ادري ان هالموضوع متكرر في هذا المنتدى

بس المشكله ما قادر اوصل لحل نهائي في موضوع السيارة

اول شي الميزانية :

60-80 الف

المستخدم : يقولون اني من النوع المستهلك للسيارات

عدد افراد العائلة .... للحين 2 بس

المطلوب

- سيارة جميله وفخمه من الخارج والداخل

- صرف البترول يكون معقول

- قطع غيار معقول

- سعر معقول للسياره عند اعادة البيع

الخيارات اللي انا شفتها


=====

- الهوندا اكورد 4 سلندر
72 الف رقم 3
78 رقم 2
87 رقم واحد

اما ال 6 سلندر فهي ب 102 الف

=====

الألتيما 2.5
اسعارها بين ال 60-85 الف تقريبا

اما ال 3.5 فمن 75-100 الف تقريبا

=====

هايونداي سوناتا 4 سلندر

بين 53-70 الف

ما اعرف سعر ال 6 سلندر بس اضن نزل اوبشن واحد بحول ال 75 الف

=====

هونداي ازارا الجديدة 6 سلندر

70الف رقم 3
80 الف رقم 2
90 الف رقم 1

بس التخوف في الهايونداي هو انها كوريه يعني انا اقول حرام ادفع هالمبغ على هايونداي !!!!

=====

الكامري واسعارها عندكم ما اعرفها

بس الكامري في الشورع اكثر عن الناس

فاشوفها صارت كانها سياره عاديه

مع اني استخدمتها وكانت عندي وحده وبعتها

فما ادري

=====

المازدا 6

الصراحه مش مقتنع فيها شكليا وما تسوى بالمقارنه مع السيارات المذكوره

مازدا 3

وايد صغيره

=====

الكورولا مش لين هناك مع انها اقتصاديه وقويه بس ما تصلح لي

=====

الميستوبيشي لنسر والماجنا

الكل يقول ابعد عن الميستوبيشي

وبعدين اللانسر سواقتها غير مريحه

=====

الهوندا سيفيك الجديده

وايد بتتأخر

انا محتاج السياره في خلال اسبوعين كحد اقصى

=====

أفلون الجديد ما عليها كلام بس غاليه ... فوق الميزانيه المخصصه

=====

سوبارو ليجنسي

حلوه بس سمعت ان قطع غيارها غالي
ومش متوفر غير عند الوكيل

=====

طبعا بعيد عن الكيا كليا

=====

اللوميانا LS

ابتداءا من 72 الف

LTZ 80-85 الف

بس الامريكي صيانته وقطع غياره غاليه شوي

=====

الفورد هناك المونديو والفوكس

والبيجو و الفولكس واجن


=====


ادري حيرتكم معاي

بس ابس كلام اهل الخبره

وانتم اهل الخبره

فشورو علي

على حسب الكلام و المعلومات الي كتبتها .. اجوف الاتيما احسن شي ...

انا اللي اشوفه انك ماتشتري موتر

ياخي كل ما حطيت اختيار حطيت عيوبها وراها


بس يجيلك راي

خذ التيما تراها زينه

والسوبارو ترى ماعليها كلام

بس خل سواقتك هاديه وكل شي بيكون تمام



حياك الله

اتوكل على الله ، وخذ لك التيما سوده
سيارة ممتازه بصراحه واعجبت فيها اكثر يوم شفت قوماتها في التجمع اللي سويناه !
بس السته سلندر بصراحه اقوى واحلى وخاصة حركة القزوزات ورى !

بس لو كنت تحاتي صرفية البترول ، خذ لك 4 سلندر .
بالنسبه لفخامة الألتيما ، يمكن جودة الديكور الداخلي مب لين هناك ، يعني لو بتقارن الديكور الداخلي للألتيما مع الاكورد .. فرق كبير لصالح الأكورد !

على العموم ، كل موتر له ايجابيات وله سلبيات ، ولازم بتحصل عيب في أي موتر ما في موتر كامل ..!

استخير ربك واتوكل على الله واشتر الموتر اللي يناسبك ، بس لا تنسى تجرب سواقة الموتر اول شي علشان تعرف تحكم عليه

تحياتي لك .

أكورد الجديدة قوية و جميلة


و عندك سوناتا الجديدة حلوة و حجمها حلو >> بس مو مجرب

بس أقولك بين السيارات اللي قلتها إنت:
أكورد و سوبارو

السوبارو أقوى شي > أربعة سلندر
الأكورد حلو و فخم و حق قطع الغيار أفضل

و في الأخير الراي رايك ، و استخير و إن شاء الله تتهنى في سيارتك :-)

التيما.. اكبر واحلى مظهر وصرفيه معقوله واقوى وشكل اشخص

السوبارو ليجاسي سعرها 90 الف فل اوبشن 6 سلندر و 250 حصان

فيه احد الاخوان مشاء الله ماقصر نزل موضوع حصري عنها وعن وكيل السعوديه

السياره ممتازه كثير وشبابيه وقويه

او عندك الالتيما 6 سلندر سعرها ممتاز جدا وزيادة 10 الاف مو مشكله اذا كانت السياره ممتازه

وموفق الغالي

أنصحك بالالتيما .. << هي الانسب ..

هونداي افضل من الف شركه يابانيه الياباني الحين سمعه فقط
واسأل المجربين

السوبارو ليجاسي سعرها 90 الف فل اوبشن 6 سلندر و 250 حصان

فيه احد الاخوان مشاء الله ماقصر نزل موضوع حصري عنها وعن وكيل السعوديه

السياره ممتازه كثير وشبابيه وقويه

او عندك الالتيما 6 سلندر سعرها ممتاز جدا وزيادة 10 الاف مو مشكله اذا كانت السياره ممتازه

وموفق الغالي

و الألتيما أسوأ سياره يابانيه موجوده في الأسواق , الهيونداي برقبة الألتيما




و سلامتكم

الالتيما خيش بيش


والله اللومينا احسن منها بمراحل


تبا الحل..جرب كل سياره تقدر تجربها وان شاء الله تشوف الي فيه الخير وتختار :cool:


بالنسبه للومينا قطعها رخيصه بشكل ماتتوقعه وتعيش..خصوصاً ال6 سلندر المشاكل فيها شبه معدومه وتعيييييش..والمكينه الجديده توفر عزم عالي على دورات منخفضه وصرفيتها مثل صرفيه ياباني 4 سلندر :cool:

التيما وبس

من جد خيش بيش

كرتون منفوخ

و السياره مقصورتها مليانه بلاوي


و العالم آخذين فيها مقلب جامد :knight: و يقولون تطلع على اللومينا ال SS :knight: :knight: :knight:




:sss: :sss: :sss:


و سلامتكم

هونداي سوناتا رقم واحد


احسن اختيار لك

مواصفات وسعر واعتماديه وقطع غيار رخيصه


والله يوفقك

هاذي والله شي محيرني ، في واحد مجرب عنده نفس سيارتي و ماسك معا الألتيما

يعني مستحيل تطوف الإس إس

***

مسامحة أخوي خرجت عن الموضوع



آنا أنصحك إما بالسوناتا ، أو الأكورد و الأكورد عندي أفضل لأنه شكل توه نازل و هوندا شركة معهودة و خبيرة ، و أيضا السوناتا حصلت على عدة جوائز في الأمان و السلامة

وانا معااك ..

السلام عليكم

انا حبيت ابتعد عن الرد لمدت يومين عشان اراقبكم من خلف الكواليس

وانا راح احط احصائية لردودكم

اللي قاللو ألتيما كويسه:
8
واللي ذموها:
4

يعني نقدر نقول 4 بفارق النقاط
===========

الأكورد:
3
===========

السوبارو:
3
===========

السوناتا:
3
زالهايونداي حصلت على 5 نقاط بشكل عام
===========

اللومينا:
1
===========

يعني انا الصراحه الين احترت بين السيارتين
الألتيما 6 سلندر
والاكورد

- لان الهايونداي الصراحه متردد فيها
- السوبارو ما اشوفها تستاهل هذا السعر ولو كانت قويه لاني انا مجربها واعرف اسعار قطعها
- اللومينا في الامارات الاغلب يقولون ابعد عن الامريكي

ففي النهايه انا حصرت الخيار بين الاكورد والالتيما

ولكن راح احاول اقارنهم الحين

الألتيما 6 سلندر:
- عزم ومحرك قويين (مجرب هالشي)
- الشكل الخارجي ممتاز
- الشكل جديد ما صار له سنه نازل يعنر ما راح يتغير قريب
- الموتر ياباني والمكينه فتك وصرفيتها معقوله وقريبه من ال 4 سلندر
اقل فئه من ال 6 سلندر تجي جنوط (رينجات) و APS و2 ايرباج و و و

عيوبها:
- وكالة النيسان عندنا تعبانه وتعاملها في الفتره الاخيره مع زباينها خ.....
- الشاصي تعبان وهو نفس شاصي المكسيما
- البدي قرطاسه
- قطع الغيار مرتف
- سعرها ينخفض بشكل صاروخي

===========
الأكورد 4 سلندر:

- الشكل الخارجي جميل
- الداخلي ايضا
- الشكل الجديد من الخلف عطى الموتر فخامة
- الموتر سعره فيه
- المكينه جيده وعزما حلو

العيوب:
- الشكل راح يتغير كليا سنه 2008 يعني بعد سنتين
- ال 6 سلندر نزل عندنا بالامارات بس بسعر 102 ألف

بس سؤالي لكم
- هل البدي والشاصي افضل في الاكورد عن الالتيما؟
- هل قطع الغير غالي؟
- كيف سعر الموتر عند اعادت البيع؟
و ابي رايكم

وانا معاك خصوصاً بعد ماشفنا ان موديل 2006 ابدااااااع

:banana:

1- أكورد الشكل الجديد..
2-لومينا ال تي زد...
3- ألتيما ولاتفكر بغيرهم..

جزاكم الله خير على النصيحه

باذن الله بكره رايح الوكاله اخذ هوندا اكورد

بس الحين ما في غير 4 الوان

ذهبي
واخضر
كحلي
وعنابي

وعلى الاغلب اذا ما لقيت اللون الرمادي راح اخذ الذهبي باذن الله

شكرا يا جماعة الخير

والحين انا راح استخير

تحياتي
اخوكم رحال

ولو بخاطركم راح اصور لكم الموتر بعد ما اسجله