السلام عليكم......مساكم الله بالخير جميعا....




بصراحه عندي استفسار بسيط,,,قلت مالي الا فزعت شباب سوالف..



السالف ومافيها اني قبل شوي كنت عند محل البريكات...لأني اسمع صوت تصفير في البريكات الخلفيه...

المهم الرجال يوم شيك على القماش...قال لي القماش سليم....لكن الهوب يبغاله خراطه...


قلت كيف الهوب يبغاله خراطه والقماش سليم....؟؟؟


فالسؤال هل ممكن ان الهوب ينعدم قبل القماش؟.؟؟


علما ان السياره ماجنا ماشيه 85 الف كيلو...



وسلامتكم...

عادي..... يمكن اخر مرة بدلت سفايف ما خرطت الدرامات او بدلتهم فانتهي عمرهم الافتراضي رغم ان السفايف جديدة... تبى نصيحه بدلهم الاثنين مع بعض

اخوي مشكور على ردك..


لكن انا ماسبق لي وغيرت السفايف الخلفيه خير شر...


يعني مافيه لا مره اولى ولا شي...


لكن مع ذلك يقول فيها نص عمر..


لكن اللي قاهرني هل الهندي يضحك علي؟؟؟

ولا صدق ممكن الهوب ينعدم قبل القماش...

والله أول مرة أسمع أنه الهوب ينعدم قبل القماش.:think:

تحس ان السيارة تحذف يمين والا يسار ؟؟؟

وهل صوت الصرصرة تجي مع الفرامل والا حتى وانت ماشي ؟؟

هل غيرت الفرامل من اول لو حتى الامامية وكم كنت السيارة ماشية يوم تغيرها ؟؟

قد تحتاج الشغلة تنظيف بس ...... لكن جاوبلي على الاسئلة

صحيح 100% يا CL-Class

الفرامل يحتاج لها تنظيف فقط

احتمال كبير دخلت في موية مطر او مجاري ودخل بعض الطين بين القماش والهوب فأصبح يسبب صفير

كل ماعليك هو ان تعمل تنظيف فقط لا اكثر ولا اقل

تحياتي