السلام عليكم ورحمة الله وبركاته

اقدم اليكم صور لسيارات ، يقومون بتبديل مقود من اليمين الى اليسار بورشات خاصة مع كل احتياجات وقطع الغيار وايدي العاملة.
وخاصة سيارات اليابانية الي قادمة من اليابان واكثر السيارات الي يقومون بتدبيلها.
تويوتا لاندكروزر
تويوتا راف فور
تويوتا كريسيد مارك تو
تويوتا كورولا
تويوتا ستارلت جي تي تيربو
تويوتا سوبرا
نيسان سكايلاين جي تي ار
سوزكى فيتارا
لكزس جميعها
وسيارات كثيرة

واليكم بعض اسعار التبديل مع قطع غيار لبعض السيارات
5000 درهم لتويوتا راف
12500 درهم تويوتا لاندكروزر
15000 درهم لكزس
4000 درهم اي صالون مثل كريسيدا وستارلت وكورولا

واليكم هي الصور











وهي اسماء الورشات الي تقوم بتبديل المقود بدوكامز دبي





وهي صور سيارات تويوتا راف وصار عليه طلب كثير بتبديله.





هي بعض صور جديدة من معارض دوكامز دبي

صور تويوتا MR2



صور سكايلاين جي تي آر





ان شاء الله كفيت لكم بهذا الموضوع

السلام عليكم ورحمة الله وبركاته
تشكر على الموضوع الحلو إخوي جراند والعمليه طلعت أصعب من اللي توقعته، ومشكور على الصور مره ثانيه.

السلام عليكم ورحمة الله وبركاته

جزاك الله خير يامحمد على هالتغطيه الطيبه

بس اول مره اشوف الكروزر مفصل بهالشكل هذيل يمكن يغيرون الشاصي
كل شي جايز مامتأكد بس اذا تعرف ليش خبرنا

نفس ماقال أذا اتعرف خبرنا :think:

مشكور يعطيك العافية

السلام عليكم ورحمة الله وبركاته

و الله شئ غريب و مثير للاهتمام

انا كنت أعرف انه العمليه فيها نوع من التعقيد لكن ما توقعت توصل لحد تفكيك السياره بهالطريقه


طيب يغيرون مكان دركسون المرسيدس وارد اليابان بكم ؟؟





تحياتي

هلا شباب صورة الكروزر هذا



مب كأنه مقلوب وقاصين سقفه بالكامل ؟

يعني تحويل السكان شغل داخلي مافي داعي تشيل المداقر والبونيت( الكبوت) وباقي السياره كلها

شي محيرني للحين

وين عملية تغيير مكان المقود؟؟

ماني شايف شي

نفس الشي محيرني، لأن مايحتاج كل هالشغل، والموتر شكله كل البدي آيل ومشتغلين عليه شغل مب سهل

السلام عليكم ورحمة الله وبركاته


ايش هذا !!! لدرجة هذي الشغلة معقده!!!! من جد ماكنت اتوقع انها لدرجة هذي معقده يعني من جد يستهلون هل المبالغ:blink:

وش هذا التعقييييييييييييييييد

بالمناسبة



هذه صورة الكورلا الجديده الي مانزلت عندنا

ممكن تجيب لنا صور زياده لها

انا اللي اعرفه ان السيارات المستعمله دي من اليابان استعمال سنتين

بس هل يحتاجو انهم يغيروا الشاسيه بالكامل؟؟؟؟؟؟؟؟


ولا يفكو الشاسيه عن السياره و يعدلوه ويرجعوا يركبوه؟؟؟؟؟


و اذا كان لازم يتغير من فين يجيبو هذا العدد من الشاسيهات؟؟؟؟؟؟؟


و هل هذي التكلفه معقوله اذا احتاجو يغيروا الشاسيه؟؟؟؟؟؟

السلام عليكم ورحمة الله وبركاته

RED Chevy

هلا اخوي والله العملية صعبة يعني يأخذ بتبديل المقود حوالي 10 او 15 يوم حسب السيارة تقريبا وخاصة بكروزر حوالي تتغير اكثر من 12 قطعة لتصبح مقود يسار.

زورو الامارات

هلا خالد هذا كروزر يغيرون شاصيه بس يعني سيارته مصدومة ولامقلوبة يتغير مب تبديل مقود.

A7medo

نفس كلام قلت لخالد يعني تغير بودي هيكل ثاني لشاصي جديد احسن مايكون تعديل ورقع ولحام لهيكل السيارة,

560SEL

مب التعقيد الكثير والله حسب مواصفات السيارة
شي مرسيدس وارد اليابان اكثر يسار ونادر تحصل مقود يسار لانه لااحد يقوم بتدبيله لان مرسيدس موجود بكثرة من جميع الموديلات والانواع.
ومسألت عن تبديل المرسيدس بسأل مرة ثانية ان شاء الله,

زورو الامارات

شي سيارات تجي من اليابان مصدومة او مقلوبة ويقومون بتصليحها بهي الورش وسيارات اكثريتها جديدة على الصفر ولان هناك تكلفة التصليح باليابان او شركة التأمين لاتقوم بتصليح هي السيارة المصدومة او لمقلوبة ويقمون بتصليحها بدبي وتحويلها الى مقود يسار وبيع بسعر حلو يعني سيارة جديدة.

Dreams_Maker

عملية التحويل لم استطع ان اصور من الداخل الورشة لان الورش مظلمة والصورة ماتأتي واضحة وبعض الورش منعوني من التصوير لان امس شرت من اول الصبح حتى ان الجو كان ضباب وينعرف من الصور.
ان شاء الله ان بتفق مع احد ثاني بصور واكمل مع موضوعي هذا.

RED Chevy
نفس الكلام قلت لخالد
شي سيارات تجي من اليابان مصدومة او مقلوبة ويقومون بتصليحها بهي الورش وسيارات اكثريتها جديدة على الصفر ولان هناك تكلفة التصليح باليابان او شركة التأمين لاتقوم بتصليح هي السيارة المصدومة او لمقلوبة ويقمون بتصليحها بدبي وتحويلها الى مقود يسار وبيع بسعر حلو يعني سيارة جديدة.

WRX
مب تعقيد هذا استغلال للنقود والمال وشي ورشات يقومون باارخص من الاسعار بالشارقة وعجمان وام القيوين وراس الخيمة.
كل ماسرت هي الامارة بتحصل عندهم اسعار اقل وشغل حلو.

أكورد

ان شاء الله اخوي ترى موديلات كورولا الي تجي من اليابان غير الشكل الي تجي الخليج شكله متغير تماما وان شاء الله اذا حصلت صور بصوره
فالك طيب.

durango

هلا اخوي هذا فك شاصي للكروزر اذا كان مقلوب او مصدوم يقومون بتغير هيكل السيارة بكبره.
اما تبديل المقود يقومون بفتح الطبلون والمقود واجهزة التحكم من الكبوت من زيت الفرامل ومكان المقود وتركيبه بالشمال وضبط كهربائية السيارة وتغير المكيف والدفاية وشغلات ثانية.

شكرا يااخواني واي استفسار انا جاهز
:eek:

كم يكون سعر التبديل ؟

و ما يكون في أضرار ( يعني فرق في السواقة ) ؟ أو أضرار مع الوقت ؟

و مشكور على موضوعك المميز و ننتظر إضافتك ..

السلام عليكم ورحمة الله وبركاته

MuGeN
اخي انا كتبت القيمة والوقت فوق
المدة يستغرق حسب السيارة من 10 الى 15 يوم شغل نظيف ومرتب
والاسعار حسب الورشة والشغل والايدي العاملة الماهرة.
والاسعار هي
5000 درهم لتويوتا راف
12500 درهم تويوتا لاندكروزر
15000 درهم لكزس
4000 درهم اي صالون مثل كريسيدا وستارلت وكورولا


شكرا اخوي على مرورك

:eek:

واضح انها عملية صعبة جدا (تحتاج ناس فاهمة) خصوصا اذا المسألة فيها فك شاصي وفتح طبلون وبلاوي كثيرة







ممكن تكون تجارة رابحة جدا (خصوصا اذا تخيلنا فرق السعر )

وشكرا لك يا grandv8 على المعلومات الحلوة

:eek: يعطيك العافيه انا على بالي اسهل من جذي :eek:

اللاندكروزر اللي في الصوره يستعمل كقطع غيار او يبيعونه نص سياره و هاي شغله معروفه
تبديل المحرك ما يحتاج فك شاصي و غيره تنزيل مكينه و فك طبلون بس
تقدر تشتري من عنهدم شاصي او مكينه او نص سياره بس ان كانت ضربه السياره قويه ما يقدر يصلحها و يبيعها في الامارات لانه ممنوع و لكن يـبيعها على اساس قطع غيار
اتمنى اني وضحت

السلام عليكم ورحمة الله وبركاته

راعي البيج

اكيد تجارة رابحة مادام المخ شغال يسوي بلاوي

TOYOTA - OBAS

كل شي صعب يجي شغل حلو وممتاز اخوي:banana:


Crower

اخوي كفيت ووفيت وشكرا على مرورك الطيب

شكرا
:banana:

مشكووووووور

جزاك الله خير محمد
ومشكور وماقصرت

وانا كنت متخيل المسأله اسهل من كذا

مشكور على المجهود الكبير اليومين هذي

السلام عليكم ورحمة الله وبركاته

بوأربع



ACCORD-V6

ويجزيك الله كل خير وبركة لك اخوي:banana:

شكرا لكم
:eek:

السلام عليكم ورحمة الله وبركاته

هي اخر لقطات من تحويل المقود للسيارة واليكم الصور
اسمحولي على التأخير.

















ان شاء الله الصور واضحة والتبديل كيف وشغله كبيرة ومتعوب عليه.

تشكر على هذة المعلومة كفيت ووفيت


:eek: :eek: :think:

السلام عليكم ورحمة الله وبركاته

hait
لاشكر على واجب انا بالخدمة وقدمت صور توضيحية زيادة على الموضوع وخاصة الصور الاخيرة.

صراحة أنا ما فهمت طريقة التغير يعني هل هم يبدلون السكان من السيارة الى وحدة ثانية نظام خليجي ولا بس عليهم يحركونه من اليمين اللى اليسار :(