السلام عليكم ورحمة الله وبركاته

لقد مللنا من معامله هذا الوكيل التعبان الابله لا ادري لماذا هذه المعامله الحقيره

تصورا انا واخي الاكبر ذهبنا لرؤيه السوبربان واليوكون وقفنا ساعه امام

السياره راجين منهم ان يعطونا نظره ما اقول يعطونا وجه! بس نبغى نظره ما

حصلنا منهم شيء

لا وقال ايش؟

يقولنا: ياشباب ترا بنسكر بعد ساعه( يعني ضفوا وجيهكم ازعجتونا)

ولا اخوي يقوم القيامه على رسوهم وتقوم الخنقات معاهم قسم بالله ماعمري

شفت ناس مثلهم!!! لا وبعد ماكان في المعرض احد غيرنا والموضفين كانو اربعه

موظفين جالسين يشربون شاهي ويسولفون يعني ماعندهم شيء

وبعد اسبوع تقريبا رحنا نتمشى بشرقيه وشفنا وكاله اسمها التوكيلات العالميه

اول ما دخلنا رحنا لزاويه اليوكون وشفنا الموظف وسلمنا عليه والرجال قام من

مكتبه احتراما وسئلناه عن اليوكون والسوبر بان وودانا لمها وقال لنا تارييخ

هذي السياره يعني شوفوا المعامله بس حتى اني ما ابالغ اذا قلنلكم انه لزم

علينا نشرب شاهي معه

اقتراحي هو ان نقاطع هذا الجميح الخايس

ونتجه الى 1- العيسى 2- التوكيلات العالميه 3- معارض السيارات

بكذا صدقوني الجميح بيطيح طيحه ما بعدها طيحه

تخيلوا معي شهر كامل بدون ما يبيع الجميح سياره وحده وش بيصير؟!

اكيد بيخسر وبيظبط المعامله

طبعا هالاقتراح لا يمكن ان ينجح اذا قاطع هذه الوكاله عشره اشخاص فقط!!

لابد من 20 الف شخص ... على الاقل

طبعا 20 الف شخص يقاطعونها من 25 مليون نسمه امر جيد نسبيا

فالاخير ارجوا اني لم اطل عليكم واعذروني على الافاظ الغير لائقه

و السلام عليكم ورحمة الله وبركاته

________________________________________________
طبعاً منقول من منتدى السيارات، وذي رابط ثاني عن الجميح:
http://www.assayyaratnet.com/forums...&threadid=40927

وخلنا من ذي، الصراحة المواضيع زايدة عن الجميح وبلاويه، أبيكم تنشرونها بكل المنتديات اللي مشاركين فيها، حرام يتضرب عليكم وخله يعرف منو أهم الزبون أو الربح ووووووبس.

:anger:

تشكر اخوي رد شيفي على نقل هذا الموضوع


ايام 1996 كان عندنا سوبربان و الى الحين اشوف الناس تشتكي من الجميع و اولها انا و السبب اللي خلانا نبيع السوبربان هي المعامله الدنيئه و الصيانه الاسواء .

الجميح .. FeeL iT

هلا بالشباب:
إنفنتي: العفو وماسوينا إلا الواجب إن شاء الله يفيد وياه بس.
MuGeN :
صح لسانك( أصلاً مافهمت اللي كاتبه) بس المهم إنك معاي

مشكور على هاذا الموضوع مو اول مره نسمع عنه وابشرك ابوي بيشتري السوبر من التوكيلات

هلا إخوي أويل هذي الموضوع توه نازل جديد وحبينا نبديها في كل المنتديات ليتعض الجميثح ويعرف شلون يحترم الناس وخلكم على التوكيلات تحموا منه.

برضو أخوي الجميح ما راح يتأثر الا بنسبة قليلة

خد عندك ارامكو السعودية:: كل سياراتها جميح

الحكومة:: جميح

أغلب شركات التأجير: جميح

خلاصة كلامي الجميح وكالة الشركات و اصحاب الاساطيل

يعني يجيك زبون يدور شفر ما يعطوه اهتمام

يجيك زبون يدور كاديلاك أو أوبل يمكن يعطونه اهتمام


شكرا على الموضوع و ان شاء الله الجميح تتعلم درس قاسي

تحياتي

هلا فيك إخوي DraGGeR بس الجميح خل نقول يعتمد على 60% أرامكو والحكومة الباقي مايأثر عليه، الجميح يعتبر أكبر وكيل للشفر والطلب يجيه حتى من الخليج، مثال بسيط، الكابرس مالنا ماخذينه من الجميح و آنا حتى الآن شايف 3 كوابرس ltz بحرينين من الجميح، هو سوقه كبير لكن إذا قلت مبيعاته بينكسر ظهره صحيح مابتأثر عليه كثير لكن بتأثر وشوف مواضيع الشباب في السيارات كلها شكاوى على الجميح إحنا مانقلنا الموضوع إلا عشان يعرف كيف يتعامل مع الزباين ويعرفون موظفينه شنو الزبون وطريقة التعامل معاه ومشكور إخوي على مشاركتك.

احنا وكيل سوبر بان وكاديلاك و GM شركه المناعي وخدمتها تعتبر من افضل الخدمات في قطر

أوكي أخوي Red Chevy
انا أتفق معاك على أن الجميح وكالة زبالة
حتى صادني موقف معاه لو تقراه في الرابط الي وضعته..

انا كان قصدي انو ان لا نكتفي بالمقاطعة لأن في شركات و ناس مهما حصل ما تتوقف تأحد من الجميح ... وانما رسائل الى المكتب الاقليمي... بعدين لا تنسون يا شباب ان الجميح و كيل حصري ل أوبل و كاديللك .. يعني وكيل أحسن سيارتين تمتلكهم GM !!!
هذا الشيء الي قاهرني... و أنا متأكد 100% لو ان المكتب الاقليمي بدبي يعرف هالشغلة ليسحب وكالة Cadillac and Opel من الجميح!! و يتصرف تصرف ثاني

الله يسمع دعوة المظلومين الي انظلمو من هل وكالة

تحياتي

هلا بالشباب:

SL500 : هلا فيك إخوي ومشكور على ردك.
TOYOTA - OBAS : والله حتى إحنا والكويت بعد بس مدري وش عقدته ذي سوى له سمعة أزفت من الزفت.
DraGGeR : وآنا بعد حطيت الرابط للشباب هناك عشان يدزون رسايل للمركز الإقليمي وإخوك ماقصر قبل مانستلم الكابرس طرشنا رسالة لهم.

الحمدلله انا خذيت سيارتي من التوكيلات

ويش رايكم كلنا نرسل شكاوي عليه الى دبي :banana:

هوووووووووووووووووووو مؤيد وين ليش شنو صار وين موضوعك عن سيارتك بكره أبي أشوف الموضوع مفهوم
الحمد لله خذتها من التوكيلات ويلا آنا جاهز ندز لهم إيملات وبس نتكب رقم الشاصي( أحط مال الكابرسين والومينا) بس المشكلة ينعرف وإحنا ماطلعنا غير الرويال من عندهم.:rolleyes:
شوف أبي موضوع مفصل تفصيل خياط عن سيارتك وقول كل شي عنها وبشر أي لون خذت؟
شوف ذي من مساعه يسأل وماقال له بالبركه ويعطيك خيرها ويكفيك شرها

الله يبارك فيك عزيزي..

خذيتها اسود فل جلد احمر رهيبه هالسياره والحمدلله مافي مشاكل لحد الآن :banana:

اذا على رقم الشاصي في سيارات من الجميح في الشوارع ;)

بس اخاف احط موضوع عن سيارتي

أفضل خيار يامحب الفورملا، بعد كم يوم سباقنا أبي توقعاتك من يفوز، واللون ولا أحلى أسود وأحمر ياعيني شي رهيب وذوق رهيب أكثر يلا شد حيلك نبي تقرير عدل وناس تصير :eek: ولاتنسى تقرى المعوذات كل مره تركب فيها عن العين.
ومن شنو تخاف مي وذ يو وماعليك من الكلام وزي ما أوت فوء أهم شي تقرى المعوذات.

التوقعاات صعبه وليها عوامل كثيره ماحد بيعرفها لانه اول سباق والتواير اكثر شي تاثر ياريت تخليه في موضوع منفصل لو حبيت..راسلني على الخاص

وهذي الموضوع:
http://www.swalif.net/sforum1/showt...threadid=186541

الحمدلله احنا مالنا شغل بالجميح ولا باساليبه الدنيئة واهماله الشديد
عندنا في قطر (وكالة الجيدة ) من احسن مايمكن من ناحية المعاملات وخدمات مابعد البيع ماعليهم كلام صراحة مرتاحين معهم لاخر درجة كما قلت سابقا (الله لايغير علينا )
وشكرا

يا اخوان كملوا جميلكم و قاطعوا البضايع الامريكيه مره وحده











:think:
وعليكم السلام ورحمة الله وبركاته

الامريكي مع احتراماتي كله على بعضه غبي

صحيح مكاينهم قويه بس مافيها تقنيه والثبات 0 والبريك 0

والوكيل 0

بأختصار لا تآخدوا أمريكي :eek:

ياباني + أوروبي :banana:

هلا بالشباب ومشكورين على ردودكم:
راعي اليج: والله هذي اللي آنا شايفه حتى عندنا، قبل سبوعين مطرشين لنا دعوة لإفتتاح معرض الهوندا( محبوبتك) وهم نفس وكالة الGM ومعاملتهم ممتازه لآخر درجه، واليوم موظفين المبيعات اللي هناك كلهم لازم يسلم عليك ويقعد يسولف معاك ويحسسك بأنك مهم للشركة مو مثل الجميح إنت رايح تشتري يزفت بك، واليوم جانا واحد ياباني سلم عليك قال في واحد يحب الهوندا وياد في سوالف
لاتصدق، وكانت الفورملا معروضة هناك وs2000 تجنن كنت أتمنكا هناك.
أبو كثير: حياك الله إخوي ومشكور على ردك.
دانيال: هلا فيك إخوي ومشكور على ردك.

السلام عليكم ورحمة الله وبركاته

حسبي الله عليك ونعم الوكيل يالجميح

تخيلو طالب لي بودي كيت لاوبل اوميجا قبل 4 اشهر والى يومك ماوصلت

لا ودافع لهم نص السعر ولما طلبت قال لي 3 اسابيع وهي عندك واذا تأخرت مرة بتوصل بعد 4 اسابيع من تاريخ الطلب

وتاريخ الطلب هو 6/12/2003:anger: