السلام عليكم

بعد ما أسبغ الله نعمته علي ببيع القمامة بيجو وانا ابحث لي عن سيارة مستعملة امشي حالي فيها حتى ربكم يفرجها وناخذ لنا سيارة جديدة.......

المشكله الاولى اني لم اقتنع بأي من السياارت اليابانية بصراحة ...
ماشاء الله على البيجو رونق وجمال وتكتيك واهتمام كبير بالتفاصيل
كل شي فيها يفتح النفس الا مشاكلها الكثيرة ...
ممتعة ..كل شي في متناول يدك وبالقرب منك واستخدامه سهل وممتع في نفس الوقت

المشكله الاخرى ان فلوس البيجو تفركشت ولم يبقى معى منها الا 38 الف ريال فقط

لذلك بحثت عن سيارة ممتازة ومعقولة بهذه القيمة ولم اجدا ابدا ...


فكانت الخياارت امامي هي اما مكسما GV2 او افالون او اكورد من موديلات 2000 وطالع ...
مع عدم اقتناعي التاااااااااااام بالمكس الا انها افضل الموجود تقريبا لسعر قطع الغيار المعقول ولكني للاسف لم اجد اي مكس نظيفة ..كلها اما مصدومة او ماشي كثيراو مقلوب.

عموما وبعد صولات وجولات في معارض جدة الخايصة

فجأه لمحت اكورد بمحرك 3 لتر ماشاء الله نظيفة ويظهر انها بمواصفات امريكية لانها بدون لوحات وايضا النور الامامي الصغير لونه برتقالي وو الخ ...

جربت السيارة ووو الخ

نفسي انفتحت للسيارة وانبسطت منها ...ماشاء الله

محركها قووووووووووووووووووي
وهادئ طبعا قير اوتو
وسيارة مريحة ومن مواصفاتها
مقاعد جلد بيج كهربه للسواق فقط
سي دي بدون كاسيت
فتحة سقف
جنوط مقاس 15 خاصة بالمحرك 6 سلندر وهي 5 مسامير
فتحة سقف زجاج
مثبت سرعة
تحكم من الدركسون بالصوت
ريموت كنترول مع جهاز انذار مززززززززززززززززززعج
لون السيارة الخارجي كحلي غامق .
ماشية 85 الف كيلو
المشكله ان السيارة مواصفات امريكية او كندية لان العداد بالكيلو وليس بالميل ..
ولكن النور الامامي الصغير لونه برتقالي على المواصفات الامريكية والمكان المخصص لللوحة الخلفية ايضا مربع لان النور الخلفي طويل قليلا ..اكثر طولا من الموجود لدينا ...

سعر السيارة مابين 35و 38الف ريال ...طبعا بطاقة جمركية وعلى المعرض الفحص واللوحة والاستمارة

البودي نظيف بنسبة 98% ..بدون سمكرة او رش بوية ماشاء الله
من الداخل السيارة جدا نظيفة ولا فيها اي شي مكسور او عطلان .
وكل شي نظيف واستخدام محترم ورائق

وعلى كلام احد الاخوة ...الظاهر ان السيارة كانت تملكها امرءه عجوووووووووز .

بعد الكشف عليها ميكانيكيا ومبدئيا وجدت ان السيارة ماشاء الله لا تعاني من اي خلل كهربائي ولا ميكانيكي ولله الحمد ...

قولوا رايكم فيها هل احد يعرف عن السيارة شي؟ وخاصة من ناحية قطع الغيار مع العلم ان الوكيل ماجاب محرك الــV6 الا عام 2002 لاول مرة وهذي موديلها 2000 لكن عموما هي نفس الشكل والقطع والله اعلم لكن هذا الي يظهر لنا .

رأيكم يهمني بدرجة كبيرة لذلك ارجو من الجميع ابداء الرأي والمشورة .
والله من وراء القصد

محبكم

هوندا معروفه بجودتها التي لايعلى عليها..وانا اشوف انها تستاهل الاقتناء مشيها حلو ونظيفه والاهم من هذا انك مرتاح لها...بالنسبه لاسعار القطع انا اشوفها كويسه بالنسبه للعمر الي راح تعيشه معاك..


أنا اقول توكل على الله وخذها اذا ماحصلت موديل اجدد يناسبك سعره..وعلى فكره موديل 2000 أخذ 5 من 5 من ناحية الجوده الميكانيكيه:cool: طبعا عند جي دي بور المشهوره


كل المؤشرات تقول انها سياره ممتازه وان شاء الله مبارك فيها

مؤيد اف 1

جزاك الله الف خير على ابداء المشورة الصادقة

رغم تخوفي من الاسعار الخرافية لقطع هوندا الا اني استخرت واشوف نفسي مرتاح لها

وان شاء الله ان ربك يكتب لنا ولك كل الخير

تحياتي

السؤال الذي يدور في خلدي الآن

هل قطاع غيار محرك 6 سلندر موديل 2000 موجودة هنا

السيارة بشكل عام و حسب كلامك ممتازة جدا و سعرها معقول نوعا ماء

اهم شيء صلي الاستخارة و توكل على الله و اشتريها

عندي اقتراح ثاني و هو انك تشتري كراون فكتوريا موديل 2001 مثلا وارد امريكي بنفس السعر و يعيش معاك من احسن ما يكون و خصوصا انه محركه غير معقد و قطع غياره رخيصة جدا و الكل يعرف يشتغل عليه


و ربنا يبارك لك في رزقك و يوفقك لكل مافيه الخير و الصلاح

سناري

:p

اصلا ماراح تخرب وياك ان شاء الله واذا خرب فيها شي راح تكون أشياء بسيطه وماهي عالية السعر..أعرف شخص عنده اكورد موديل 2000 كارفه ويقول ماغير الا القماشات والبطاريه وأشياء استهلاكيه وغير الجنزير بس..يعني أشياء عاديه جداً والادهى انه لحد الآن ماغير بواجي

سناري يعطيك الفين عافية

بالنسبة لطقع غيار المحرك لموديل 2000 اعتقد انها نفس قطع موديل 2002 والله اعلم وهذا الكلام حسب افادة احد متخصصي هوندا ..

وانا بالفعل صليت الاستخاة ولله الحمد احس نفسي اني مرتاااااااااح للاخر لها

اما الفورد ففي البداية لم افكر غير ياباني لكن بعدين فكرت بالفورد وفي النهاية ابعدت فكرته عن راسي لاني غير مقتنع فيه الى الان

تحياتي عزيز

ماشاء اللع تبارك.........

بس انت متأكد انه الى الان ماغير بواجي ؟

توكل على الله وخذ الاكورد ... انا صاحبي عنده وحده ومرتاح

بس يعني يصير فيها مثل ماقال اخوي مؤيد خرابات اسنهلاكيه ..



ربنا يبارك لك في رزقك و يوفقك لكل مافيه الخير و الصلاح

تحياتي لك ..

والله انا مااستغربها لان الهوندا اكورد الجديده ينعمل لها تصفية مكينة كل 100 الف ميل

CAMARO4EVER
شكرا على النصيحة الاكثر من رائعة وبارك الله فيك

مؤيد اف 1

جزاك الله الف خير على المتابعة والافادة ..شكرا لك

تحياتي

السلام عليكم ورحمة الله وبركاته

اذا السيارة امريكية فيه موقع يعطيك تفاصيل الاشياء الي صارت للسيارة زي كم مالك للسيارة و اذا السيارة انسرقت في يوم من الايام او اي حادث جاها. الله يعينك على 20 دولار

الموقع www.carfax.com

و الله المشكله فيه ناس كثير ما تخاف من الله ويجيبون سيارات زباله للسعودية


Dreamer

السلام عليكم ورحمة الله وبركاته


S8

مواصفات السيارة حلوة اخوي ماجد ،وشخصيا انا جربت هي السيارة ونزلت التجربة بالمنتدى ،وسيارة ماعليها كلام ماشاء الله. بس القطع الغيار عندم اغلى من عدنا وخاصة اسعار قطع غيار 6 اغلى من 4
واذا تبغي شغلات حلوة للسيارة في مكان بالشارقة عنده شغلات تعديل للسيارة.
مكيف بارد ماشاء الله ،وثابت وتحس صوت الهواء من اطراف الزجاج الامامي وفتحة السقف.وسرعة العالية فوق 130 تحس مرايات الجانبية تتحرك كثير مع الهواء.
صرفية تحس بالبترول بس الحمدالله بترولكم ارخص ماشاء الله عنا.

بالتوفيق اخوي ماجد واستخير ويخلي يقلل من السعر ولاتنسى اللون ترى مب مرغوب كثير ويباله بولش وعناية وخاصة كراسي البيج.

تحياتي لك اخوي ماجد

اللون الكحلي بيتعبك بالتنظيف ,, غير انه مهوب مرغووب مرره ,,

لكن السياره اجمالا حلوه ,, وسعرها مقبول !!

توكل على الله وخذها ,,

ولا تفكر بالماكسيما او الافالون ,, لانك ما بتحصل ماكسيما نظيف ,, والافالون قبيح :(



الله يوفقك

خذها وانت مغمض

توكل على الله ترى شيخة الياباني الهوندا

أشوفكل شي مناسب وزين مبدئياً بالبركة:p

CRX
شكرا

Dreamer
جزاك الله الف خير على الموقع ..ويبغالنا نجربه و20 دولار مهي شي ..بالمناسبة ..السيارة يتبين لك انها جديدة ماشاء الله .

grandv8
هلا محمد حياك الله وشكرا على المعلومات الاكثر من قيمه !!!

© MATCHLESS
حياك الله وبياك يااااااااامشرفنا الزديد ....
الا على فكرة وين صاحبنا ابو الكراتيه؟
الي كسر يدي وفتت اصابعي وهشم اضافري وشتت افكاري هههههههههه

فاكر؟ ولا ناسي ؟

كوفي المساء تقاطع التحلية مع العيا

فكرتك ونظرتك ممتازة وصحيحة ...بخصوص بهذلة اللون؟ المشكله ان جدة كلها رطوبة وو الخ لذلك من جد الله يعين :p

خبير نيسان
جزاك الله خير على النصيحة

RED Chevy
اوكي ...كلام سليم

تحياتي

السلام عليكم ورحمة الله وبركاته


بصراحة يا ماجد .. إختيار موفق


على فكرة .. رحت أنا والأخ M5 أمس المعارض وشفنا السيارة وركبناها .. وانت عارف M5 مايحتاج .

عموماً السيارة نظييييفة ماشاء الله تبارك الله .

وبالنسبة لقطع الغيار ما أعتقد إنها مشكلة لسببين ..

1* القطع الميكانيكيّة الخاصة بالستة سلندر موجودة لدى الوكيل . ( إن شاء الله ماتحتاج )
2* القطع الأخرى سواء داخليّة أو خارجيّة .. متوفرة في السوق وبكثرة وبعدة أنواع متفاوتة الجودة .



والله يختار لك مافيه الخير .





تحياتي لك ,,
ماجد

CL 600
هلا ماجد

حياك الله ....كلامك معقول ويشجع الواحد ...

انا شخصيا كنت أتمنى ان ارغب ان يرافقني الاخ M5 ليشاهد السيارة ويطلع عليها ويعطينا رايه

مادام ان الامر كذلك والكل شجعني وأيدني لشراءها فانا ان شاء الله اليوم بعد العصر بروح افحصها وان كان الفحص والكشف سليم فان الله يكتب لي فيها خير ان كانت من نصيبي

تحياتي

من اول يا شيييييييييييخ

المهم انا اول واحد تبشره ترسل لي مسج والا تكلم والا تسوي اي شي

وبصراحه ونعم الاختيار
اهم شي انها سته سلندر
لان اصعب شي للسائق جربته انا
انه يكون متعود على سياره ذات محرك كبير او متوسط وينتقل للصغير 4 سلندر وما جاورها
تخيل من كورفيت C5 الى هوندا سيفيك الى موستنق الى لكزس GS (الله يستر من كلامك عن المرايه الداخليه :eek: )
لكن دامها نفس المحرك ان شاء الله انك بترتاح معاها

واهم شي الاستخاره يا ماجدونا

وبالتوفيق ان شاء الله

wa ne3m al e5tyaar. Allah yektoblak ele feeh al 5air

corvette indiana police
هلا خيوووووووووو شكرا على ابداء الراي والمشورة وانا اخذتها بكل جدية واهتمام على اساس انها تزيد الهمة والقبول للسيارة

بالمناسبة ..ترى المراية هي الخارجية الي على اليمين وليست الداخلية ...
انتبه ..لان الخارجية سهله الكسر والسرقة

تحياتي


Pure_Intimidation
امين يارب ..بس هل تعتقد ان هناك اختلاف في اي شي ؟ عن الموجودة لدينا ؟

تحياتي

توكل على الله ..

انا عندي اكورد 2000 لاعن ابو ابوها سرعه وتفحيط وكل شيء صار لها معي 5 شهور شريتها مستعمل ما شيه 165 فير عادي ..

الاى ماشيه 185 وما حطيت ولا شيء عليها ولا شيء بمنى الكلمه بس تغيير زيت ..

بصراحه اخوي ماجد انت اخ وعزيز...وماتمنى ان التجربه اللي خضتها تتكرر معاك من جديد...

بصراحه الهوندا اكورد اربعه سلندر قطع غيارها غاليه جدا...فما بالك بالسته سلندر..أيضا ماحد يقدر يصلحها غير الوكاله حتى في المشاكل البسيطه.يعني اشوف ان السياره لها 5 سنوات...يعني ضاع كثير من عمرها...وأشوف ان السياره امريكيه ...يعني ممكن تكون أنظمة التبريد فيها مختلفه....وممكن ترتفع حرارتها مع الاستعمال الشاق..وأيضا السته سلندر جميع قطعه تجي طلبيه بسبب انه نادر الوجود....يعني تخيل انك مسافر وانقطع عليك سير...استنا شهر..ولا شهرين....


عموما انا أشوف ان المبلغ اللي عندك مايجيب لك سياره من الوكاله...
لكن انصحك بالفورد كراون فكتوريا موديل 2000...

8 سلندر...أريح...قطع رخيصه جدا جدا جدا جدا...واسأل مجرب...أخوي عنده ماركيز موديل 2000 والوالد الحين طلع ماركيز 2004....

الفورد يعيش اكثر من ناحية القير والماكينه...والفورد تسوقه وانت مرتاح...وقطع غياره متوفره...في كل انحاء المملكه...



عموما هذي وجهة نظري.,...

ثانيا بالنسبه للممشى انت متأكد انه 85 الف كيلو..


او 85 الف ميل؟؟؟


عموما اذا كان 85 الف كيل...اتمنى تسأل عن سعر سير التيمينق في الوكاله..وهل هو متوفر للسته سلندر..واتمنى بعد ماتسأل تنزل سعره هنا...



ويعطيك العافيه...