شلونكم شباب شخباركم :laugh1:

انا اليوم مزاجي فله حبيت انزل موضوع فيه تحدي و صور و قصتي مع لعبة GT 4....طبعا الكل يعرفها..انا كنت العبها من الجزء الأول لي الرابع و امممم لعبة حلوه الصراحه و خصوصا الجزء الرابع فله!!

اول شي ابدأ بموضوع التحدي...طبعا الي يلعب اللعبه يعرف طريقة احتساب الربع ميل....انا ابي من كل واحد يلعب اللعبه يحط بالموضوع هذا اقوه رقم اجتاز فيه الربع ميل طبعا مع نوع السياره و موديلها.....الخ

انا اقوه رقم اجتزت فيه الربع ميل (400 متر) كان بسيارة SUBARU IMPREZA WRX STI موديل 2004 معدله تعديل كامل من HKS و قوتها 527 حصان عند 6400 RBM و وزنها 1164 كيلو



الربع ميل = 8,253 ثانيه بسرعة 280 تقريباً (مع غاز)
الربع ميل = 9,833 ثانيه بسرعة 210 تقريباً (بدون غاز)

---((هاذي السياره مع ارقامها و صورها و اتحده احسن لاعب فيكم يجيب رقم احسن منها:laugh1: <<<<وايد متفائل......مع العلم ان ناقصها تعديل..انا اعتقد اني اقدر اخلي الربع ميل = 8 ثواين او 7,9 ثانيه بسرعة 300!!))---

--------------------------------------------------------------------------
--------------------------------------------------------------------------

الحين اقولكم قصتي و طريقتي باللعب بالجزء هذا :cool: مع الاخذ بعين الاعتبار ان الخبره تلعب دور يعني اذا في احد مبتدأ هني خل يطبق طريقتي و ماراح يندم

==راح يكون عندك مبلغ 10000 $ كبدايه تشتري فيهم سياره مستعمله و ...الخ انا اعتقد ان اغلب الشباب يشترون نيسان سكايلن GTS 32 كبدايه....لاكن انا الي سويته غير.....!!

اولا تروح تخلص الرخص كلهم او على الاقل الاول الثاني و يفضل الثالث...طبعا مع كل رخصه تخلصها يعطونك سياره و السياره تختلف اذا كانت نتايجك ذهبيه او فضيه او برونزيه مثلي انا خخخخ...المهم تاخذ السيارات السكراب طبعا اذا نتايجك برونزيه اعتبرهم سكراب و تبيعهم و راح يكون عندك مبلغ 25 او 30 الف.....امممم هني لازم تروح للسيارات المستعمله و تبحث عن هوندا سيفك SIR موديل 90-95 قوتها طبعا بحدود ال 170 حصان تشتريها و تروح تغسلها و تبدل لها زيت (عايش جو اللعبه ) و بعدين تزودها بتيربو ارخص نوع (لانك فقير بعد) + غاز و راح تصير قوتها 200 حصان تقريبا و لا تنسه تفتح الغاز لاقصى حد (100) و هني روح انت و سيارتك الي جنها سيارة توصيل طلبات مطاعم و ادخل على شركه هوندا او سباقات شركة هوندا و ادخل السباق المخصص للسيفك..5 سباقات على كل سباق 5000 $ اذا خلصتهم كلهم راح يعطونك هوندا سيفك مخصصه للرالي قويه طبعا..تقدر تبيعها ب 95 الف و تشتري السياره الي تعجبك او انك تدخل سباقات الرالي و تطلع منها ملايين!! مثل ما انا سويت

انا الحين عندي اغلب سيارات اللعبه و اغلبهم مزودين كل هذا من خير السيفك :cry1: الله يرحمها بعتها علشان اشتري صينية كلج حق كورفيت :cry1: بس الله عوظني بهوندا NSX


و عندي وانيت فورد SVT LIGHTNING احبه احمل عليه جت و شعير للغنم و يقطع الربع ميل ب 9,780 ثانيه



و دودج فايبر يقطع الربع ميل ب 8,6 ثانيه و توب سبيد 461 كيلو و قوته 1032 حصان




ووو وايد سيارات غيرهم

الحين ابي اشوف التحدي شلون صاير معاكم :banana: ....

نشوفكم على خيــــــــــــــــــــــــــــــــــــــــــــــــــــــــــــــــــــــــــــر

هلا اخوي

لعبة حلوة وممتعة بس لا تتفائل كثير انا جايب بالسزوكي 7.8 وبالفورد جي تي 8.2 وغيرة بس التحدي على احلى سرعة انا جبت بالاودي حقت السباقات 505

والحين خلصت اكصر من 65% من الشريط ومعي ست صفحات من السيارات ما فية سيارة والا شارية ومزودها فل

المهم مشكور على الموضوع الحلو وفي اقرب فرصة ابحط صور سياراتي

ألنسخه الإنجليزية نزلت ولا؟

اخوي قلق و رجه مشكور على المشاركه... انت تقصد السوزكي اسكودا؟؟ جم حصان وصلت فيها؟؟ 1600 حصان؟؟ انا الامبريزه 527 حصان<<<<<بده يتمسكن .... اممم تصدق عندي فورد GT بس مو مزود يبيله تزويد :blink: بس بيني وبينك محتاج فلوس ما عندك سلف ؟


اخوي Dreams_Maker المفروض الامريكيه تكون نازله بس انا العب على اليابانيه

كم تبي بس امر

شف فية كم سباق في الاوربي والياباني يعطون فلوس واجدة وخاصة الاوربي فيه واحد يعطي مرسيدس GTR تقدر تبيعه ب 700 ويعطونك هم 200 تقريبا يعني في ساعتين معك كم ثلاث ملايين وترى لازم تشتري سيارات سباق حقت لومان وغيرها لانها خفيفة وما تروح الكفرات بسرعه في سباقات الدورات الكثير وهي ثابتة بس عيبها غالية

انصحك بالاودي ب 4.5 مليون

انا عندي تقريبا كل السيارات 4 صفحات تقريبا..غير الي بعتهم يعني

عيبي اذا نقصتني فلوس اقوم ابيع سياراتي الي مزودها!

احسن سياره سباقات عندي المرسيدس السوبر موديل 89...في سباق دوري بالاوربي للسيارات موديل 1970 هذا طويل حيل

عقبال ما تخلص 100% :banana: و تخبرنه شنو يصير معاك

هلا اخوي ماشالله عندك ثقافة يابانية ..
انا خذت النسخة اليابانية وخبلتني :ranting: قلت انتظر النسخه الانجيلزية او اشتريها اصلية ب190 درهم بس خايف ما يشغلها الجهاز لانى ما جربت الاصلى عليه
على فكرة لو رغبت في احصنه اضافية للسيارات لازم اتغير زيت للسيارة قبل لاتسوقها او اول ما يعطونك ايها وبالهاطريقة تكسب بين 5 الى 12 حصان اضافى على حسب نوع السيارة

واذا رغبت في قومة اسرع ادعس على زر R3 خلال العد التنازلى 3 2 1 في بداية السباق

والسموحه

اخوي انا في جراجي سيارات كثيرة وقوية جدا جدا جدا جدا

يعني يكفي اني اقولك عندي Suzuki Escudo من الرالي اللي العبه

وبعد ما فزت بالسوزوكي على طول غيرت الزيت وزودتها على الآخر

ثم رحت ولعبت سباق الاندورانس 300 كيلومتر "Grand Vally Super speed way " ا>ا ما خاب ظني

هناك فزت عليهم بسهولة واخ>ت سيارة
مرسيدس موديل 89 والسيارة قوية جدا جدا جدا جدا اسمها ما ا>كره بس انا سميته صابر

وزودته فل
ويقوم بسرعة وتصل سرعته القصوى بدون غاز 384 كلم/س

تبي صور السيارات

خبرني الطريقة لاني ما اعرف


تحياتي

غريب السيف :
كيف حصلت النسخة الاصلية ب 190 درهم؟

يمكن فيما بعد انت اخ>تها

انا اخذتها وقت ما نزلت
وكان سعرها 330 درهم

والحين كملت 49.1 % من اللعبة


طبعا يومين في الاسبوع العب

وفخاطري اخلص سباق ال 24 ساعة الاسبوع هذا او الجاي او في العطلة الصيفية

هلا اخوي كروزر 2000
لقيت النسخه الاصلية في محلات فيرجن ميجا ستور اللى في السيتي سنتر
بس انت خبرنى؟ اذا الجهاز مركب عليه قطعه لتشغيل السديهات التقليدية هل يشغل السديهات الاصلية ؟
لان واحد خبرني ان الاصلي مايشتغل لو عليه هالقطعه
لكن لو تأكدت ان الاصلي يشتغل عليه مابتردد واشتريه تراها تستاهل

AnGlOpHiL

عندي مازدا rx7 sport spirit .. قوتها 641 حصان والسرعه القصوى بدون غاز يابت 370 كيلو







اخوي اذا كنت تبغي تاخذ صور حلوه خذلك Memory flash وحطها داخل الUSB للبلايستيشن 2 المخصص لها..., وسوف اتحداك :knight:

ERT
اخوي انا اقبل التحدي بس كيف الطريقة بالضبط ؟

انا عندي فلاش ميموري يو اس بي

وبعدين شو اسوي اركبه عند مكانه المخصص

وبعدين اريد اخذ صورة كيف؟



انا متحمس جدا جدا جدا

غريب السيف:

والله اخوي انا مادري اذا بيضبط ولا لأ


بس لو تسأل راعي المحل هو يعرف

لاني ما اذكر اني غيرت نظامها

اللهم اغير الليزر فقط وكان قبل سنة ونص يمكن

انا توني اليوم بادي في اللعب وعندي نفس الوانيت الفورد إلي عندك وعندي كذا سيارة وانا اليوم بقعد اجمع فلوس وبشتري السكيلان وان شاء الله اجيب ارقام مثلكم

cruiser2000

نعم ركبه في مكانه المخصص ... , وبعدين روح عند Granturismo mode وبعدين رووح الى photo travel



بتحصله فوق My home اسمه Photo Travel وبعدين اختار اي مكان
تبغي اتصور سيارتك



اذا نسختك باليابانيه ادخل هنا وبتحصل الTranslations للمينيو

http://z-o-g.org/gallery/gt4tr?page=1

ERT

انا حطيت الفلاش جت على طول
ورحت عند التصوير صورت صورة سيارة وجربت
طلعت الصورة على التلفزيون
ضغطت Start
ثم طلعتلي نافذة
اخترت اول واحد
واخترت بعدها خيار ال USB

وفعلا شفت ضوء الفلاش شغال

والحين بجرب اذا الصورة موجودة ولا لأ




لحظة بس اشوفهن




طلعن الصور وواضحات زي اللي التلفزيون

عندي حدود 120 سيارة

تعال ERT وشوف المواتر الاربعة الزينة اللي عندي

بس الربع ميل بعدني ما سويته بسويه بعدن الحين مجرد الصور عشان تكحلون عيونكم


هذا المرسيدس:
مع8ليش الصور كبيبرة



يوووووووووووووووووووووووووووه مو وقته


مادري المرسيدس استوى بس الباقي ما استوى ليش مادري

بحاول ارفع الباقيات في وقت ثاني اخوي ولا يهمك

كروزر 2000

ههه الصوره كبيره !!!!! :p

ERT:

عجبك المرسيدس؟ :-)

هذا ربحته في الاندورانس ابو 300 كلم / 60 لفة

انا جبت بنفس السوبارو و 526 حصان 7.6 وبالسزوكي 7.5
واعلى سرعة بالاودي حقت السباقات 510

والسباق اللي يقول 1970 هذا مجنون يقولون 120 70 و 80 دورة ليش ما عندي شغل
هو سهل بس من جد طويل يعني لا يطاق والصعب انك ما تقدر توقف وتسيف وبعدين تكمل لا مرة وحده

على العموم انا خلصت كل المراحل ما عدا الفورملا والسباقات الطويلة وهاذي انتظر الكلامات السرية

وعندي 7 صفحات فيها الكونسبت واللي انا شارية وجميع السيارات القوية وفل تزويد واللي عجبني فيهم الفورد جي تي وال 454 SS فيها احساس حلو وفيه سيارات كثيرة روعه

شريط حلو بس ينقصه بعض الاشياء مثل الفيراري واللبمرغيني والكورفت الجديدة واشياء ثانية

انا اسرع سياره جبت فيها توب سبيد ......... كاديلاك ساين وجبت فيها 470 كلم

اشتريت هاذي وضبطها

Skyline GTR BNR34 V spec II




0-400 الربع ميل

8.925 غاز

9.625 بدون غاز

شباب ماشاء الله عليكم.....واصلين مراحل متقدمة.....انا لسه شاري النسخة الانجليزية امس.
بحكم عملي وضيق وقتي....ما أقدر اجيب كل الرخص والعب كل السباقات..وانما متعتي فقط في تعديل السيارات لتوب سبيد أو كوارتر مايل..ومستعد اتحداكم كلكم
هل في طريقة سواء عن طريق الجيم شارك او غيره ..اجيب فيها عدد غير نهائي من المال وتفك الرخص كلها...وتخليني افوز بالسباق من لفة وحدة...مثل ماكان في في جيتي3 ؟؟
ارجو المساعدة.....

ولاتنسوا كلكم عرضة للتحدي

في انتظار مساعداتكم

والله يا اخوي يبيلك تتعب شوي الحين لان على ما اظن ما بعد نزلة ةلا كلمة سر

وانا جبت كل الرخص حتى السوبر وترا اصعب شي الاخيرة قسم بالله اللي يسويها يعتبر نفسه انها الشريط


من جاب منكم يا شباب كل الرخص

ERT
انا جبت بالسكيلن نفسها 8.5 بطريقة رهيبة

شف لا تقومها بواحد قومها باثنين مع غاز وقصر القير الثاني شوي بتوفر وقت كثير

وعادة اذا قومت بواحد لا ترص غاز تكون القومة افضل والغاز حطة على اقوى شي والقير اطول شي او اذا بتعرف توزنه هذا احسن

قلق و رجه

انا جبت الرخص كلها

قلق ورجه

بحاول اضبط السكيلاين :knight:

Cruiser2000

وين الاوقات !!! خخخ