السلام عليكم ورحمة الله وبركاته
اخليييكم مع الحوار العائلي
الأب مخاطب الابن : تعال وله
الابن و بكل براءة : نعم
الأب :نعامة ترفصك ... تعال وله
الابن : ليش شو سويت؟
الأب : سواك ضريب يخلع رقبتك
الابن : شو فيه؟
الام : شاوي يشوي عضمك ...رد على ابوك بأدب وله :mad1:
الابن : هوه انا حكيت شي؟
الأب:حكحكوا جنابك بالعصايه اوقف عدل
الابن : حاضر :cry1:
الأم :يحضروا على قبرك انشالله ... لما ابوك يحكي انت بتخرس :mad1:
الابن :أخرس؟
الأب : ايوه ان شالله خرسه
الابن: ماشي :cry1:
الأم: اجاك مشش بركبك ما تقوم منه انشالله :mad1:
الابن :مشش ؟؟؟ شو هاذا المشش؟؟
الأب: اما انك قليل حيا ..وبترد على امك كمان ؟ هات العصاي وتعال وله
الابن: انا رديت على امي؟ يمّـه احكي كلمه :cry1:
الأم: موا يمزع نيـعـك وله ...حكيتلك اخرس :mad1:
الابن الان اصبح مغلوب على امره ومش فاهم ايش الموضوع وصمت :sss:
الأب: أما جيل قليل حيا...احكي وله ... مالك انخرست
الابن : شو احكي؟ اذا حكيت بتقولوا عني قليل حيا وبتشوفوني غلط :cry1:
الام :حيه الي تقرصك انشالله ... قلتلك تأدب وانت بتحكي مع ابوك :mad1:
الأب : ايش "بتشوفوني غلط" هاي ... شايفنا عميان ولا حول ؟
الابن : لا اله الا الله :cry1:
الأم : الله يوخذك انشالله ... يا ريتني خلفت ابن الجيران ولا انت :mad1:
الأب: انا مش عارف هاذا الولد متى بده يصير زلمه...دايما فاظحني بين الرجال
الابن: طيب شو اعمل عشان تشوفني زلمه ؟
الأب: قلتلك اخرس وله
الابن: يا الله ... يا الله ... يا جماعه شو مالكوا ... شو فيه ؟
الأم: اه صحيح انت ليش ناديت عالولد يا زلمه ؟ :think:
الأب :بتصدقي يا مره اني نسيت.... نساني شو كنت بدي منه
الاب : خلص روح ارجع على غرفتك يابا.
عرض نسخة للطّباعة |
ارسل هذه الصفحة لصديق]
