كنت كتبت أحداث لكني لما قرأت موضوع ميتشلز قررت ابتدي من حيث أنتهوا هم .... يعني من قصتهم ....
قصتهم
في المستشفى .....
دمعة لم تجف : آه يا رأسي ... شوشتي أحترقت ... كيف أغازل البنات في الأسواق الحين ..... كيف اتصرف بكراتين الشامبو اللي أشتريتها ..... لو أعرف أنهم بيحرقون شوشتي كان ما أشتريتها
سعابيل رطبة : ما عليك يا دمعة .... طيب طيب ان شاء الله .... بس الخطة اللي أنا راسمها ماشية تمام
دمعة لم تجف : أي خطة وأي كلام فاضي أقولك شعري أحترق أحترق ... وأقتحموا مقر الجريدة وغير كذا نزلوا عدد من جريدتي وحشوا فيني وحشو فيك وحشوا في سيومة
سعابيل رطبة : أيه تمام هذا اللي أنا مخطط له ، تذكر ما اجتمعت فيك بمكتبك ... بعدها أنت خرجت تجيب عشاء وأنا قاعد في المكتب ؟
دمعة لم تجف : أيه أذكر
سعابيل رطبة : وقتها قمت وصلت تمديدات تكييف الهواء باسطوانات غاز كيميائي قوي
دمعة لم تجف : لا يا سعابيل إلا القتل ...
سعابيل رطبة : لا ما فيها قتل هذا غاز كيميائي وظيفته ...
دمعة لم تجف : وفكنا من الكيماوي ... مو ناقصين مشاكل مع أمريكا بعد
سعابيل رطبة : يا ثور أنت ما تعرف تنطم وتسكت ( شوفو الميانه بين الأصدقاء )
دمعة لم تجف : 
سعابيل رطبة :هذا الغاز يسبب النوم لكل من يشمه 
دمعة لم تجف : يا بعد عمرررررررري يا سعبولة
سعابيل رطبة : إلا صحيح يا دمعة وش صار على نيكول ابو فقشة ؟؟
دمعة لم تجف : تفووو عليها .... فعلاً قليلة خاتمة .. هربت وتركتني
سعابيل رطبة : الله يعوضك بسكرتيرة أحسن منها
دمعة لم تجف : أبشرك لقيت سكرتيرة مسكته ورهيبة ... ويمكنك سمعت بها .... سيومة اللي معنا بالقسم
سعابيل رطبة : أيش معنى سيومة بالذات
دمعة لم تجف : أولاً لانها واقفة معي من البداية وثانياً تحقيق لمبدأ السعودة في الوظائف 
ويقطع حديث الاثنين دخول الممرضة الفلبينية ...
الممرضة الفلبينية : صديق يالله شيل ثوب فيه أبرة
دمعة لم تجف : وين !!!
الممرضة الفلبينية : تحت صديق
دمعة لم تجف : لو سمحت سعابيل تلف وجهك للجهة الثانية
سعابيل رطبة : طيب
الممرضة الفلبينية : ون .... تو ..... ثري
دمعة لم تجف ( وهو مغمض عينيه) : آح
الممرضة الفلبينية : صديق أنتا ... أنتا يغمض عين أنتا هو يرجع راسه هوا ... هوا يشوف أنتا
سعابيل رطبة : وش تقول أم عيون ممغطة ذي ؟؟
دمعة لم تجف : تقول خلك عاقل يا سعابيل 
سعابيل رطبة : هاهاهاهاها
وفي مقر جريدة القوة الضاربة المحتل ... كانت هناك تظاهره من الأعضاء على العدوان الثلاثي الغاشم .... وكان يقف TWINCAM ليمنعهم من الدخول إلى المقر ...
TWINCAM : وش تبغون أنتم روحوا لبيوتكم
الأعضاء المتظاهرين : عايزين دمعة عايزين دمعة
TWINCAM : أنا نفسي أعرف وش معجبكم فيه
عضوة متظاهرة : أحبه ...... رجعوا لنا دمعة ( أتمنى أعرف من هي
)
TWINCAM : حبتك القرادة ما لقيتي غير هالمخنز
الأعضاء المتظاهرين : واحد ... أثنين ... دمعة وديتوه فين ؟
TWINCAM : أقول طسو أحسن لكم
ثم يقوم المتظاهرين برمي قوارير المياة وعلب المرطبات الفارغة على TWINCAM فيهرب إلى داخل المبنى ويغلق البوابة الرئيسية .
Matchless : وش اللي خلاك تترك البوابة ... ما قلت لك تحرسها
TWINCAM : يا زعيم هذولا المتظاهرين بدأوا يرموني بالقواطي والعلب الفاضية
Matchless : يرمونك ..... أممممم غريبة
TWINCAM : أيش الغريب !!! ؟؟؟
Matchless : لسه باقي على الحج تسعة أشهر
TWINCAM : هاه ... وش تقصد ؟
Matchless : ولا شيء ... خلاص رح سوي لي شاهي
TWINCAM : لا فكنا من الشاهي أخاف يكون الشاهي الموجود بالمطبخ من نفس نوعية الشاهي اللي شربناه أول مرة
Matchless : أها صح .... طيب وين نواف ؟؟
TWINCAM : قاعد يشقق الجرايد القديمة ... ويفتش في الأدراج ويشخمط بالجدران
Matchless : نووووووووووووواف ..... نوووووووواف
ويأتي نواف مسرعاً وعلامات الخوف بادية على وجهه ...
نواف : خير ......... لا يكون دمعة لم تجف رجع
Matchless : أنت المفروض نسميك خواف مو نواف ... يا أخي حنا ثلاثة ... ودمعة واحد وش فيك خايف لهذه الدرجة
نواف : أصلي طال عمرك حلمت حلم مخيف ... حلمت أني في مدرسة مديرها دمعة لم تجف .... وقاعد يضربني قدام طلاب الفصل اللي كانوا أعضاء المنتدى .... حتى أنه أخذ سندوشتتي مني
Matchless : يا رجال وسع صدرك ... حلم وكابوس لا تفكر كثير بدمعة
نواف : ان شاء الله أحاول
عودة إلى المستشفى .....
دكتور سميح المستحمي : ما شاء الله تبارك الله تقاريرك تؤكد أن تعافيت ويمكن تطلع النهارده .
دمعة لم تجف : الله يبشرك بالخير دكتور
سعابيل رطبة : طيب يا دكتور صلعته هذي بينبت الشعر فيها مره ثانية ؟؟
دكتور سميح المستحمي : ايوه ... دحنا عملنا له زراعة بصيلات شعر جديدة .
سعابيل رطبة : أنبسط يا عم شعر جديد
دكتور سميح المستحمي (مخاطباً سعايبل ) : ممكن أسأل حظرتك سؤال ؟؟
سعابيل رطبة : تفضل دكتور
دكتور سميح المستحمي : أنت فيه ماصورة ضاربة في بؤك ؟؟
سعابيل رطبة : :eek:
دمعة لم تجف : هاهاهاها ... الله يرجك يا دكتور .. لا هذي وراثة في عائلتهم
سعابيل رطبة : أقول دمعة خلنا نطلع من المستشفى بكرامتنا
دمعة لم تجف : يالله نمشي
ويبدأ الاثنان بالخروج من المستشفى .... قبل خروجهما ....
دكتور سميح المستحمي : آآآآآآآآآآآآآآآآآآه .... نفوخي أتبشبش .... آآآآآآآآآآآه
الممرضة الفلبينية : ايش فيه دكتور ؟
دكتور سميح المستحمي : آآآآآآآآآآآآآآآآآآه .... باين أني تزحقت بقشرة موز أو حاجة كدا وكدا .... آآآآآآآآآآآه
تنحني الممرضة الفلبينية لتنظر إلى أرضية الممر .... لتجد فيها ........ سعابيل رطبة
عودة إلى مقر الجريدة ................
Matchless : أف ..... وش ذا الحر
نواف : فعلا حر شديد خلونا نشغل التكييف
TWINCAM : أنا ما أطول المفتاح شغله أنت
نواف : طيب
ويشغل نواف التكييف ويبدأ الغاز المنوم بالانتشار في ارجاء المكتب
Matchless (صارخاً ) : خدعة ... كمين .... طفووو المكيف .... المكــ ...... أخخخخخخخخخخخخخ ( يشاخر )
TWINCAM : لااااااااااااا مستحيـــــــــ ..... أخخخخخخخخ ( كمان يشاخر )
نواف : يا ساترررررررررررررررررر .... وش بيكو..... ( هذا نام وما شخر بس نام وهو حاط ابهامه بفمه )
وبعد نصف ساعة وأمام مقر الجريدة ......
دمعة لم تجف : وصلنا أخيراً
سعابيل رطبة : دمعة لمين هالوانيت الواقف عند المدخل ؟؟
دمعة لم تجف : هذا لنواف
سعابيل رطبة : الحين أوريك وش أسوي فيه
ويقوم سعابيل رطبة ببنشرت الكفرات الخمسة بما فيهم الإيطار الاحتياطي .
دمعة لم تجف : خلنا نفتح درج السيارة ونشوف وش فيه
سعابيل رطبة : دمعة مو هذي صورة سكرتيرتك السابقة نيكول
دمعة لم تجف : ايوه هي بعينها ... أها شكل نواف يحبها بس كان كاتم بقلبه
سعابيل رطبة : شوف كمان فيه كم حبة بامبرز مقاس كبير
دمعة لم تجف : أكيد هو ذكي وعامل احتياط لنفسه في حاله لو شرب الشاهي مرة ثانية
سعابيل رطبة : يالله خلينا ندخل المكتب أنا سامع صوت المكيف شغال يعني نجحت خطتي
دمعة لم تجف : يالله ... بس أخاف ننام حنا كمان
سعابيل رطبة : أنا عامل حسابي ألبس هالكمامة وأنا بلبس كمامة وندخل
ويلبسان الكمامات ويدخلون مقر الجريدة ثم المكتب .... ويجدون الثلاثة نامين .... فجأة يفتح احدهم عينه بثقل ...
Matchless (بصوت خافت ) : من هذولا .... كائنات فضائية ( التبس عليه الأمر بسبب الكمامات )
سعابيل رطبة : أسمع وش يقول هذا ... خلني أسعبل على وجهه
دمعة لم تجف : هذا رئيسهم الحين ... لا تسوي له شيء بس كتفهم على الكراسي
ويقوم سعابيل رطبة بوضعهم على الكراسي الخشبية ويربط إيديهم خلف الكراسي
سعابيل رطبة : خلصت ... يالله أعطيهم كفوف ؟؟
دمعة لم تجف : لا
سعابيل رطبة : عندي علبه بها حشرات أصبها فوق رؤسهم ؟
دمعة لم تجف : لا
سعابيل رطبة : أجيب عود وأدخله بخشومهم ؟؟
دمعة لم تجف : لا
سعابيل رطبة : يلعن شيطانك ... أجيب سكينة وأذبحهم 
دمعة لم تجف : لا
سعابيل رطبة : أجل وش نسوي بهم
دمعة لم تجف :ما نسوي بهم شيء
سعابيل رطبة : ليش ... مو هم احرقوا شعرك واحتلوا جريدتك ليش ما نسوي بهم شيء وننتقم منهم ؟
دمعة لم تجف : يا سعابيل أنا مليت الحروب والمعارك ... خضت كثير من المعارك ما أستفدت منها شيء .... والشيء اللي استفدت منه هو حب الأعضاء
وتنسدل الستارة ...................
.
.
.
.
.
.
.
.
.
.
ثم تفتح الستارة
ليظهر فيها جميع الأبطال يمسكون بأيدي بعضهم ويحيون القراء
ميتشلز - دمعة لم تجف - تونيكام - سعابيل رطبة - نواف ابو أحمد - نيكول ابي فقشة - دكتور سميح المستحمى - الممرضة الفلبينية - بنجاب خورشيد ( تراه ما مات بس تمثيل ) - حجاب - ميشيل
جميعهم يحيون القراء ويلوحون .
ثم تظهر عبارة إخراج
قسم الطرائف و الكاركاتير
يالله عاد ابغى تصفيق حاد لنا كلنا
النهاية
عرض نسخة للطّباعة |
ارسل هذه الصفحة لصديق]
