السلام عليكم ورحمة الله وبركاته

حضرت الى الموقع مبكرا
وكنت متوقع انهم بادين
لكن يوم وصلت لقيت ناس شويين وقالو لي تبدأ الساعه9

انتظرت قليلا ثم قابلت احد اعضاء سوالف الاخ فايبر جي تي اس ار
وتعرفت عليه وكان حبوب وتحملني
وايضا جاء بعد قليل العضو دوج وسررت بمعرفتي لهم

انتظرنا انتظرنا

كثر الجمهور بشكل سريع وجاء باقي السيارات
اللي كانت موجوده في استراحه قريبه

وكان فيه سيارات معدله ومظبطه صح

لم يبدأون الا الساعه 11 تقريبا

بدأو بقومه

ثم استعراض سيارة شفر قديمه كان بيرفع في القومه لكن ماقدر
ثم قومه اخرى بين لومينا ssكابريس ss
وفازت اللومينا

بعدها الساعه 12 قالوا انتهينا خلاص

ليش وش السبب
قالوا الوقت انتهى
من 9 الى 12
والجمهور غير متعاون وفي هذي معهم حق
لانهم من الساعه 8 ياشباب ارجعوا ياشباب ارجعوا ياشباب ارجعوا ياشباب ارجعوا
والشباب يسمعون من هنا ويطلعون من هنا


طبعا كان السباق منظم تنظيم رسمي وفيه دوريات تنظم معهم

وانا جيت من البيت من مسافة 50 كيلو عشان احظر السباق


عموما هي بداية جيده نوعا ما
وان شاء الله في المستقبل نشوف افضل من كذا





انا للاسف ماكانت معي كاميرة الديجيتال
صورت كم صورة على الماشي من الجوال
لكن الاخ فايبر مصور صور كثيره
ومصور فيديو وقالي انه بينزله في سوالف

كان فيه شباب كثيرين من الشرقيه وسيارات بعد

طبعا اكثر الصور صورتها قبل مايحضرون البشريه
اتركم مع الصور:




















كان تجمع رائع جدا
وكان فيه سيارات قويه وحلوه
لكن للاسف ماكتمل

وطبعا كانت بدايه قويه
وان شاء الله نشوف مستقبلا سباقات اخرى


واسف على الاطاله والتقصير...

وشكرا للاخ FSM لاني حملت الصور من موقعه

الف شكر اخوي

وانا اقول وش ناسي اليوم

والله شي حلو كبداية ...
اه لو يجون عندنا بجدة كان يشوفون العجب ...














اخوكم الشبابي

السلام عليكم..

صراحه كان شي جميل بس مثل ماقلت الجمهور خرب عليهم

وصراحه اهل الشرقيه ابدعوا

انا صورت انشاءالله قريب ادخل لقطات الفيديو

بس قهر ماصار فيه الا قومتين بس واستعراض الشفر الاسوود

بين (اهرش)والثاني والله ماعرفت منهو
...

تسلم على الصور بس المواتر عاديين مره

مشكور على الصور

اخ لو تصير عندنا في الشرقيه كان تشوفون السيارات الملغومه تطلع من كل مكان

ماصارت هاذي العروض بشرقيه والرياض الا بفضل اشخاص حبو هاذي الرياضه وتعبو الى يطلعو تصاريح وعفسه انشالله نشوف نادي لسيارات

تسلم إخوي أكورد على الصور والتغطيه ويعطيك العافيه..

مشكووور اخوي على على الصور ولمعلومات :eek:

مشكورين على ردودكم شباب ولي رجعه ان شاء الله

السلام
الصور ما هي واضحه
اذا في احد صور يحط لينا الصور والفيدوهات اذا امكن

السلام عليكم ورحمة الله وبركاته

اولا اسف على تاخري المفروض اني من اول ما رجعت البيت نزلت الصور ولاكن كنت تعبان من الوقفه وراسي مصدع من صوت السيارات خصوصا صوت سيارة هشام الملا فجر راسي

عموما ما قصر اخوي ACCORD-V6 اعطاكم التفاصيل وبصراحة شي جميل جدا وبداية جميلة لسباقات الربع ميل عقبال ما يصير عندنا مضمار متكامل للربع ميل ...
طبعا للاسف الشديد القومات الرسمية كانت اثنتين :-
الاولى بين الهرش بالموستنج الشهير + زد من الموديلات القديمة وللاسف ما قدرت اصورها فديو لانهم انطلقو فجأة
القومة الثانية بين لومينا اس اس وكابرس اس اس هذي صورتها وراح انزل الفديوو ..
وبالاخر شفنا استعراض الملا وسيارته بالفعل سيارة قوية ومو بسيطة ابدا وتم تصويرها بالفديو ...
وفيه كذا قومة غير رسمية فيها m5 و m3 وسيارات عديدة بس ما ينشافون لكثرة الجمهور بس نسمع اصوات

عموما السيارات اللي حضرت هي :-
1- سيارة هشام الملا الشفر القديم ...
2- الموستنج حق الهرش
3-سيارتين دودج فايبر RT
4-سيفك CXR هتشباك
5-ثنتين زد قديمة وواحدة موديلات 96 على السطحة ما نزلوها وواحدة جديدة 2004
6-لومينا معدلة تعديل مو طبيعي
7-SKYLINE
8-ماكسيما معبثه
9- كوبرا
10- ثنتين كورفت
11- بورش كاريرا 911
12-3 جموس معدلة
ومجموعة كبيرة من باقي السيارات منها الموستنجات والكوماروات وباقي السيارات

عموما اتركم مع الصور

هذي الشفر مالت هشام الملا


وهذي اللومينا ما يحتاج


وهذي ال SKYLINE


الفايبر


السيفيك


الماكسيما


جيب تيوتا


وهذي الاشارة لا تفوتكم انواع التلفيق


عموما باقي صور كثيرة اخلو هالموقع وشوفوها براحتكم عشان تحميل الموضوع
المزيد من الصور اضغط هنا

واسف على التقصير والفديوو ان شاء الله في الرد القادم

تحياتي

بصراحة انا واحد حاضر التجمع من الساعه 5 موجود وللأسف واقولها بكل صدق افشل تجمع صار لأنه اليي كانوا موجودين كلهم غجر واسمحوا اليي ومايفهموا شيء وخربوا علينا وعليهم وحتى كنت واقف مع المنظمين وقالوا اتأسفنا انه صار في الرياض لأنهم طلعوا ماهم متعاونين وتبين من هاللحظة بأنهم اول مرة يشوفوا سيارات وجنبي فيه اكثر من 5 شافوا زد يقولو لمبرجيني وخرابيط انا اتندمت اني رحت اساساً ومثل ماقلت لكم هالكلام من المنظمين وانا كنت معاهم لأني كنت المصور الرسمي اليهم بس للأسف همج وغجر وايد كانوا موجودين ومن عبرت داتسن يصرخوا كأنهم شيفين فيراري عابره والله الله يرد لهم عقولهم واسمحوا اليي يأهل الرياض الكلام مايعم لكن يخص الهمج اليي كانوا موجودين لنه فيه ناس محترمين وايد

هههههههههههههههههههههههههه معاك حق اخوي LS1 killer

بالنسبة للددسن اللي مر عادي بس يوسعون صدورهم عليه وبصراحة ما ينلامون اهل الرياض ما يدرون عن هالحركات يعني يبيلهم وقت عشان يتعودون هنا عندنا متعودين على التفحيط وبس
والشي الثاني شفت الشارع شلون يقطعونه رايحين وجايين وخربو كم كومة مو رسمية اصلا اسمح لي المفروض التنضيم احسن من كذا لو فيه حواجز ويتسكر الشارع عشان اللي ماله شغل يقعد بعيد مثل راعي الددسن ..

عموما شي جميل انا نشوف هالسباقات في الرياض ..

تحياتي

ايش هذي السياره

مشكور اخوي VIPER GTS-R على الصور والمعلومات بس بسئلك الي قام مع الهرش Z280? لونه فضي ؟ وكم عطاه فرق


LS1 killer

ههههههههههههههههه الله بقطع بليسك فجرتني من الضحك على الدتسن هههههههههه هاذا ام عزيز حبهم الاول والاخير للاتلومهم اهل الرياض حقين تفحيط تنطيل وعقد ......والسموحه

مشكور أخوي عبدالعزيز & VIPER GTS-Rعلى هالتغطيه

والسيفك ذي مو صاحيه

هذه سوبرا اتوقع 92 حقت ماجد العوكار وطبعاً المصور تيربو حجم T88 وسلامتك

السلام عليكم ورحمة الله وبركاته


مو كأن أغلب السيارات هم نفسه إللي يتجمعون في الشرقية؟

على العموم شيء جيد أنه صار في شغلة جديدة بالنسبة للتجمعات وحتى لو ما كانت بالمستوى المطلوب.

فهد 2

هذي السوبرا عليها مكينة 2JZ-GTE الموديل إللي يجي بـVVTi ، وعلى حسب الكلام إللي سمعته عنها فأنا أقدر قوتها بأكثر من600 حصان (على العجلات)!!

صح هاذي سوبرا ماجد عوكار


بس بسئل الحين T88 اقوة من T51

الصراحه التصوير مو لهناك لعك عليه شوي

يمكن مصورين بكمير ام 36 صوره وتالي حمضو الفلم ودخلوه بالسكنر

التجمع الي صار عندنا في القطيف احسن منه 100 الف وخمسين مره

ما في صور سبورتات وما في شي يفتح النفس الصراحه

السلام عليكم ورحمة الله وبركاته

مشكور شباب على الصور والتغطية ,,,, ونتمنى يكون المره الجاية بالشرقية والترتيب افضل ان شاء الله.

-----------------------------------------------------------------------------------
HKS
ههههههههههههههههه الله بقطع بليسك فجرتني من الضحك على الدتسن هههههههههه هاذا ام عزيز حبهم الاول والاخير للاتلومهم اهل الرياض حقين تفحيط تنطيل وعقد ......والسموحه
----------------------------------------------------------------------------------


يا HKS لاتعم ماودي اتكلم او اكثر بالكلام خصوصا لو الكلام منك شخصيا لأنك معروف منهو انت يامرتضى..... صح ولا أنا غلطان؟!!!!!!!