السلام عليكم ورحمة الله وبركاته
كيف حالكم يا شباب ان شاء الله بخير
اليوم بتكلم بشكل مفصل عن سيارتي الحبيبه:eek: الفاروميو 147
السياره معروفه انها من صنع ايطالي واكون اكثر دقه من مدينه ميلانو بايطاليا.
السياره ماشاء الله فخمه ورياضيه جدا وخفيفه وصغيره كتكوته:p
وهاي صور علشان الحبايب
اول شي بتكلم عنه في سيارتي هو مواصفات المحرك:
صوره المحرك
-السياره 4 سلندر 150 حصان 2.0 ليتر.
-لكل سلندر له ريشتين يعني 16V واعتقد في تيربو مثل ما قالوا لي في الوكاله.
-نوع البترول الي اصبه للسياره هو ممتاز super لان محرك السياره قوي فهو يحتاج لبترول نقي.
-صرفيه السياره للبترول زياده شوي , وتعتمد على سواقتك يعني اذا تحب تسوق بطريقه رياضيه بتصرف .
ثاني شي نظام القير الجديد او اسمه Selespeed
في 3 انواع للقير في السياره:
1- نظام الF1 يكون في ازرار كبيره ورا السكان علشان تبدل.
2-الي اسمه City الشبيه بالقير الاوتوماتيك.
3-نظام تحكم عادي يشبه التيبترونيك بس انته تحس كانك تبغي ادوس
على الكلتش علشان تغير.
نظام مهم للسياره وهو VDC(Vehicle Dynamic Control)
وهو يقوم بالتحكم بقوه الفرامل حسب سرعتك, مثلا انا لما كنت اسوق اشيل رجلي عن البترول ولما ادوس شوي على البريك البريك يساعدني وزيد من الدعسه, هذا الشي مهم علشان اذا كنت مسرع وخففت بسرعه السياره بتوقف بسرعه.
نظام الASR(Antispin Regulation)
نظام يقوم بمنع العجلات ان تدور وتصيح ويل
حلوه هاي ههههههه يعني مثل نظام الTraction Control بس هذا افضل.
وسائل الامان في السياره:
1-السياره مزوده ب9 وسائد هوائيه موزعه على جوانب المقاعد وطبعا المقدمه كلها و اطراف النوافذ.
2-السياره في حاله السرقه يقوم المحرك بفصل نفسه عن المصدر الاساسي للطاقه منعا لحدوث عمليه السرقه.
3-بالنسبه للبترول السياره مزوده بنظام يقوم باطفاء السياره في حاله حدوث تلوث في خزان الوقود.
نظام الصوت في السياره:
السياره مزوده ب9 سماعات بقوه 150KWمن شركه Bose الامريكيه المعروفه باحدث التقنيات في عالم الصوت ومع السماعه الخلفيه في الدبه الBuffering .
السياره ما تمشي الا والابواب مغلقه , يعني لو مشيت والباب مفتوح السياره على طول تغير القير وتروح على الخالي Nutral .
جربت اقصى سرعه للسياره وجبت 220 كلم بسرعه.
مره جربت مع نيسان باترول 4800 وروحت عنه بعيد ومره بعد مع هوندا CRXمضبط وبعد نفس الشي :banana: انا فرحان
وهذا كل شي عن السياره وان شاء الله كفيت ووفيت وعرفت الاعضاء الي مايعرف عن السياره على هذي التحفه الايطاليه
وشكرا وانتظر ردودكم العديده :banana:
عرض نسخة للطّباعة |
ارسل هذه الصفحة لصديق]
....و عندنه بالكويت الوكاله ماتوفر اله كت بدي..لاكن عندكم اعتقد ان الوكاله توفر تيربو