السلام عليكم ورحمة الله وبركاته


شفتوا مواصفات الرويال الجديدة وش رايكم فيها خصوصا لما اضافوا ba , ebd , pa اللي هي البريك استستنت و الاي بي دي والحساسات الامامية والخلفية ...
اشوف صراحة ان السيارة هذي صارت تستاهل الشراء بقوة خصوصا انها تجي اختياري ( في استراليا ) ببلوتوث مثل السيارات الفخمة للرد على المكالمات و ثلاجة كبيرة ... وسمعت ان المفتاح الجديد حقها مثل الكرت حق الكزس مايحتاج تطلعه من جيبك ....
يعني كل هذا ب 120 الف ريال تقريبا غير الشاشات اللي ورى والتحكم الخلفي للمكيف والمسجل والسماعات حقت الاذن والاوتو دمنج للمرايات والذاكرة للمقاعد و المسجل 6 سيديات و 12 سماعة وهيدوليك في الخلف و بايبراج جانبي وامامي وتخشيبة حلوة ووسع داخلي اكبر من الكزس ويقارب البي ام دبليو الجديدة وبمحرك 8 سلندر وبأنوار ليد في الخلف اشوف السيارة تستاهل وبقوة الشراء بالسعر هذا .......
اعتقد ناقص للسيارة هذي شيئين هما الانوار الزينون والستائر الخلفية والجانبية ...
لكن الغريب الالوان اللي نشوفها بالشوارع كلها يا ابيض او اسود ...فماهي الالوان المتوفرة على الرويال الجديد 2005 ؟؟؟













اخوكم الشبابي

هلا الغالي ..

حنا عندنا كابريس رويال موديل 2002 ...

أحلى شي الكراسي الورانيه ..

ولا الـ760 مالنا .. لوووول ...

راحه وتحكم بالرادو والمكيف ..

وخاصه من 2003 وفوق تروم تاخذ التلفزوين اللي بمسند الراس ...

..

وطبعا لا تنسى مكينه الـLS1 ... عذااابي ...

..

مشكلة وحدة بتواجهك ..

الأزعاج الخارجي .. بشكل فظييع ...

وصوت السيارة كله في الكابينة ..

بس سواقتها ويلستها مريحه ..

..

وأن شاء يكونو حلو هالشي بموديل 2005 ...

:banana: :banana:

أخوك

EL_3grab

مشكور اخوي العقرب على ردك ..
اضيف اني جربت الكابريس الجديد حق واحد من اخوياي موديل 2004 ماشاء الله ما لاحظت حكاية الاصوات الخارجية اللي تقول عنها ...
















اخوكم الشبابي

عيل مالنا المخشول ..

ما عندنا سيارة عدله فالبيت .. قلهم متخشولين ..

.. يعتمد على السواقة .. لوووووووول .. :banana:

الصراحه بقولك انا داعم مرتين بالسيارة ..

والقير اخوي كسرة مرة ... وزين كانت على الضمان ..

ولعب ما ينتهي بالكابريس .. واللند اللي عندنا ..

ألعاب البيت هاذيل ..

بس حشرة مقارنه بالألماني ..

والعفو

الرويال الجديد 2005 فيه نظام مراقبة ضغط الكفرات..وفي شي انت نسيت ماقلته الي هو ان المرايات الخارجيه قابله للتدفئه..وشغلة المفتاح مااتوقع انها صحيحه:think:


في لون جديد اسمه أوديسي هذا اللون حلو وعجبني وفي المغرب يصير جنان:p

روح موقع الهولدن وتحصل كل شي الموقع

طبعاً في اختلافات شكليه خفيفه عن الي عندنا:cool:


والسياره خوش سياره وتستاهل:banana:

اخوي بصراحه انا اقول بعد هالتعديلات تستاهل الشراء


وانا شفت الوان كثيره على الرويال مثل الفضي والكحلي

لكن 2004 جنوطها للأسف خايسه يعني تفشل (وجهة نظر شخصية)

الشبابي اذا كنت ناوي على رويال اخذها وانت مغمض ..

انا عندي كابريس 2005 LS وقمة في الفخامه فما بالك بالرويال

لو كان عندك المبلغ توكل على الله بدون ما تسأل :banana:

اخوي بصراحه انا اقول بعد هالتعديلات تستاهل الشراء


وانا شفت الوان كثيره على الرويال مثل الفضي والكحلي

لكن 2004 جنوطها للأسف خايسه يعني تفشل (وجهة نظر شخصية)

بسم الله الرحمن الرحيم
السياره حلوه بس بنضري اذا انت شباب خذ ss اما اذا انت مشرف على الزواج خذلك رويال الرويال عيبه جنوطه والزوائد الي تحت ماهي مصبوغه بس ماهي مشكله تنصبغ بس اقول ما فكرت ب اي كلاس الجديد مستعمل ماشي شوي تراه حول هذا السعر واذا مصمم انصحك اصبر ويبغالك تعرف متى بيتغير الشكل لان الكابرس الجديد الشكل يتغير بسرعه نوعا ما ولا تنسى تستخير والله الموفق

دام انك مقتنع فيها فاكيد هي حلوه

بسم الله الرحمن الرحيم

بصراحة ... ما انصحك بالاسترالى ابــــدا

تراه تعبان بالحيل ....

..اضرب لك مثال :
و احد من الشباب معاه رويال فضي كان في طريق الطايف و كان ماشي 180 كم
و الطريق ضيق و المشكلة سقط عليه راعي شاحنه وووو

حاسه عليه الكابرس و هذا ... وهو مليان انظمة ( للعلم موديله 2003 اخر دفعه )
و بعدها صدم بواجهت جبل و كملت السيارة و انقلبت ثلاث مرات ( لاحظ انقلبت )

و الى صار .... تكسر هو و الشباب الى معاه و لا طلع اي Air Bag ... مع انه فيه 10 ايرباق !!!!

...... والله مسكين .. وراح يبي الشركة تعوضه .... قالوله اقلب وجهك !! و شوفه الان قاعد يقصد دم قلبه على سيارة ماهي فيه !!!! ( للمعلومة .. كان مأمن شامل )


نصيحة لوجه الله ... ابعد عن الشر و غنيله !!! :cool:

... يا اخي اقرب مثال .. روح لاي ورشة و قوله كيف اللومينا او الكابرس ...
راح يقول الهندي : ( هذا مافي كويس ) وهو يهز راسه

اتمنى ما اكون طولت ...
سلاااااااااااااام
( خذ التيما ابرك لك )

اخوي الشبابي اذا انت بتاخذ السياره وتستخدمها استخدام صحيح انصحك فيها ماعتقد تحصل مثل سعر هذي السياره وبهذه المواصفات تقريبا شيء شبه مستحيل ولكن تحتاج بعض التعديلات الخارجيه مثل الجنوط تحتاج مقاس اكبر وايضا السياره من الخارج اعتقد تجي عندنا في الخليج من لونين لون فوق يختلف عن الي تحت او انه الي تحت مش مصبوغ من الاساس يعني تحتاج صبغ من تحت نفس اللون الفوقي وجنوط وبتطلع السياره 100% ان شاء الله

الكابريس ابدااااااااااااااااااااااااااااااع وماعليه كلام

شكرا على الردود ياشباب ...
اخوي العقرب ...
يمكن الصدمات هي اللي سوت تنسيم الى داخل السيارة وبالتالي الازعاج ...
واحسن شي انك تشتري السيارة وتكسرها على راحتك ... انا اللي بأموت يوم من الايام ولا هي ؟؟


اخوي مؤيد اف 1 ...
صحيح هالمعلومة نسيتها انا ... ضغط الكفرات متواجدة بالخليج وشفتها بالكتالوج وبالنسبة لشغلة المفتاح فهي موجودة في موقع نيوزلندا بس ما ادري اذا كانت موجودة هنا ...

اخوي جلكسي و s_sfs ...
الجنوط خايسة ادري بس احسبوها بالعقل اخذ اس اس شكله حلو لكن انا مو حق مطارحات و الاس اس نازل شوي وتعليقه رياضي قاسي .. هو صحيح مع انه يعتبر قاسي الا انه مريح وناعم الا ان الرويال انعم وارتفاع السيارة اعلى عشان المطبات لأن الاس اس احيانا يحك من الاسفل والرويال من الخلف يجي هيدروليك يعني قمة الراحة ...
والاشياء الموجودة في الرويال صعب تحطها بالاس اس مثل الشاشات والدي في دي والذاكرة حقت المقاعد والسماعات والانوار والمرايا الخلفية ...
لكن الرويال ممكن اركب جنط 19 حلو واصبغ الاجزاء السفلية بلون السيارة يتغير شكله ...
ولعلمكم ال HSV كابريس جرانج هو رويال بزوائد رياضية ولاحظت ذلك من الداخل نفس المكونات والاجزاء ومن الخارج عليه فيابر وجنوط رياضية .. ومع ذلك فالتعليق الخلفي هيدروليك ...
واعتقد مثل هالصورة احلى من الاس اس ...




اخوي كورفيت ستينجري ..
شكرا على الدعم المعنوي ..


اخوي موستينج كوبرا ...
الرويال اروق وانا معاي مكسيما طلعت كل المطارحات من راسي ... كرهت السرعة والخوف ..
ابغى الرواقة والراحة وشي يساعدني على مسكة الخطوط ...
بالنسبة للأي فكرت فيه من زمان ... بأكون صريح معاك ... اليورو مرتفع والاي اذا اخذته بأخذ اقل نوعية بأقل مواصفات وصراحة جربنا المرسيدس وقرفة .. اخوي معاه فياجرا 2002 ورتنا الويل .. كل فترة يخرب شي وادفع شوية وشويات ... كل محل يتفلسف وينصب .. والمثل يقول رحم الله امرأ عرف قدر نفسه .. الوالد ماراح يشتري لي مرسيدس الان ..


اخوي AltimaSE-R ...
ايه لاتنسى ان الرجال اللي تتكلم عنه يحب السرعة ودايما يسرع وما اعتبر من حادث اخوه باللومينا ... يا اخي السيارة اذا استعملتها زين تعطيك وتكرف معاك بس اذا كسرتها تكسير بتخرب على طول ...
اعرف ناس معاهم لومينات وكبارس ومستعملين زين وماقالت معاهم شي ..


اخواني TOP-SECRET و Mr_CoRvEtTe ...
والله جبتوها وفعلا سيارة بمواصفات رائعة ...

















اخوكم الشبابي

طيب اخوي ليش ماتشوف لك واحد يطلب السياره كامله من استراليا باسم هولدن ونوع grange وترتاح من التعديلات ووجع الراس ؟

لان اللي بالسعوديه صراحه الاس اس احلى منه بكثير لاكن النوع اللي بالفيديو من جد طالع مميز وفخم وماكانه كابرس وللعلم الرويال اقوى من الاس اس بـ 20 حصان يعني وش تبي اكثر

سلام

السلام عليكم ورحمة الله وبركاته

اخوي الشبابي , اختيارك متميز بصراحه والسياره حلوه , ورهييييبه , وفكرتك انك تاخذ رويال وتحطله زوايد Grange روووعه واحتمال اطبقها في يوم من الايام ,

اخوي AltimaSE-R , عندي تعليق بسيط على كلامك , هو كان ماشي 180 وانظمة الثبات صعبه انها تمسك السياره على هالسرعه , وبخصوص الايرباج ترا الايرباج مايطلع الا بالتصادم من الأمام وفي حالات التقلب صعبه انه يفتح واسأل اي حد انقلب وهو يقولك , نادر اللي يفتح معهم الايرباج . . .
والحمدلله اخوي انها جت سليمه في الحديد ولا فيه اخوي , السياره تتعوض لكن اهو لأ , واخوي انت قلت انه مأمن شامل ايش السبب اللي ماخلى شركة التأمين تعوض السياره ؟ المفروض في هذي الحاله يعطونه تعويض !

وجزاكم الله الف خير

تقبلوا تحيات اخوكم

...... الوكيل قاله : نحتاج تقرير المرور ... و اتضح ان ماله خصم .. و شركة التامين تقول لازم راعي الشاحنة يكون توقف .. عشان يتحمل المبلغ !!!! لكن راعي الشاحنه هرب !! :anger:

يعني يحلم فيها ... ... بعدين يا اخوان .. السيارة اول ما صدم فيها صدم بالواجهة .... و هذا كلام راعي السيارة .... ليه ما طلع الايرباج ؟؟؟؟؟

يلا سلااااااااااااام

هيا صحيح السيارة إغراء

والسيارة روعة من ناحية المواصفات...

لكن من ناحية السلامة والأمان

,,,وأنت أدرى


تحيااتي

أخوي Maranello

هذه مهي أول سيارة ماينفتح فيها الإيرباق من هذه الشركة

واحد صاحبي كان معاه لومينا إس إس 2000 السيارة تصدمت من كل الجهات...

والحادث كان جامد


ولا أنفتح لا إيرباق..والسيارة تشليح

تحيااتي

لا تكثرون الهرج..

خذ الرويال وتوكل على الله

الرويال متى كان فيه 10 أيرباج

والايرباج مايطلع منا والطريق لازم توصل الضربه للسنسر وهذا الشي مدروس اذا كان في خطر على السائق كبير الايرباج تقلله فقط لاغير مستحيل تمنع الاصابه..والايرباج اذا طلع من دون داعي ممكن يسبب اصابه لان انفاخ الايرباج قوي وسريع وتخيل هالشي يرتطم بالشخص بقوه ويش تتوقع يصير؟يعني في الحوادث الي مالها داعي يطلع الايرباج راح يعمل اصبابه للركاب وهم في غنى عنه لذالك الايرباج يطلع في الاصتدام القوي عشان (يقلل الاصابه)


والشبابي أنا انصحك تاخذها وتوكل على الله اذا انت راح تسوقها كسيارة نقل مش سياره سباق ماراح تشوف منها الا الخير..

والله يالشبابي انا مع الي يقولون خذ الرويال وانت مغمض لأني مجرب الكابريس وشي ثاني احب اقوله وهو دافع يخليك تشتري انك ما راح تلقى سياره فيها نفس مواصفات الرويال وبنفس السعر والشي الثاني وهو موب مهم بس يعطي دافع بعد مكينة السيارة LS1 وانت تعرف وش معنى ان سيارتك تحمل محرك من هذا النوع محرك جبار مع انك ان شاء الله ما راح تستخدم كل قوتة لسلامتك طبعاً .
والله يوفقك ان شاء الله في الاختيار

تعليق على الي يقول ان الكابريس مافيه امان جربو تمشون بمرسيدس بسرعة 180 والا 200 واصدم في جدار والا في سيارة وخل اطلق انظمة الحماية تنفعك :blink:

الكابرس رويال قمـــة في كل شئ..


وانا حاطها في بالي من زمان..

بس خلني اخلص المدرسة انشاء الله

وانشاء الله اشتريها...



وانا انصحك بشراءها..

وشكرا...

شكرا على الردود المشجعة .....
اخوي اس تي اس ...
من وين يا حسرة يطلبون لي واحد ؟؟؟ لو كان الدركسون عندهم يسار مثلنا كان قلنا ممكن نشتري واحد عن طريق اي من الوكالات في استراليا لكن انهم يصنعون واحد لي خصوصا صعبة ...
بعدين الجرانج شوي غالي .. انا سمعت انه ب 160 الف ريال ... وانا كل اللي ابيه الشكل وليس القوة ... ممكن اشتري السيارة واطلب الفيابر والجنوط واذا ماقدرت على الفيابر اروح لأحسن ورشة واخليهم يفصلونها واطلب الجنوط ... ولعلمك لقيت نفس اللون اللي في الصوة اللي فوق على الجرانج على الرويال هنا ...

اخوي Maranello ...
اساسا ليس هناك مقارنة بين المرسيدس والبي ام والاودي بغيره .. الكابريس صحيح راسي بدرجة حلوة لكن ماهو مثل المرسيدس لكن يبقى راسي في ظل المعقول ...
والاخ التيما يعرف الشخص اللي سوى الحادث وانا اعرفه وهو انسان الله يهديه معهود بالسرعة ...

اخوي ثيرد اي ...
لاتستغرب انا معاي ماكسيما 2002 وهي من احسن السيارات اللي سقتها بحياتي سويت حادث على 180 وماطلع الايرباج ...

وشكرا للبقية على التشجيع ......











اخوكم الشبابي

بصراحة ؟!!!

مواصفات؟ ولا في الخيال

................................فاخرة من الدرجة الاولى ,,

شكل ؟ ثسم بالله ابداااااااااااااااااااع

............................................وخاصة الــSS وخاصة مع انوار الليد الجديدة ..

قوة محرك ؟ ماعليها كلام ..

.......................................وخاصة صوته ,,

مع سعر ؟ رخيص وممتاااااز

.................................لكن انتبه لا يكون مثل البيجو الزفت ,,

نصيحة اخيرة ؟.....قبل ماتشتري جرب السيارة زييييييييين وشين وحاول تجربها في منحنيات متوسطة وقوية وتأكد من أنظمة التوازن الجديدة الي سمعنا عنها الله يستر لا يكون بس حبر على ورق زي الموديلات القديمة :(

عموما الله يبارك لك فيها او في غيرها والله يكفيك الشر

تحياتي