مراحب شباب وبنات قسم الطرائف ..
انا ضيف من قسم السيارات ، حلفت والله ما تقومون تسلمون
خلوكم مرتاحين
المهم هل تعلمون ما هو الكرك ؟
الجواب في الصور التاليه وهي من تصويري
هذا المحل في الشارقه ، وهو معروف عند شباب الشارقه
وهذا الشاي العجيب في خورفكان ، المنطقة الشرقية من الامارات
شفتوا الادمان وين وصل
وهذا الي في كورنيش الممزر في دبي ، وهذا دوم زحمه عنده !
شوفوا كيف !
الكرك باختصار هو شاي حليب بخلطه هنديه عجيبه .. يخليك الكرك صاحي طول اليوم ..
واللي يشربه مرة وحده بيدمن عليه يوميا مثلي ..
وهو منتشر في الامارات وقطر وعمان .. ومن مميزات الكرك انك يوم توقف عند الكفتيريا ..
تنزل جامة موترك ، وتأشر للعامل بصبعك عن عدد اكواب الكرك اللي تريدها
وهو بيفهمها على طول نظرا لخبرته في هذا المجال العميق
وقيمته نص درهم ، وفي بعض الاماكن الاخرى بدرهم
شكرا لكم وانتظروا الجديد مني قريباً
عرض نسخة للطّباعة |
ارسل هذه الصفحة لصديق]
