السلام عليكم

موضوع توني افكر فيه هل السياره الكشف تخفف من سرعه السياره؟

يعني لو نجيب موستنج كشف وموستنج صندوق نفس الموديل

هل الصندوق يطوف ؟؟

والسؤال الثاني لو قاومت ومبطل الكشف هل يخفف ايضا من سرعه

السياره


نرجوو المشاركه من الجميع وحياكم الله :rolleyes:

:think:

عندي شك بهالموضوع بس يعتمد على الموتر الكشف شنو، مثلاً موتر مثل الموستنج إنسيابيته عادية وإفتح الكشف شوف الهوا كيف يدخل لكن الفراري مودينا واحد في مجلة مجربها يقول فتحت الكشف وحطيت أوراق على الكرسي اللي جمبي ولاطاروا

الإنسيابية لها دور كبير، وبخصوص من أقوى أحس العادي أقوى، لأن الموستنج اللي كان عندنا( كشف) بعد مابعناه خذه واحد هو يسابق عادي كان وراه ودعمه من ورى وإنقلب (ماماتوا ) يعني العادي أقوى والحادث كان على سرعة 200 تقرياً:banana:

نععععععععععععم السياره الكشف ابطاء بفرق مو كبير عن الحديد حتى لو مسكر الكشف وكان الكشف شراع فهو ابطا والسبب دراسه قريتها قبل فتررررره

سلام

على ماأعتقد...الكشف أثقل من العاديه

الثقل بيكون شئ بسيط ..
لكن اعتقد الانسيابيه اسوأ ...













اخوكم الشبابي

اللي اعرفه ان شكل البودي عموما هو اللي يحدد هذا الشي (من ناحية اذا كان انسيابي بطريقة تخفف تأثير مقاومة الهواء للسيارة )
اما الكشف ما اظنه يلعب دور كبير خصوصا ان البودي (غالبا) يكون نفسه

الكشف قوي من حديد اذكر مره قريت مجله عن الكشف ان تقدر توضع سياره فوقه ولا ينطعج

مشكورين يا شباب على الردود الحين اتضحت الصوره

جبت لك الخبر الأكيد، المرسيدس slk الجديد إذا كان السقف مسكر تكون الإنسيابية 0.32 وإذا فتحته تصير 0.37 شفت الفرق كيف يعني هذي والسقف حديد هاللون الكشف أكيد أبطأ:cool:

السلام عليكم ورحمة الله وبركاته


والله الجواب نسبي مثل ماقالوا الشباب يعتمد على نوع السياره وصناعتها

والانسيابيه تؤثر بالسياره بشكل او بآخر والتأثير ماراح يكون كبييير جدا لا اتوقع يكون 30-20% في هالحدود والله اعلم

تسلم رد شيفي وزورو الامارات

يعني الي عنده سياره كشف ويبي يقاوم يسكره احسن