يوم الاربعاء اللي راح كان عندي اختبار في مادة من المواد اللي مال امها داعي.
وجاه الاختبار من العيار الثقيل
بس الحمد لله ...الوالدة كانت شادة حيلها ..ودعت زي الناس
وبدعنا في الاختبار
بس للاسف ..
فيه سؤال من الأسئله انا واثق ومتأكد ان الدكتور ما شرحة ولا جاب سيرته
المهم ..
اليوم دخل الدكتور في المحاضرة ...وهو مستاء جدا..لان الدرجات سيئة
وقال ..
انا تبعت وشرحت بما يرضي الله ...
واتحدي لو فيه سؤال انا ما اتكلمت عنه في المحاضرة او لمحت عليه
قلت في نفسي : لا يا شيخ
والسؤال هذاك ايش تسميه؟؟..
المهم الدكتور تابع : وانا اتحدى واحد فيكم يقلي انت ما شرحت السؤال دا !..
وانا مستعد احذفه واعطيه درجته !..
انا :
وتابع الدكتور : اممممم يعني كلكم ساكتين !!...ما فيكم واحد عنده شجاعه
ويقول ....
انا : دكتور....السؤال رقم كذا ...انت ما شرحته ولا جبت سيرته اساسا !!..
الدكتور : أي سؤال !
المهم ...وطلعت الاختبار....وقريت له السؤال ...
طبعا انكر...وادعي انه شرحه مرارا وتكرار بس انا اللي نايم
قلت : لا معليش..انا واثق من كلامي لدرجة الغرور
قال : طيب تراهن
انا :
الدكتور : تراهن علي 100 ريال
قلت في نفسي : هذا دكتور ولا سباك؟؟...ايش تراهن هذه ؟...وين احنا ؟.
قلت : ما ورانا شي..اراهن
قال: بلاش 100 ريال ....خليها 100 علي انا ...و50 عليك انت
اوكيه ؟
قلت: اوكيه.
قال: يا شباب ..انا شرحت الجزئية هذه ولا لا ؟؟؟..
ماحد نهق..عفوا...ماحد نطق
زعق: شرحتها ولا لا ؟
الشباب : ايوه شرحتها
قلت في نفسي: اخص يا منافقين
عشان بس ما يخسفكم بالدرجات
شفت الوضع ما يساعد....وان موقف الدكتور اقوى رغ اني متأكد من كلامي
بس قلت ياواد انسحب ..ماله داعي يحطك في راسه
قلت: احم...يمكن انا غلطان...ومع ذلك انا حليها صح بالتخمين
عرض نسخة للطّباعة |
ارسل هذه الصفحة لصديق]
