|
|
عضو نشيط جدا
|
|
المشاركات: 437
|
#1
|
شباب معاي حق ولا لا ؟؟؟
السلام عليكم ورحمة الله وبركاته
بصراحة موضوعي يمكن يكون تافه بس يهمني كثير لاني ما ابي اضلم احد ..
انا عندي سيارة امريكي خرب فيها القير رحت لواحد يوضبها وقال اوكي التوضيب كامل ب 3000 ريال وضبنا القير والسيارة زي الالف ما شاء الله واعطاني ضمان سنة ..
المهم بعد 4 شهور طلعت مشكلة بالقير صارت التعاشيق خشنة يعني بين كل تعشيقة والثانية احس فيه فرق يعني ما تعشق بسلاسة ولما اهدي ترجع السيارة بالنمرة الاولى على طول المهم رحت بها له وقال لي هذا مو من القير هذي كراسي المكينة والقير قلت اكيد قال اكيد رحت جبت القطع ب 800 ريال تقريبا ولما رجعت لقيت سيارتي مصدومة من الوجه المهم قال بيصلها على حسابه قلت غصبا عنك وصلها بس شغل الله لا يوريكم المهم وتقعد السيارة بالورشة 3 ايام ولما خلص الشغل رحت باجرب السيارة وطلعت فيها وتفاجئت ان المشكلة موجودة بس خفت شي بسيط لان الكراسي جديدة ولما رجعت له قال لي السيارة مافيها اي شي ومن هالكلام ويقول القير سليم 100% ويمكن كمبيوتر القير يحتاج برمجة من جديد المهم مني ومنه قلت موعدنا يوم السبت نتفاهم والسالفة طويلة بس بغيت اعرف شي واحد ..
توضيب القير هل يشمل القطع الداخلية الكهرابائية داخل القير او لا ... لان المشكلة شكلها من كهرباء القير وهو يقول مانعطي على الكهرباء ضمان وهالشي معروف بكل الورش التوضيب ما يشمل الكهرباء بالرغم انه بالضمان ما كتبوا هالشي ولا جابو طاريه ابدا ...
ابي اعرف وش رايكم اطالبهم بالضمان او لا .. اصلا هم رافضين هالشي بس الشرطة موجودة اهم شي ما نظلم احد ..
تحياتي وفي انتضار ردودكم وارائكم ..
|
|
21-02-2004 , 08:16 AM
|
الرد مع إقتباس
|
عرض نسخة للطّباعة |
ارسل هذه الصفحة لصديق]
