سلام عليكم

انا عضو جديد بس اتابع المنتدى من زمان;)

البارحه يا شباب كنت افتر في سيارتي (آخر روقان) ، امشغل الموسيقى على الآخر

فجأه اناظر في المرايه للخلف اشوف SL ماشي مليون ماسك المسار الأيسر للشارع

قلت خلني اتحرش فيه ، طبعا ماقدرت الحقه ، ولكنت داري انه من طقة AMG علشان اهون

وقفته الأشاره ، و من حسن حظي صفيت جمبه في الأشاره ، ناظرت يساري من دافع فضول شفت رجال شيبه مع وحده بنت اصغير ( امريكي ) ، و كان الموتر SL55 AMG

صارت خضره و الحبييب منطلق و آنه معاه ، تقدمت عليه و آنه ماكنت امصدق اعيوني عطيته فرق سياره لين سرعة 150 كلم/ ساعه بعدها صار يقرب مني لين ماتعداني ببطىء

موتري قير عادي اثناء اريس تخلبصت(ارتبكت) ماشبكت عدل و النتيجه كتم الموتر في القير الثاني و الثالث ، لا تلوموني يا شباب ترى من الفرحه

الي ابي اقوله ان ال SL55AMG مب سهل يعني 470 حصان اذا مو اكثر و خفه و تعليق ممتاز و متطور و تواير عريضه و جنوط 18 و انسيابيه و الموتر سعره فوق ، غريبه يكون هذا مستواه و الله خيبه

شباب ابي رايكم في الي صار

لحظه قبل ما انسى هذا رابط فيه معلومات عن SL55AMG

SL55AMG

حياك اخوي....انت من وين؟؟...وايش سالفة البنت الأمريكي على قولتك ........

بس مااتوقع انه عطا السياره دعسه كامله....ويمكن بعد ماافتكر بوجودك أصلا.... ....."لاتزعل ها"..

بس تنحسب لك انك قمت على SL .........


والسلام ختام


D_M

الله يحيك Dreams_Maker ، انا من الكويت ، و الظاهر ان البنت يمكن اتكون بنت الرجال الشيبه الي كان يسوق اذا ماخابني ظني

بالنسبه للريس ، راعي ال SL كان لاحقني لين 150 و تعداني ، اشلون مافتكر في وجودي

يمكن ظن و الله اعلم اني قاعد اتحرش في البنت الي جمبه


يعطيك الف عافيه
:banana: :banana: :banana:
:banana: :banana: :banana:
:banana: :banana: :banana:

يمكن مستعجل الرجال.......

وبعدين تقول شيبه....يعني هالأمور مو ماخذه عقله...أعني أمور الريس وكذا...


هذا اللي اعنيه


.....


بس ماقلت لي....اللي يسوق...كويتي


D_M

راعي ال SL امريكي الجنسيه حتى الي وياه بس اللوحه كويتيه ، لو الأخ كويتي كان قلنه هالأمور مو ماخذه عقله

بسم الله الرحمن الرحيم

كل شئ جايز بهلدنيا

لوووووووووووووول .. شياب عالموضـة ..

السلام عليكم ورحمه الله وبركاته

ال SL 55 AMG مره وحده ؟

صعبه عليك اخوي , واسمحلي في هالكلمه

ال SL55 يطلع مع بورشات و فيراريات ؟ ولعلمك تسارع ال SL 4,7 ثواني

بس بغيت اسئلك , ايش دراك انه AMG ؟ كان مكتوب عليه ؟ اذا كان مكتوب عليه فهذا مب معناه ان السياره AMG لأن وكاله المرسيدس تكتبلك على السياره اي شي تبغيه مثلا , S350 تقدر تطلب منهم انهم يكتبون عليه S600 بدون اي مشاكل

وكذلك ال SL , لأن عندنا في قطر اللي يشتغل في الوكاله قالي ان مب كل الSL's اللي مكتوب عليهم SL55 AMG يكونوا بمحرك AMG وقالي من بين كل ال SL's اللي عندنا مافي الا 3 بس اللي عليهم محرك SL55 476 حصان

اسمحلي اذا طولت عليك اخوي لكن الظاهر انه SL500 والشيبه يبغي يخرع الأمه فكتب عليه SL55 AMG

تحياتي \\\ شيطــــــــــــــــون

يمكن الموتر هو SL500 مع AMG PAKG يعني البودي AMG والمكينه عاديه..وانا شفتها اكثرمن مره

يا اخوان ترى مب غريبه الي حصل ترى محركات LS1 مب سهله لاتستهينوون فيها ثانيا موتري توه جديد ، طلعته من الحفيز ،ماشي بس 5000 كيلو ، يعني في صحته

ShaY6ooN
760IL
ترى جنوط ال SL كان شكلهم غريب ماعمري شفتهم من قبل على هالموتر شكلهم مثل هذول

اخوي Crazy LS1 Ride

اخوي انا مب مستهين في مكاين ال LS1 لكن مكينه ال SL55 AMG اقوى وبمراااحل

Supercharged V8 تولد قوة 476 حصان وتسارعها من 0-100 في 4,7

ابغيك تجرب سيارتك من 0-100 وتقولي

بس صدقني ماكان SL55 يمكن كان SL500 لأن الأخير قوي بعد ومكينته 306 احصنه اظن ....

تحياتي لك ,,,

اخوك شيطون

لو داس دوسه كاملة على البترول...ما كنت بتشوف سيارته في الشارع اللي انته فيه...يعني بصراحة شي لا يصدق










ـــــــــــــــــــــــــــــــــــــــ
أخوك البعير

السلام عليكم ورحمة الله وبركاته

واضح أن صاحب الـSL55 ما كان يستخرج القوة الكاملة لسيارته لأنه المفروض أنوار سيارته الخلفية تختفي عن أنظار سائق أي كمارو ستوك موجود في البلد.......


وعندكم King_ss ما كان جرب مع الـSL55 بسيارته الكابريس لو كان مستواى المرسيديس أقل من الكمارو ستوك;)


لكن في النهاية هي تحسب لك يا CRAZY_LS1_RIDE

A kill is a kill