السلام عليكم ورحمة الله وبركاته

حياكم في موضوع له علاقة بالسيارات وماله يعني نص نص

وين يقضون الشباب وقتهم خلال نهايه الاسبوع وخلانا نقول من فترة

العصر وبعدها


ابقسم لك الشباب عندنا في الرياض....بالاضافه لسيارتهم



الشباب الكاش

في الاسواق شمال الرياض طبعاً و بعدها كوفي شوب مثلاً المساء في التحليه او ستار بكس وبالاخير يتعشون في مطعم الفيصليه مثلاً
سيارتهم كوبيه مرسيدس واذا طفران لكزس 400

وانا صراحة مادي وين يروحون بالضبط

=====================================

شباب البلاي ستيشن

العصر في البيت شاهي وتشكليه بسكوت وبطاطس بعدين يبدون دوري كوره حتى وقت العشي وياخذون طلبيه في البيت شورما او بروستد
طبعاً بدون سيارات

=====================================

المغازلجيه

العصر في محلات بو ريلين حتى المغرب وفي الليل اسواق متفرقه
طبعاً يقلدون الكاش تشوف معهم BMW في خمس اشخاص مدري 6 مستاجرينها قطه ويتعشون سندويش مستعجل وهم يمشون على الممشى في شارع الامير عبدالله

====================================

العرابجه

بر وتطعيس العصر ويتعشون مثلوثة وفي الليل يطاردون مواكب تفحيط
وقسم منهم عند مقاهي ابو هيثم او الامبراطوره والشلال
وسيارتهم ربع كبسوله "لاندكروزر هارد توب "
سلقه " باترول باب واحد "
وانيت -هايلكس



هذا اللي عندي......

اتمنى يعجبكم الموضوع


:p :p :p

النوع الاكثر انتشارا في جده:


في البيوت يلعبون بلوت

ههههههههه رهيب مشكوووور

عندنا بالشرقيه تلقاهم زي الجراد على الكورنيشات.

و أكثر الأحيان مسنترين ببيوتهم و داقينها اما سوني أو سواليف.

السلام عليكم ورحمة الله وبركاته

بالنسبة لي اذا كنت فاضي

العصر اروح للمبزرة اشم هوا طبيعي مع اني اعرف ان المكان
بيكون مزجوم وقت المغرب الى منتصف الليل او بداية الفجر

بعد العصر اطلع لكارفور اشوف لي شغلات في الكمبيوتر او اشياء جديدة

بعد العشى اطلع مع اصدقائي نتمشى في اي مكان هادي بعيد
عن المغازلجية لاني اعرف ان طحت بينهم اطيح في مشاكل

هذا حق الاربعاء

الخميس
العصر:

الصناعية ندور اشياء جديدة او حواطة تعرفون جو الصناعية نقي

وخالي من المغازلجية نشوف الشباب وسياراتهم
اللي عنده جي تي ولا سوبرا ولا نياسين مزودة او ستيشنات

طبعا


وسيارتي ماتيز تعرفونها مب مزودة بس التزويد قريب على اول
راتب ان شاء الله

عقب ما نستلم الدوام


حياكم الله

:p كله موجود في التجمعات الي في الشارع الاصفر في قطر:p وبعض الاوقات اروح النقيان او الغاريه انصب شروخ ههههه:p

بسم الله الرحمن الرحيم
السلام عليكم ورحمة الله وبركاته

عن نفسي يوم الخميس بعد المغرب اطلع من الشباب للكافيه

نقعد نسولف الى ان يحين وقت صلاة العشا

نصلي واذا في سينما رحنا للسينما واذا مافي فلم يستاهل

تمشينا في دبي احيانا نروح لوافي او لاماركيز

او احيانا لكورنيش الممزر

واحيانا نقعد في الكافيه مانروح مكان اذا في شباب جايين جداد

وبعدين نتعشى سفري او في مطعم او اي شي مايهم

وكل واحد يسحب لبيته

مراحب

بالنسبة لي انا :

ما اكون فاضي الا يوم الاربعاء والخميس والجمعه بس ..

العصر لازم اروح كورنيش الممزر الى المغرب ..

المغرب اروح انترنت كافيه و العب counter strike ويا الربع ..

بعد العشى نتجمع كلنا ( الشلة ) ونروح نتمشى على شارع الضيافه وبحر جميرا لين اخر الليل ..

واحيانا نروح الشيشة بعيد عنكم

يوم الجمعة ملل .. ارجع البيت من وقت على العشى واشوف التلفزيون واقعد ويا الاهل

وسلامتكم

انا طول الوكت و مته ما حصلت فرصه اروح القهوه..اموت على الشيشه بالنسبه لي مثل الماي من غيرها ما اقدر اعيش..طبعا قهوه ذربه مو مثل اكثر القهاوي تلقه الشباب الي ذابحينه بالدوري الانجليزي و طايحيله صريخ...تبتلش فيهم ودك تعطي بالشيشه على راسه...يعني قهوه على البحر بالهواء الطلق و تشوف حواليك الويه السنعه يعني لبنانين و اجانب..تنفتح نفسك حق العشا....بس يوم الخميس لازم اروح شارع الغوص او خط صبحان..هناك كل قومات(مطارحات) شغل عدل و يوم الجمعه اروح الشويخ هناك وكالات السيارات و الكارجات..نروح ندور لغمات و تظبيطات (بس مانبي نشتري)....نروح مثلا محل جنوط نقوله ركب الجنط على السياره نبي نشوفه حلو وله لا و يركب بعدين يفك و يركب غيره بعدين يله اخوي مع السلامه

و طول الوكت الباجي مجابل المنتديات:rolleyes:


تحياتي

العرابجه

بر وتطعيس العصر ويتعشون مثلوثة وفي الليل يطاردون مواكب تفحيط
وقسم منهم عند مقاهي ابو هيثم او الامبراطوره والشلال
وسيارتهم ربع كبسوله "لاندكروزر هارد توب "
سلقه " باترول باب واحد "
وانيت -هايلكس


*************************************************************
في هذا صدقت بس ناقص شي

الكمر (كامري) هذي من اهم السيارت عندهم


اما طردة مواكب التفحيط
اظن مافيه احد في الرياض ماقد طرد
ومافيه احد مايشوف احدث الاشرطة
ومافيه احد مايعرف الاخبار

في الرياض الهجولة غيرررررر







اما بالنسبة للجدول نهاية الاسبوع

مافيه شي معين كل يوم جدول على حسب الظروف

ACCORD-V6 لاتغلط :anger:
هع هع هع

انا ماقد طرت مواكب تفحيط ولا افكر حتى

اما اشرطه تفحيط خربوني ربعي قبل اسبوعين جابوا شريط للأستراحه وشفته

===================

اما على نظامي انا
يا اما قهوه محترمه وسواليف وعقبها تمشيتين وللبيت

يااما قعده بالبيت سواليف ودق بلوت وسوني

يااما يكون فيه حرش نروح نطلعلهم بآخر الدنيا ننتظرهم يجون نسوالف ونشوف الحرش


وبس وبس

تحياتي

مشكورين على ردودكم شباب

ماتقترحون يثبت الموضوع:rolleyes:

موضوع حلو :cool:

طبعاً مافي نظام معين امشي عليه كل اسبوع

بس بالعادة فرفره في الشوارع الى ما يدوخ راسي واتعشى ونجلس في بيت احد الشباب

اربعاء وخميس ما في امل اطب التحلية والعليا في الليل ... كل القراوه والعرابجه هناك ... يعني اخذ لي كم فره العصريه وبس

انت من القلة
وصدقني لو جربت تطرد مره تعجبك السالفه
صح ان فيها اخطار وممنوعه
لكن لها متعة
ودائما كل ممنوع مرغوب
وماانصحك انك تجرب


الحمد لله انا مااطرد
لكن مايمنع مره كل شهرين

وبالنسبة للاشرطة حتى الكبار يشوفونها











الاعلى فكره فيه طقاق يوم الاربعاء
تفزع

ياشباب ماتصدقون فرحتي يوم تثبت الموضوع <<<<لايكثر بس



شكراً يامشرف:banana:

السلام عليكم ورحمة الله وبركاته

بصراحة انا احب المواضيع خفيفة الدم اللي زي كذ:rolleyes:


ACCORD-V6: يا اخي تبي الصراحة انت اثبت لي انك سعوووووودي اصيل


اما عن نظامي:
الويك اند يجيني تلفون من احد الربع : الوعد ستار بكس العليا .. ونادرا د.كيف
اتكي مع الشباب وندقها سواليف وحش ففلان وعلان

وبعد الكوفي وسعة الصدر خويي معه بي ام 745 نركب مه ثلاثتنا
ونمتر شارع التحلية يمكن100 الف فرة
الين ندوخ وكل واحد يرجع بيته بسيارته

شغل مواكب التفحيط كان زمان بس بعض الاحيان الربع
اللي فالبديعة والشفا والدخل المحدود يلزمون وما نقدر نقول لا :rolleyes:



تحياتي

هلا و غلا
والله موضضوع و الردود كلها حلوه
تسلم ايدك اخوي

بسم الله الرحمن الرحيم

السلام عليكم ورحمة الله وبركاته

فعلا من القله

اذكر كان فيه تفحيط قبل شهرين في دايري الدخل المحدود (بدر عوض و الشله) و داهمتهم الحكومه و مسكوا 3 ضباط و أربع مدرسين ((خوش قدوه حسنه للأجيال )) كان يتفرجون على التفحيط و يطاردون الموكب


انا بالنسبه لي ما عندي شئ محدد أسويه في نهاية الاسبوع

يعني غالبا يوم الاربعاء أطلع مع شوية شباب نتمشي في شوارع الرياض و مانترك مكان الا رحناه و بعض الاحيان نطلع برا الرياض ((هذا يوم الاربعاء ))

الخميس : من بعد العصر الى الساعه 9.30 دوران في شمال الرياض و نساقط و نتمشكل مع خلق الله و بعدين نتكي عند واحد في الدرعيه و نتفرج على التلفزيون و نلعب بلوت
و من الساعه 12.30 الى الفجر يبدأ شغل الهجوله و تصوير مواكب التفحيط و الاستعراضات و بعض الاحيان أشاركهم و أخذ لي كم شوط معهم (فرد تعزيز ) يعني مو انا السواق

يوم الجمعه عاد انواع الطفش و القلق و الخمول . أصلي الجمعه و أرجع البيت أنام الى العصر و بعد العصر أشوف ان كان عندي أختبار يوم السبت و الا لا و أراجع لي كلمتين و بعدها ما فيه الا نوم


و سلامتكم

الله يرجك

بعدين ليش بس حقين الدخل والشفا
هذا اول الحين حقين الجنوب مايهجولون الا في الشمال مع التشديد والحجرات
وكل الاشرطة يصورونها حقين الشمال

وانا مثلك بعض الاحيان
تصير زهقان وتشتاق لرائحة الاطارات

هلا بالمعزز

ياخي سالفة مدرسين وظباط احس انها اي كلام
في الجرايد نصابين
والبشريه انواع النصب على بعض
مع ان فيه بعض المفحطين بدون ذكر اسماء عسكريين

قبل فتره صار حجره في طريق الملك فهد وكتبوا عنها في الجرايد
يقولك مسكوا ست مفحطين
وهم نصابين يصدمون المتفرجين ويقولون مفحط وهروب من دوريات الامن
انا اعرف كم واحد صار لهم كذا




اجل تصورون
وش اسم شريطكم

هذا من زمان الى الفجر
الحين تقدر تقول الى 9 او 10 الصبح





وبعدين ماشاء الله ذا الموضوع طلع حقين الرياض

بالنسبه لشباب الشرقيه في الليل في الكرنيش فراره او كل واحد عند اخوياه دق حنج

هلا و الله بالمهجول

حكاية الضباط و المدرسين صايره قدام عيوني .. ماسكين أربعه بالبس ارسمي كانوا يتفرجون و بالنسبه للمدرسين فأنا أعرف واحد في المرور هو اللي قال لي انه من بين الممسوكين أربع مدرسين

بالنسبه للجرايد . أذكر آخر جريده قريتها كانت في سنة 1411

و بالنسبه للتصوير مو انا اللي اصور بعد واحد من الشباب هو اللي يصور و لا ينزله في الاسواق

انا خابر انها صارت هالحين من 9--10 الصبح لكن صدقني تفحيط الفجريه شئ ثاني و الى الان و هو قائم و لا انتهى



و سلامتكم

انا ياتفحيط ولا قومات ولا دوره في الكورنيشات ولا نتكي ونغسل السيارات بس

هلا والله بالشباب


وين طعوس الحفر ولا القريات ولا القصيم ولا........



الكثير الكثير


هذولي مالهم الآ مسك الخطوط والعشا في الإستراحات أخر الليل (مندي لحم أو دجاج)


وعلى فكرة عيشتهم فله


والله يديم المحبه

السلام عليكم ورحمة الله وبركاته

والله فعلا مثل ما قال كوبرا

انا مع اني مقل جداااا في روحاتي للمواكب
<<<< ما يحضر الا للكنج بدر عوض او اذا جا قروص للرياض

الا اني الاحظ وجود عساكر وجنود حتي مو يحضرون وبس ..يصورون

واللي شاف شريط ارهابي 4 فيه واحد فشارع الغروب
راقي فوق الكامري حقته مع المتجمهرين ويصور


فعلا .. حاميها حراميها





تحياتي