بسم الله الرحمن الرحيم
السلام عليكم ورحمة الله وبركاته

قد يلاحظ الكثير ان سيارات السحب الامامي قد تكون افضل من مثيلاتها ذوات الدفع الخلفي في المنحنيات والمنعطفات ...

اجر هذه التجربة بنفسك ..((بسيارة ذات سحب امامي))

ادخل في منعطف على سرعة معقوله ...ولنقل بسيارة كامري وعلى سرعة 100ك ...ولتكن عصا القير على النمرة الثانية 2.... ولاحظ ان السيارة الى اي درجة هي ثابته وقوية في المنحى ......

مالسبب ياترى ؟.....
...........................قد تكون لدي الاجابة لكنها ليست على الشكل المطلوب مني ,,,,



لاعزاء لاصحاب الدفع الخلفي:cool:

تصدق أني كنت بسوي موضوع عن مميزات الدفع الاماي وعيوبه وكذلك الخلفي..لكن مكسسسل

أنا يوميا أسوي تجارب وفعلا هذا الشي ملاحظ

أنا كنت لما اخش أي دوار أتعمد أني ازيد السرعة وأنا داخل الدوار

فالكفرات تصدر صوت

بس لو تشوف منظر الى يكونو قدامي كخخخخخخخ

تلاقيهم من يوم ما يسمعوا الصوت يوخروا يحسبو في سيارة حاست



تحيااتي

فعلا وهذا الشي احب اصلحه في المنعطفات لان اغلب الناس اللي تناظر يقوول اكيد يجيب العيد ويتفاجوا ان بنفس خطي

ولكن اتوقع ان سبب الثبات هو لان مركز القوه اصلا هو نفس المركز اللي يفقد الدفع الخلفي الثبات ( ماادري شلون اوصل المعلومه اللي براسي اليوم ماني فايق بس اتمنى وصلت )

موضوع جيد يا S8
حسب علمي والله اعلم ان الي يتحكم بثبات السيارة في المنعطفات هو دقة توزيع الوزن في الامام والخلف مثلا الامام 60% والخلف 40% .
الدفع الامامي يساعد في عملية توزيع الوزن بشكل كبير الى جانب توفيره للقوة الخارجه من المحرك بشكل اسرع . ايضا كما تفضل الاخ STS4ever تمركز القوة والوزن في نفس المنطقة يعطي نتائج افضل .

بالنسبة للسوال

أنا اتوقع الثبات بسبب أنو الدفع و التحكم معاً




لا فائدة من القوة بدون التحكم=الدفع الخلفي

موضوع ممتاز..


وانا اتوقع انه السبب هو العكوس اللي تزيد وزن السياره ذات الدفع الامامي من قدام..وبالتالي تزيد رساوتها..


والله اعلم

لالالالا يعني الحين وزن العكوس مايجي 30 كيلو ولا توصل اصلا وتصير هي السبب في الثبات ؟؟ اجل على كذا بحط ثقالات في الكبوت ويصير ثبات 100% ...!!! نظريه خاطئه

سلام

الدفع الخلفي تسحب السياره و يكون التحكم من نفس جهه القوه.

بينما في الخلفي جهه الدفع أو القوه غير جهه الاتجاه.

بتصير عمليه اسمها Centeral Force.

زي المروحه.

زي كذا وانت تسوق الدفع الخلفي تحاول تقضي على القوه ذي.

زي كذا تلاحظ صعوبه التحكم في الخلفي.

بس بذي القوه باستطاعت السواق الصحيح أن يسوي حركات يحلم فيها الدفع الأمامي

هههههههه

انتبه لايطيح لسانك

لا اخوي اس8
اسمح لي بعبر عن وجهة نظري
صاحبي عنده كامري
و أنا مستعد احلف لك انه صارله خمس حوادث يشلع فيهم ارصفه بسيارة كامري
لانه الدفع الامامي يوم يشوح صعب تمسكه
بعكس الخلفي فإذا انت سائق زين تمسكه

لالا اخوي اش دعوه تفكره كوري بس نيتي التوضييييح فقط !

من يومين سوينا حادث بكامري جراند موديل 2002 صاحبي كان داخل المنعطف على سرعه وخلاص قال على الدنيا السلام

الامامي يمكن اثبت لانه الكفرات الي تنقل الحركة في اتجاه اللفه الي يبيها السواق بينما الخلفي التوجيه من جهه والدفع من جهه عشان جدا لما يكون في ماي في اللفه وتدوس السياره تزحف(احلى حركة عندي) بس عيوب الامامي كثيره منها المطبات تخرب العكوس يعني لو مسرع وتطيح في حفره (من شوارعنا البيرفكت) بتزعل العكوس وبتقولك طلقني قصدي بدلني هذا الي سمعته غير كدا الدفع الامامي في بعض الحالات خطير لما تكون السياره قويه مره يعني الكفرات تحوس من القوة مثلا لو كنت تمشي 30 وبعدين دعست الدعسه للاخر ولفيت بقوه :blink: بس بتزحف السياره واحمد ربك اذا مافي مطبه وقتها تصير عامل محفز للزحف (شايفها في فيديو) واحد طلع على واحد وكان راعي الامامي دوه دايس ولف بقوه ودخل في شجره هذي وجهة نظري والي عندي

الصراحه انا أشوف العكس

الدفع الخلفي أفضل ...

لأن عندي BMW .. وماشاء الله في اللفات ماسكه نفسها ...

وجربت تجربة ...

ساب 93
على سرعة . تقريباً... 80 في الدوار...

تمسك ... وبعد ما يزيد .. السيارة تطلع اصوات تحس أنها بتحوس ..

اما BMW .. 80 وتزيد عليها شوف كأنه العيد ...90 أو حتى أكثر ...
( طبعاً.. على حسب العوامل ...مثل حجم الدوار ... والكفرات اذا هي جيدة أو مهترئة ... والوزن .........الخ)
وعندي كروان فكتوريا ... 80 ما عندها مشكلة ... بس لاتزيد او أحد يطلع في وجهك ,.,,خخخخخ

أنا مؤيد لمعظم كلامك لكن معروف ان السحب الامامي اذا زحف ما يزحف الا على قدام يعني اذا جيت تدخل لفه بسرعه أعلى من المطلوب بتلقا ان السياره رايحه على قدام و ما تقدر تتحكم فيها الا بالجلنط لأن في مثل هالحالات الفرامل ما ينفع أبد

السر في ثبات السحب الامامي ان الكفرات اللي قدام هي اللي تحرك و هي اللي تتحكم في نفس الوقت


أخوي FSM

بالنسبه لل BMW و المرسيدس و الشله هذي طلعها برا الموضوع لأن السيارات هذي مليانه أنظمه مساعده تساعدها على التحكم في ثباتها .


أخوي King 4x4

كيف الدفع الخلفي يسوي حركات ما يحلم بها الامامي ؟؟

الكلام هذا كان من أول .. اما الان الامور اختلفت تماما

شوف المقطع هذا و عطني رأيك

السحب الامامي

لازم تواكب العصر يا أخوي


تحياتي

أخوي فهم ذا لليابانيين :rolleyes:

ما يعترفون بالأمامي أبدا.

طبعا حقين الحركات الخطره.

شوف لك مقطع درفت و تعرف وش قصدي

حبايبي هدوا شوي .
ومشكورين على هالموضوع الحلو .

أنا أقول الدفع الخلفي أحسن بكثييييييييييير .
وذلك لأان البي أم دبليو والمرسيدس والجاغوار والأودي وما إلى ذلك من السيارات الفخمة كلها دفع خلفي أو رباعي .

فما يصير تقولون الدفع الامامي أحسن .
هل أنتم أذكى من الألمان

طبعا الجواب ...........

هذي عينه بسيطه من مجموعه ضخمه من الحركات اللي ما أعتقد ان اليابانيين تجيهم الجرءه انهم يسوون مثلها


تحياتي

بسم الله الرحمن الرحيم
مشكور أخوي للموضوع
أولا انا أرى ان الدفع الخلفي ارسى
ثانيا لاحاجة لي بدخول دوار او منحنى على سرعة تفوق ال60
ثالثا احتمالية انكسار الأكس لدى الدفع الأمامي أكثر بكثير وبالتالي الحادث تكبر نسبته وهاذا مالم يتتطرق له اي من الأعضاء الكرام

(رأي شخصي)

ياشباب مايصير واحد يدخل دوار ميتين ويصدم ويقول هذا بسبب السحب الامامي ...
لكن لأن القوة في نفس الكفرات اللي تتحكم بالاتجاه تكون السيارة راسية لكن في الدفع الخلفي الكفرات الخلفية تمشي للأمام واما الامامية هي اللي تتحكم فلو خرجت السيارة عن وضعها الطبيعي ستجد الكفرات الخلفية والتي لاتمشي في نفس اتجاه الخلفية تجعلك تتجه الى الوضع الغير طبيعي بسرعة ... ولكن تم التغلب بشكل كبير على هذه المشكلة في السيارات الاوروبية الفخمة بأنظمة الرساوة من تراكشن يفصل الدعسة ، ونظام التحكم الديناميكي بالثبات والذي يجعل كل كفر يمشي بسرعة مختلفة عند الوضع الغير الطبيعي ....







اخوكم الشبابي

من خلال تجربتنا للدفع الخلفي لأكثر من خمس و أربعين سنة أقول الدفع الخلفي أفضل بكثير

اي والله صح كلامك .
مالنا حاجة ندخ ل المنعطفات ب 60 .
وكلامك كله صح بصح

المعروف ان الخلفي هجته زي السلام والامامي اثبت

حتى انه في التفحيط يستخدمون سيارات دفع امامي

فيه كلام في راسي لكن يبغى واحد رايق ويشرح بالتفصيل ويمكن البعض مايفهمون لذلك اسمحولي

اسف جدا على هذه العجاله

السحب الامامي اثبت جدارته وخصوصا في قطاع السيارات الصغيرة والمتوسطه حيث انه اقوى واقل استهلاك وارخص ولايحتاج الى انظمة ثبات تزيد من سعر السيارة ...
بالنسبة للبي ام والمرسيدس فيها انظمة قوية تجعلها تتغلب على السيارات السحب الامامي ...
ولو رأيتو الجولف والبورا فهي سحب امامي عدا انها مزودة بمانع انزلاق واللي جربوا السيارات هذي يعرفون انها راسية لأبعد حدود ...
وخلال تجارب احدى المجلات الامريكية اكتشفوا خلال تجاربهم في مقارنتهم السيارات اليابانية بالالمانية ان السيارات اليابانية ارسى على السرعات المنخفضة والالمانية ارسى بالسرعات العالية فتدون ان كثير ممن معاهم سيارات سحب امامي يغترون بأنفسهم لأنهم قادرين على دخول دوارات بسرعة جيدة ولكن في الخط عموما عندما تكون ماشي 160 وترمي بقوة ممكن تحوس معاك السيارة لكن في الالماني ماتحوس ...

















اخوكم الشبابي

وانا اشهد على هذا الكلام:cool: <=== اسال مجرب:blink: