عيون الريم والشاهدْ قصيدي بْـ صفحتك


يا بوظبي ربّي عطاك الزّين يتْنفّسْ هواك
وحظّي كتبْ لاجْلهْ أحبك في شواهد سيرتك


محبتي لك بإنتظار الصور

ولا تنسي اخي الفاضل ان في الكويت لديك اخ ومنزل ينتظر تشريفك

كن بخير... :knight:

وعليكم السلام ورحمة الله وبركاته

الله يمسيك بالنور والسعادة ...

ويصبحك بجنة عرضها السموات والارض ...

واحبك الله الذي احببتني فيه ...

وصح لسانك على هذي الابيات المعبرة ...

وعزيز وغالي أخوي علي ...

والصور تفضل بارك الله فيك ...

الله يحييك ويبارك فيك اختي زمردة ...

لك خالص شكري وتقديري على ترحيبك اللي اهو من شيمة اهل بوظبي خاصة والامارات عامة ...

وايضا لك كل الشكر على الصور اللي شكلها من صوب المارينا مول اذا ماكنت غلطان ...

وهذي بعض الصور ايضا وهي لفندق مدينة الضباط وسقف فندق الامارات من الداخل وكورنيش بوظبي ...