خلاص ان شاء الله اشتري فورد كراون فكتوريا لكن اتمنى تعطوني رأيكم اي الألوان افضل ؟
انا اعجبني الكحلي ومن جوا بيج
وش رايكم .
وهل هو سريع الخدش او يبين فيه الخدوش ؟
يهمني هالشي يا اخوان .
تحياتي لكم .

اهلللللللين
خلاص اذا عاجبك الون اتوكل وخده .
وشكرآ

اشوف ان الاسود احلى وخصوصا اذا كانت السيارة من الداخل بيج
اما الكحلي فاحلى عليه الرمادي...

اما انا فانصحك بالابيض او الاسود...وبس

هلا اخوي ..

انا معي فكتوريا اسود وجوا بيج الصراحه حلوووو ..

موب عشانه معي بامدحه لك لكن هو الاحلى على الفكتوريا ..

لكن باقولك شغله ...

لازم كل يوم تمسحه وبالكثير كل يوم ورا يوم ..

يعني اذا ماكان يلمع من النظافه ولا ما ينفع ابد ابد ..

بالنسبه للخدوش ..

تبان عليه الصراحه لكن اذا دققت وكنت قريب لكن من بعيد ما تبين وبالليل لا من قريب ولا بعيد تبين ..

لكن الاسود يبغى عنايه شويتين ..

عموما انصحك بالاسود واتكل على الله .

ليش ماتاخذ النوع الرياضي ولون اسود اللي موجود بالصورة



وهذي صورة من داخل بلون بيج



واذا تبي تشوف الألوان ادخل على الصفحة هذي وغير بلألوان على كيفك

http://www.fordvehicles.com/Cars/cr...eatures/colors/


على فكرة خذه وانت مرناح لأنه موديل 2004 ما تغير

تحياتي

هلا اخوي انا اقول احلى الألوان هم الاسود (الملكي) &الفضي(سلفر)

مو طبيعي يصير عليه

واذا تبي تكمل الجمال خذ كراون فكتوريا(sbort)

حلووو جداً قير ارضي وجنوط مقاس 17


يالله بالتوفيق اخوك حمووود

الأسود حلو

لولا الأذواق لبارت السلع

بالنسبه لس الكحلي مو حلو

بالنسبه لي
1- أسود
2- فضي
3- بني

تحياتي

أسود ... أو عودي ... وفي كلا الحالتين يكون من داخل جلد بيج ...

طيب ليه ما تاخذ مريكوري لأنه افخم من الفرود

بصراحة شباب انا عن راعي الموضوع ابشكركم...((واذا سمح لي ابي شي ثاني بعد)))
ولاكن صدق انتم اكيد ماقريتوا الموضوع القديم لأنه فيه شاورنا على السيارة وخلاص حدد الفل اوبشن((يعني مرة وحدة ياخويsilver تقول ميركوري )))


اوكيه...انا اعتذر من الجميع ولكن ذا ....

انا اعجبني الكحلي ومن جوا بيج
-----------------------------------------------
لون رهيب

انا ادري انه قرر ياخذ فورد ... وانا كنت متابع للموضوع السابق لكن فورد كرون فكتوريا والميركوري قراند مركي (اومركيز) نفس الشكل اللهم يخلفون في الشبك والشوي في الاسطاب الخلفي لكن من داخل الميركوري افخم ... هذا طبعاً زي ما قلت إذا كنا يبي الفخامة.

اما اللون فزي ما قلت

أسود ... أو عودي ... وفي كلا الحالتين يكون من داخل جلد بيج ...

عموما انا من وجهة نظري ان الرجال يوم فكر بالفورد كان يبي الفورد وما كان يسأل عنها عشانه يبي الميركوري...
وأشوف انه في فرق بين الفورد والميركوري...واعتقد اعتقد ان الصرفية في الميركوري اعلى((انا قلت اعتقد))

عموما ما صار شي...ولكنك بكلامك فتحت مجال لباقي الشباب اللي ماادلوا بدلوهم انهم يعطونه اختيارهم بالنسبة للسيارة وياخوفي يجي واحد ويقول انا اقترح عليك....ايكو...يابانية وشكل مقبول وكماااااااان اقتصادية!!!

عموما انا اتنرفزت من ذي الحركة وانا مالي دخل بالموضوع لكن حقيقي حركة تنرفز ...

اخوي SL500 اشفيك على الرجال بلعته بقشوره شوي شوي عليه , الرجال ماقال شي غلط يخليك تحمق عليه الله يسامحك والله انه كسر في خاطري
وهوو مارح عن الفورد مكان الفكتوريا والماركيز نفس الشي اللهم تختلف بس الشبك والخلفيه بس ومن الداخل وجود الخشب على الابواب بس هذا الفرق يعني الرجال ماقال : والله يا اخوي لو تاخذ لك كورلا احسن

اتمنى عدم تجريح الآخرين في هذي المواضي ودمتم


اخوكم :خموووود

والله ماأدري انا كنت اتكلم هندي ولا شنو

وكل السطور إلي تحته كانت ايش


على العموم يكفيني رد الأخ فوردLX (إلي كسرت خاطره )
تحياتي

مبرووك اخوي رومانسي على السياره مقدما الله يعطيك خيرها ويكفيك شرها:p بالنسبة للون انا انصحك باللوووووووووون الفضي اوو الابيض:cool: واذا انت تهمك الخدووش خذ هالالوان ترى الخدووش ماتبين فيها وخاصة الابيض لامن قريب ولا من بعيد واقع تجربة والراي الاول والاخير لكككككك :cool:

السلام عليكم جميعا.....
أخوي...بالنسبه لنظام منع الانزلاق واللي قلت انه مو موجود في فئة السبورت فهذا الكلام ينطبق على موديل 2002 و اللي للاسف فاجئني لاني ما دريت فيه الا بعد ما شريت السيارة...

أما بالنسبه لموديل 2003 فأنه يأتي مع ABS.....

بالنسبه للون فلا تا خذ غير الــــــــــــــــــــــــفــــــــــضي و اسأل مجرب...عندنا في البيت 3 فوردات واحد اسود و واحد أخضر غامق(طلعولي الشيب في راسي) و واحد فضي وهو الوحيد اللي مريحني...

أتمنى اني أفدتك و بالتوفيق ان شاء الله.....;)

صحيح والله .. أنصحك تاخذ فضي لأنه أريح لون .. لا الغبره تبين عليه ولا الخدوش...

لوووووووووووووو خذيت فضي خذه من داخل أسود الصراحـة يطلع رهيب .. :cool:

مقاطعه

اذا مُصر
الله يبارك في الموتر
و يعطيك خيره