السلام عليكم ورحمة الله وبركاته

عذرا لإنقطاعي عن المنتدى لفترة طويلة ، واحب اليوم اعطيكم الطريقة اللي ممكن تشترون فيها اي شي تبغونها من الانترنت بدون نصب ...

اولا :/ يجب شراء بطاقة اسمها cashucard وهي تباع في الفروع الرئيسية في كل مدينة لشركة ARAMEX للشحن وبالنسبة للي في جدة فمقر الشركة في طريق المدينة الطالع قبل كبري حراء تجد الشركة على يمينك وهناك تباع البطاقة بفئات مختلفة .
ثانيا :/الذهاب الى موقع WWW.CASHUCARD.COM والتسجيل في الموقع ومن ثم الدخول الى حسابك ووضع الرقم الموجود في البطاقة وبعدها يدخل الرصيد الى حسابك ، ومن ثم يمكنك الشراء عن طريق المواقع الموجود في موقع الشركة نفسها ، واما اذا ذهبت الى اي موقع يطلب الماستر كارد ، اذهب الى حسابك في كاشيو كارد واطلب رقم للماستر كارد وسوف يعطونك الرقم تلقائيا ويمكنك شحن الماستر كارد من رصيدك الاساسي كيف ما تريد ، يعني لو عندك في الرصيد 1000 دولار ، ممكن تضع 10 دولار فقط في البطاقة بحيث انها لو سرقت لن تخسر شيئا .
ثالثا :/ اذهب الى اي موقع مثل STILLEN واشتري ماشئت من فلاتر وقطع وكنداسات ولا يضحكون عليكم المحلات الحرامية لكن يجب ان تضع الاسم والسكن كما هو موجود في الموقع حق الكاشيو كارد بنفس الاسبيلينج .
رابعا :/ هناك الكثير من الشركات التي لا تشحن خارج امريكا وهذي مشكلة وحلها يوجد في ارامكس ، يجب عمل اشتراك بريدي في امريكا ورسمه 132 ريال وسوف يكون لكل شخص بريد خاص ترسل اليه البضائع ومن ثم تصل الى هنا وتدفع قيمة الشحن ( المخفضة ) وتاخذ بضاعتك من ارامكس .

وانا عن نفسي ياشباب اشتريت فلتر من شركة KNNFILTER عن طريق موقع STILLEN ووصل عندي مع مجلة ، والان طلبت مجلة اخرى وفلتر زيت رياضي والجايات اكثر حتى تكبير الايميل عن طريق الياهو ممكن وعن طريق الشركات الاخرى ....

هذي صورة الكرتون اول ماجا من ارامكس :-

وهذي صورة الايصال الموجود على الكرتون :-

وهذي صورة الفلتر :-

وهذي صورة المجلة :-


تعرفون انه عندنا المحلات ينصبون بالاسعار خصوصا المحلات الكبيرة والغالية لكن الان تستطيعون شراء اي شي مثل جنوط فلاتر قطع غيار باسعار ارخص بكثير من المحلات ، على سبيل المثال : انتشر الجنط اللمع النيكل اللي يدور من وحدة ، هذا الجنط سمعنا انه ينباع بـ 30 و 40 الف ريال مع العلم ان الطاسة اللي تدور قيمة الاربعة حبات لمقاس 18 هي 3600 ريال تقريبا وللـ 20 تقريبا 4200 ريال فلاحظوا الفرق ....‍‍‍‍‍‍‍
وانا الحمدلله الى الان وانا استخدم البطاقة وماصارت لي اية مشاكل ولله الحمد وامنى انكم تستفيدون منها وانا حاضر لأي اسئلة وعفوا لرداءة الصور .

منقول من موضوعي في منتدى السيارات في الساحات العربية بإسم اللاعب )




اخوكم الشبابي

بسم الله الرحمن الرحيم



السلام عليكم ورحمة الله وبركاته



جزاك الله خير

مشكور اخوي الشبابي بصراحة أنته روعه ريحتنا من المحلات ونصبهم وترى هذي البطاقة في مثلها من شركات أخرى لكن خارج السعودية مثل مايكروسوفت لكن هذي الشركة عندنا في السعودية أفضل بكثير من الخارج وهل يوصلو البضاعه لحد البيت؟؟ ولا على البريد

أبغى أنقل هذا الموضوع في منتدى أخر.. ممكن؟

تحياتي

انا بس احب اعطي فكرة عن الشركة المعنية وهي TELARAMIX
هذي الشركة اهتمامهم بالعميل سيء جدا جدا
طلبت من عندهم جنوط الكورفت في السابق وعمال التحميل يوم جو ينزلو الكراتين من الطيارة رموها من باب الطيارة على الاسفلت يعني من ارتفاع عالي مما سبب لي انطعاج او ثني الاربع جنوط وهي لسة جديدة

تخيل 11 الف ريال قدام عينك تشيلها وترميها ..

غير انهم لو اتفتشفت القطع ما بيغلفوها تمام وكثر من الاوقات بيضيعو القطع وخاصة الاجزاء الصغيره منها بتجينا ناقصة
ولما تكلمهم يقولولك ما ندري
=======
الان انا اتعامل مع ال ups ومبسوط منها رغم انو سعرها غالي

اول ما توصل القطع يتصلو عليك ويعطوك الخيار بتوصيلها الى باب بيتك او انك تروح تاخذها من عندهم

غير انو بيشيل لك القطع بنفسه ويحطها في سيارتك

=====
والشركة الثانية هي ال FED EX
هذي رخيصة وكويسة بس للاسف يعاملوك وشعراهم هو (( اخدم نفسك بنفسك ))

يعني تصور طلبت قطع الكورفت وجات اربع كراتين كل واحد بكبر حوض الجمس حقي .. وقعدو الهنود والعاملين في المكتب يتفرجون عليا وانا اشيل الكراتين بنفسي ..

تصور شماغ وثوب واقعد اسحب في كراتين

ولما شافوني حنو عليا وجا واحد منهم قال ايه قال يساعدني ... اخذ عربية وشال اصغر كرتون

وغير كذة الشي السيئ اللي فيهم انو فيهم لقافة شي مو طبيعي يقعدو يسالوك في القطع وفي اشياء شخصية هم مالهم دخل فيها


هذي فكرة عن شركات الشحن عندنا هنا وتجربتي الشخصية معاها

مشكور أخوي الكنج على التوضيح لأنه الفكرة عجبتني وكنت حا أشترك معاهم بركه انك نبهتني

تحياتي

السلام عليكم ورحمة الله وبركاته
الشبابي
مشكور على معلوماتك ويمكن تكون كاشيو حل لمشاكل النصب الي تصير لكن عيب كاشيو هو فرق سعر الصرف !!
في طريقة ثانية غير بطاقات كاشيو وهو ان بعض البنوك تعطيك بطاقات محددة القيمة 1000 ريال مثلا .. خصصت لمنع مشاكل الشراء عبر الانترنت..

مشكور على الرد يا شباب ...
وبالنسبة لـ kin porche :-
انا اخذتها بـ 390 ريال لأتي كنت مستعجل لكن واحد من اصحاب الوالد اشتراها بـ 380 ريال بعدين الفرق بسيط .
بالنسبة للبنوك فإن شروطهم بالهبل وتجنن لين مايطلعونها لك ويا خذون عليها رسوم ولازم يكون عندك رصيد وفيزا اما هذي فلارسوم سنوية وفيها خصوصية بحيث انهم ما يعرفون عنك معلومات .

اخوي king ss :-
انا ماادري عن الشركة اللي تتكلم عنها هل هي نفس الشركة اللي تعاملت انا معاها ؟؟؟
انت تقول اسمها TELARAMIX واللي انا تعاملت معاها اسمها ارامكس وبالنسبة للشحن داخل امريكا يختلف من شركة لشركة فشركة ستيلين على سبيل المثال تتعامل مع fed ex في امريكا وتجيبها ارامكس من هناك واذا جاك شئ مكسور رجعه .
واتمنى تعطيني اسعار الكيلو في ups ???
لأني شحنت واحد كيلو الى فرنسا وكلفني 500 ريال عن طريق DHL.

اخوي حاكم العدل :-
انا الى الان ما اشتريت اشياء ثقيلة او تحتاج معاملة خاصة وكسروها لي لكن الله اعلم ... لأني ما اشتريت الا فلتر هواء ومجلة وجايني فلتر زيت ومجلة ثانية ....وبالنسبة للتوصيل هم يدقون عليك وانت تاخذها من فرعهم اللي بطريق المدينة .
وعلى العموم انقلها اي منتدى ثاني مو مشكلة لكن على فكرة انا كتبت الموضوع في الساحات و منتدى السيارات بإسم اللاعب .

وشكرا على ردودكم يا شباب وماتوقعت انكم تردون بسرعة خصوصا اني حطيت الموضوع قبل صلاة الظهر والان كثير ردوا .
يبدوا لي ان منتداكم نشيط مرة ( ما شاء الله تبارك الله ) .



اخوكم الشبابي

Regarding the card, the only down side about it is that u cant spend more than 800$.

BTW, ive got a package before from FED EX and they were the BEST! All of the guys at the counter helped out walla...and all of them were young Saudi guys!
Oh, and they gave me a free mug LOL!

And alos, i used TNT and they are fast and reliable!

Cya

أنزين شباب أش رايكم بال DHL هذي شركة أكيد

طيب كيف يحاسبوني على الشحن؟يعني الكيلو بكم؟

اخوي Pure_Intimidation ...
مع اني افهم انجليزي لكن والله ما افهم وش قلت ..


اخوي A7medo....
الـ DHL شركة ممتازة وماعليها غبار لكن قلت لك اسعارهم ماهي طبيعية ، يعني تكلفة الشحن اغلى من الشي اللي بتشحنه بمرات .


اخوي Net Master...
اسف لأني نسيت ذكر اسعار ارامكس ...
اول نص كيلو بـ 57 ريال
ثاني نص كيلو بـ 20 ريال
وهكذا البقية بـ 20 ريال ........
يعني الكليلو الاول بـ 77 لايال تقريبا والثاني بـ 40 ريال والثالث بـ 40 وهكذا .... بعكس DHL اللي 1 كيلو حسب ماسألت 500 ريال والله اعلم .
ومشكور على ردكم يا شباب ...







اخوكم الشبابي

يا خوي
الDHL ارخص من كذا
و انا مجرب بنفسي
و اكثر من مره
و غالبا طلباتنا تتراوح بين 30 - 35 كيلو
و التوصيل حول 280 - 350 دولار

و لعلمك الDHL اذا كانت الطلبيه فوق ال50 كيلو يكون السعر ( بالنسبه للكيلو ) ارخص بكثير

لكن مع كذا
قهر
حنا نحسب حساب الطلبيه و التوصيل
اما في امريكا و كندا
التوصيل مجاني >> ياخذ حول شهر > انطر يا حمار لا جاك الربيع
او في اليوم اللي بعد الطلب مباشره > بمبلغ بسيط جدا

و معروف ان اسعار التوصيل خاصه للشرق الاوسط صارت اغلى من قبل
بعد سالفه 11 سبتمبر

بصراحه انا كاش يو بطاقة غبيه بمعنى الكلمة

احسها حقت بزارين

خذ لك بطاقة من البنك الاهلي اصرف لك

اما بخصوص الشحن USP و الفيداكس هم احسن ناس وانا متعامل معهم كثير


بس عيب الفيداكس انهم ممكن يتأخرون عليكم الـDHL غالين بس حلوين

السلام عليكم ورحمة الله وبركاته

مشكور على الموضوع الحلو

وانا أستخدمت بطاقة كاش يو

بس ودي أعرف كيف أشترك في USP في الرياض
عشان أطلب بضاعة من اوروبا او إمريكا .


وشكرا ,.,.,

والله فكره حلوه

طيب اخوي كم سعر الفلتر الاصلي وكم السعر كله حتى وصل عنوانك ؟

وكم اخذ مده ؟

ثالث شي انا عندي صندوق بريد في وزارة البريد عادي يرسلونه عليه ؟

اخر شي اذا مثلا شريت فلتر من موقع كي و ان وطبعا هما مايسالوك عن شركة الشحن اللي تبغاها لاكن اذا شريت عن طريقهم اش الشركه اللي تجيب الطلبيه ؟

واعذرني على الاطاله لاكن انت مجرب

سلام

و الله فعلا خدمة FedEX أي كلام و انا جربتهم

DHL خدمتها ممتازه جدا و لكن اسعارها نااااااااااااااااااااااااااااااااااااااار

على العموم أحب اشكر الاخ شبابي على الموضوع الرائع و انا اطالب بتثبيت هذا الموضوع نظرا لأهميته


و سلامتكم

والله انا طلب السيستم حقي كله من امريكا وقمت بتجربه

Aramex
UPS
US Mail

اكثر شيء استخدمته هي شركه ارامكس حيث انني لم اشتك من عندهم نهائيا ..

حيث اثقل شيء احضرته هو السب ووفر حقي وكان وزنه 25 كيلو وكنت قد ارسلته من ولاية اكلوهوما على ارخص خدمه عند ارامكس وكان كلفني الشحن 450 ريال بالضبط .

ولقد ضهبت بنفسي الى المطار لاستلمه لحرصي الزائد فقط ..

وتعرفون ماذا يحدث قمت بدفع 100 ريال للتخليص الجمركي طبعا هي في الاصل 200 ريال وتجيك الاوراق جاهزه او تدفع 100 وانت تروح للمسؤلين وتفر عليهم علشان يوقعون على الاوراق .

ثم دفعت 75 للجمرك .
ثم دفعت 69 ريال بسبب الوزن الزائد !!!!

يعني كل هذه الاشياء ما ادري ليش ادفعها !!!!!

عموما الزبده ان اغراضي وصلت بدون اي مشاكل او كسور ولكن طبعا موظفين الجمارك كانوا فضولين عند فتح الصندوق وانبهارهم لحجم السماعه 15 انش !!!! .

وجربت ارامكس مره اخرى ولكن على اسرع خدمه وهي express حيث ارسلت مضخم صوت بوزن 5 كيلو كلفني 500 ريال خلال 4 ايام فقط .

بدون تخليص او جمارك !!!!!

والله ما عرفنا لكم يا جمارك مره تاخذون ومره لا !!!! مع انها اغراض شخصيه ..

واحد من الاشخاص قال لي اذا موضف الجمرك شاف انه فيه فواتير شراء داخل الصندوق يقوم بطلب ضريبه اما اذا لم يرى ذلك فا لا يطلبون شيء ..... والله اعلم .

ولقد جربت UPS في اسرع خدمه express .

حيث وصلت اغراضي خلال 3 ايام !!!!! ما شاء الله من كاروفونيا .

ولكن هل تعرفون كم السعر !!! ؟؟؟

السعر هو 280 دولار !!!!! ====== 1050 ريال ..

حيث كان الوزن 6 الى 7 كيلو ..

ولكن هل تدرون لماذا الشحن غالي ؟؟

لاني قمت بوضع تأمين على الطلبيه حيث انها لو انسرقت اي قطعه يقومون بتعويضي 1200 دولار ( كاش )
طبعا الاغراض كانت بسعر 1400 دولار لذلك كنت خائف .

ولم يكتفون بذلك بل دفعت 200 ريال للجمرك لا بارك الله فيهم وبسرقاتهم .

وجربت مره US Mail بارسال سماعات بوزن 5 كيلو من لوس انجلس ووصل الى خلال 5 ايام بسعر 110 دولار فقط .


فا يا شباب احب ان اقول لكم ان الشركات عندنا حراميه ..
يعني الاسعار ما هي موحده حول العالم ..

يعني لو ترسل 5 كيلو من السعوديه الى امريكا ليس مثل 5 كيلو من امريكا الى السعوديه ..

فا خل الشركات اللي هنا يولون وتفاهم مع اللي هناك .

احب ان اوضح انه لا توجد شركه في امريكا اسمها ARAMEX بل هناك شركه اسمها AirBorne Express هي اللتي تتعامل مع ارامكس كالواسطه .


آمل ان تجربتي قد افادتكم ....

السلام عليكم

اخوي DDesigns لازم اخلصها من الجمارك ؟

لان الاخ شبابي ماقال شي عن الجمارك يعني يمكن بس الشركه اللي انت تتعامل معاها اخوي DDesigns ؟

ارجوا التوضيح

سلام

السلام عليكم ورحمة الله وبركاته

أخوي الشبابي أو اللاعب ويييينك على المسنجر ؟
بالنسبة لمسنجرك هل هوا القديم ولا غيرته ؟


والموضوع جيد ويستحق التثبيت والمناقشة

بطاقه كاش يو ماهي اجرائاتها ورسومها؟؟؟؟؟





إلا اذا شحنت كيلو ذهب

شكرا على الردود يا شباب ...
v8 ليس هناك اي اجراء ...فقط ادفع وخذ البطاقة على طول ...


يا اخوي a.w.t ...
والله انا دايم انسى الماسنجر ما ادري ليه ...
على العموم الان صرت اشغله ... ان شاء الله تلاقيني عليه ..وهو نفسه القديم ...

اخوي sts ...
انا ما سمعت شي عن الجمارك ....


اخوي 745 ...
والله ما ادري بالنسبة لـ ups الاسعار ولا قد تعاملت معاهم صراحة ...



اخوكم الشبابي

أخوي الشبابي

أطلب القطع ومالي دخل من وزنها أهم شي سعرها وهي بتوصلني بغض النظر عن الوزن.

مليش فهمي بطيء حبتين في سالفة الفلوس ... خلني اقول إلي فهمته هنا ...

انا اشتري بطاقة كاش يو ... واقدر اشتري إلي ابي من الإنترنت ...
وإذا في اشياء ثانية أبي اشتريها لكن ما يتم التوصيل للمملكة ... فأقدر آخذ اشتراك بريدي في أمريكا عن طريق أراميكس ... وإذا شريت القطعة من الموقع الموقع راح يرسلها لي على عنواني إلي في أمريكا وبعدها أراميكس راح تحولها على بريدي او على مكتبهم القريب مني في الممكلة ... صح؟؟

وبالنسبة للجمرك هذا ممكن أدفع وممكن ما ادفع حسب الموظف الجمارك ومزاجه .... ؟؟؟

وسالفة الوزن وأدفع حق التوصيل حق أرامكيس ... هذا ما يصير إلا إذا شريت من موقع ووضعت عنواني في أمريكا لأن البضاعة تكون شاملة للتوصيل إلى بريدي ... وبعدها يتم إرسالها إلى بريدي إلي في المملكة من قِبل أرامكيس ؟؟؟

أما لو كان الموقع يوصل للمملكة فأقدر استعمل عنواني العادي ... ويوصلني بدون ما ادفع سالفة الشحن ... بس الجمرك ... صح كلامي ؟؟؟

للرفع!