السلام عليكم ورحمة الله وبركاته

______________________________________________________________________________

استقبلت إدارة المرور والترخيص في رأس الخيمة عددا من شكاوى الأهالي تتعلق بتضررهم من القرار الوزاري الخاص بمنع تسجيل المركبات المحولة من اليمين الى اليسار إلا وفق شروط محددة مع السماح بتجديد ملكية السيارات المحولة التي تم تسجيلها في وقت سابق.

وطالب أصحاب هذه السيارات المسؤولين في وزارة الداخلية بإعادة النظر في هذا القرار الذي تسبب في إلحاق خسائر مادية، مضيفين ان ما يزيد من خسائرهم امتلاك بعضهم لأكثر من سيارة من هذا النوع، خاصة ان منهم بعض أصحاب معارض بيع السيارات المستعملة الذين قاموا باستيراد هذه السيارات الى الدولة لبيعها في معارضهم، حيث تسبب هذا القرار في عدم إقبال أفراد المجتمع على شراء هذه السيارات المحولة، معربين عن أملهم في أن يقوم أصحاب اتخاذ القرار في وزارة الداخلية بإيجاد حلول مناسبة لمعاناتهم وخسائرهم المتلاحقة بسبب هذا القرار، خاصة ان هناك عددا كبيرا من هذه السيارات المسجلة حاليا في جميع إدارات المرور والترخيص في مختلف إمارات الدولة.

ويشير قرار وزارة الداخلية الذي صدر في أواخر شهر يوليو/ تموز الماضي الى عدم تسجيل أي مركبة محولة باستثناء المركبات التي لا يزيد عمرها على 5 سنوات على أن يتم تحويلها في وكالات السيارات، وأن يتم فحصها في مراكز الفحص الفني التابعة لإدارات المرور في الدولة.

وأشار العقيد عبدالله الحديدي نائب مدير إدارة المرور والترخيص الى تلقي الإدارة لعدد من شكاوى أصحاب السيارات المحولة لتضررهم من القرار الوزاري المذكور، حيث لفتوا الى ما يسببه هذا القرار من خسائر مادية لهم وتعطيل مصالحهم، مضيفا انه تم الاجتماع مع عدد من هؤلاء المشتكين حيث تم وعدهم بنقل شكواهم الى ديوان الوزارة واطلاع المسؤولين فيها على فحوى هذه الشكاوى لإعادة دراستها ووضع التصورات اللازمة لها.

______________________________________________________________________________




منقول من جريدة الخليج

السلام عليكم ورحمة الله وبركاته

سياف

اعجاز للناس وتكليف باهظ الثمن ،واذا حولت المقود بالوكالة بيطلع قيمة السيارة واكثر، بس انا سمعت انا هذا القرار انلغى التبديل بالوكالة ،وتقدر تبدله اي مكان ثاني.
اما الي مابدلوا المقود الله يعينهم وصدق توهقوا.

هي شغل الوكلات عندنا رفعوا احتاج للوزارة ان مبايعتهم قلة كثير ومحد يشتري ،وقطع الغيار صار استهلاكها اكثر.

هي شغل الاحتكار ومايسوى.

الله المستعان.

تحياتي

مرحبا ..
والله صدق الناس اتلعوزو بسبة هالقرار !!
اعرف واحد من الربع اشتراله مارك 2 سكان يمين ..
وبعد ما حول السكان وصرف عليه وعدله .. سار يسجله في المرور ما رضوا !!
الحين ربيعي متوهق بالموتر وموقفنه في البيت ..!
هو عنده موتر ثاني بس شاري المارك 2 حق الدوام والحواطه ..

المشكله مب عنده هو .. في شباب ما عندهم غير موتر واحد وارد ومسجلينه قبل القرار ..
الحين متوهقين وما يقدرون يجددون ملكية مواترهم .. ومضطرين يبيعونها وبسعر رخييييص !

انا سمعت ان القرار هذا طلع بعد ما كثرت الحوادث والوفيات بسبة الجياتي والماركات والمواتر
المزوده بتوربو بشكل خاص .. الشباب طاحوا فهالمواتر طيحه وكثرت بالتالي الحوادث !

الله يكون فعون الجميع .. !

أنا موتري لين الحين محجوز في الشارجه من شهر 4 ... تبلوا علي الأنجاد و زخوني بسبب الدعاس و السباق !! ... وقالولي كنت تسوق و معرض حياة الناس للخطر !!! تخيلوا هالكلام جدام إتصالات ... بالله عليكم هذا مكان مال سرعه ؟؟ قتله ياخوي ما كنت مسرع ... قال في ضابط مبلغ عليك و هذي أوامر ... قلتله بس فهمت السالفه ... عالعموم قتله وصلني الكليه ... قعدت ينبه ووصلني ... ههههه شكلي كان

عالعموم أنا شفت في هذا القرار الزين و الشين .... أولا في ناس وايدين ما يقدرون يشترون سيارات جديده خصوصا الكبار في السن و اللي على الله و الشؤون .. و الله كنت أشوفهم عند دوكامز يايين يدورون مواتر حقهم و حق عيالهم ... أو حق البيت ... لأنهم مساكين ميزانياتهم على قدهم ... شو ذنبهم الحين عقب القرار هذا ؟
الشي الزين إنهم بيقللون من طيش الشباب الله يهديهم اللي كل واحد فيهم ماخذ له جي تي و كنه محد غيره في الشارع .. يتحرش بهذا و يصيح ويلات على ذاك ... عندنا في بوظبي شارع الخليج العربي قاموا يسوون عليه كماين ... تحريات و تعقيب وعفسه ... لو مر موتر عليه صوت على طول البوابه و حجز ..
سلام

السلام عليكم ورحمة الله وبركاته



أنا من رأيي انهم لا يسجلون السيارات المزودة مثل المارك والجي تي والسوبرا
وغيرها من السيارات

واا أأيد المرور في هذا لتقليل الحوادث


ولكن شو بيسوون راعي السيارات اللي سجلوا سياراتهم قبل القرر؟
بسيطة
كل واحد عنده سيارة سجلها قبل القرار يبيعها وتعوضها الدولة عنها

والللي شرا السيارة يبيعها ولو بأقل الاسعار ويشتري اي سيرة مستعملة زينة وخلاص

والله السيارة مهما كان نوعها او وديلها والله تراها مجرد سيارة

ياكثر السيارات الممتازة والله وايد ورخاص بعد


لكن شو الفايدة من جلب السيارات الخطيرة اللي تعرض حياة الآخرين للخطر ؟


انا من رأيي وقف تسجيل هذا النوع من السيارات


واللي معترض يكلمني على المسنجر ‍‍‍‍‍‍‍‍‍‍‍‍‍‍‍‍‍‍‍


وشو يعني يوقفون الجيتي وخيرشو صار؟ وقفت الدنيا طاح نص الريال

سيارة وبس


حياكم الله

صار رخيص لو تضمنوووون تدخيلهم في السعوديه نشتريهم كلهم ونفككم من مشاكلهم اقصد الجياتي

هههه ... مرور أم القيوين قاموا يسجلونهم مره ثانيه عادي ...

كروزر هدي أعصابك ياخوي ... شوي و بتقول أي واحد عنده جي تي يباله إعدام

هوامير لا تشبع يا أخ grandv8...الله يبعدنا عن الطمع:anger:

كلامك 100% ,أنا معك يا أخ سياف في كل شئ قلته