اتمنى ردكم خبراء سوالف

لا بارد ولا حار ..

السيارة تكون أحسن ما يكون في درجة حرارة معينه .. وطبعا تختلف من سيارة لسيارة ..

أول ما تشغلها تكون باردة ..

عقب فترة توصل لهاي الدرجة المعينه ..

وبعد فتره تطوف هاي الدرجة ..

فاهمني ..

..

.. علشان تحاول تخلي درجة الحرارة مستقرة .. في وايد طرق يستخدمونها في التزويد والتعديل ..

..

لا تخلط بين الهوا والبترول البارد اللي يدخل المكينة وبالتالي يعطيك قوة أضافية ..

وحرارة المكينة ..

..

وأكثر شي اللي يحافظ على درجة الحرارة هو الأيل ونوعيته .. وبعديل الكولنت ونسبتة الجيليكول فيه ..


ونشوف باقي الأخوان ورايهم ..

انا قصدي اذا قاومت بدون ما تحمي السيارة؟

السلام عليكم


كلامك صحيح يا سدرك


هذا الشي انا لحضتة بشكل ملحوض جدا

اول ما اشغل السيارة

بدون ما احميها او اي شي


على طول ريس كامل


السيارة تكون قومتها قوية

يعني 8 حصان زيادة تقريبا


بس تصير الحرارة عادية تقل القوة وترجع عادية


الصراحة انا ما عندي تفسير للسبب


الشي الثاني السيارة تكون اقوى في الليل عن الظهيرة

مادري اذا لاحضتو هذا الشي

انا لاحظت هالشي بعد ، يوم تكون السياره بارده وخاصة الصبح أول ما تشغلها .. تلقى
الـ RPM مرتفع وصوت المكينه عالي !

عموماً أتوقع بسبب دخول الهواء البارد للمكينة البارده أصلا ، يزيد من عزمها شوي ..
مجرد توقع لا أكثر ولا أقل

بس حبيت اوضحلك شي مهم

السيارات الانجكتر (بخاخ ) لم تشغل السيارة الصبح تلاحض ان ال RPM مرتفع شوي

هذا بسبب ان كمبيوتر المحرك يزيد البترول شوي عشان يحمي المحرك ويوصلة للدرجة الحرارة الطبيعية بسرعة

اذا جربت سيارة كاربيتر (بدون كمبيوتر تحكم في المحرك ) بتلاحض العكس

ان عداد الدورات نازل تحت الواحد والمكينة صوتها كأنها بتوقف ( اذا دست بنزبن تسكر المكينة )

بس شوي شوي ترنفع الحرارة وتصير اوكي
======================================

نرجع لموضوعنا الرئيسي

اتوقع السبب الرئيسي برودة غرفة الاحتراق

ماشاء الله عليك :-) سبقتني بالرد

وأضيف نقطة إنه أحد الأسباب إن السيارة لازم تحمى عشان الزيت لزوجته قليلة وهو بارد فلازم مرحلة التسخين تتم..

الهواء البارد احتراقه افضل من الهواء الساخن بدليل ان اللي معدلين في سيارتهم يحطوا الفلتر الرياضي بعيد عن المكينه او يحطوا له حاجز عشان لا يسحب الهواء الساخن اللي حول المكينه.
اداء السيارة في الجو البارد افضل من اداءها في الجو الحار و لا ننسى عملية الاحتراق تعتمد على ثلاثة اجزاء:
هواء+وقود+ حرارة( في السيارة تعتبر الحرارة هي الشعلة الناتجة من البوجي) تولد غازات و من ضمنها الماء اللي نشوفه يخرج من الشكمان في الجو البارد و السيارة بارده و يدل على ان الاحتراق تم بطريقة كاملة.

اذا سمحت لي اخوي black scorpion ترى الماء اللي يطلع من الشكمان والسياره بارده لاهو غازات ولاشي العمليه فقط انه مواسير الشكمان بتكون بارده والهواء الخارج من المكينه بيكون حار فيصير هناك تكثف على مواسير الشكمان ثم يتحول على شكل ماء والدليل على ذلك انه بعد مابيحتر الشكمان تلقى المويه تختفي ...

اما بالنسبه انه اول ماتقوم السياره وهي بارده بتكون اقوى انا الاحظ انه كلام EL_3grab صحيح
وبعدين اللي يبي يخرب مكينته ويعدم شنابرها يسوي هذه الطريقه دائما لانه الزيت لابد ان يتغلغل بالبستم ويكون حار فتكون هناك لزوجه
لانه تسخين السياره مو بس يكون بحرارة الماء بل لابد من رفع درجة حرارة الزيت

وسلامتكم

انا اشهد ان الكابرس يوم استلمته من الوالد من الصبح او اي وقت اشغل وامشي بدون مافكر في شي اسمه اسخن الى ان الشنابر ضربت حق السياره وبعدين صار البوجي بتعبى زيت وكل شهر اغير بواجي

السيارات الحديثه يتغير توقيت الشراره فيها ونسبة خلط الوقود باختلاف درجة الحراره..وكل ماارتفعت الحراره يدخل المكينه هواء حار جداً مع حرارة المكينه والكمبيوتر بعدها يغير توقيت الشراره ونسبة البنزين تزيد بالنسبه للهواء فيصير الخليط غني (نسبة وقود عاليه مقارنة بنسبة الاوكسجين) او مايسمى بRich عشان يقلل من ارتفاع الحراره داخل المحرك ويعطيه افضل كفائه ممكنه وافضل اداء آمن لان بارتفاع الحراره وزيادة الاوكسجين (خليط فقير او Lean) داخل المحرك يخلي حرارة المحرك الداخليه مرتفعه جداً بغض النظر عن حرارة المحرك الكليه الي نشوفها في العداد


وقت الجو البارد كل شي يكون عادي من نسبة خلط وقود واداء لان الهواء الي يدخل المكينه بارد وحرارة المكينه عاديه جداً


اكثر السيارات الي تتأثر بالحراره اكثرها عدد سلندرات..عندكم اللومينا في الصيف مع المكيف ادائها زيرو :cry1:


بس تعال لها في الجو البارد حريييييييييييقه

هذا زيادة على الي اضافوها الشباب


تحياتي

انا افيدك الحين
السيارة لما تسحب هواء بارد اذا معظم الهواء المسحوب يكون اوكسجين ممايزيد من شدة الاشتعال وسرعتة
ولكن لما تسخن السيارة يكون الهواء إلي محيط بالفلتر حق الهواء يكون كله ساخن والهواء لما يسخن يتاكسد ويصير الى ثاني اكسيد الكربون <<بس راح اتاكد لك من نوع الهواء إلي يصير
لذلك جرب اقلع السكنير (المؤشر الجانبي) لسيارتك وطلع فلتر الهواء منه وراح تشوف حتى لو توصل درجة حرارة السيارة الى نص وتكون المكينه حارة ماراح ماراح ياثر عالهواء إلي راح يدخل للمكينه وراح تشوف اداءها احسن بكثير

يعني وباختصار ان نوع الهواء إلي يدخل للمكينه لما تكون السيارة بارده هو السبب إلي يخلي قومة السيارة تصير احسن

ماشاء الله على مؤيد .. معلومات جدا مفيدة .. :banana:

مممممممممم

الحينة عرفنا إن السيارة لما تسحب هواء بارد تكون أحسن ....

إنزين ما فكرتوا في حرارة زيت القير ولا زيت المكينة ...

شو بتكون حالة السيارة إذا كان زيت القير و المكينة دايما بارد ؟؟


شيء ثاني أنا عندي كابريس وأعاني من إلي تقولوه ... هل هناك حل إني أخلي الهواء إلي يدخل المكينة دايما بارد ^_^


بس بدون سوبر



سلاااااااااام ^_^ :knight:

رامير ينفع