السلام عليكم


أمس أنا رحت لوكيل هوندا في الدمام لأني أريد أغير زيت القير لسيارتي.

بعد ما نزل القير الزيت الموجود في القير أنا سألت الفني "أيش نوع الزيت المخصص للقير؟" ، رد علي "كاسترول".......

بعدبن العامل دخل إلى المستودع وأحضر 4 علب زيت (محرك) كاسترول GTX بمعيار 10-W30 !!

أنا قلت له ، "هذا زيت محرك مش زيت قير!!" ، رد علي "نعم هذا زيت محرك لكن المصنع يوصي بأستخدامه وخصوصاً بهذي اللزوجة!!".

أنا ما أقنتعت رحت للمهندس تبعهم قال لي نفس هذا الكلام وقال أن الزيت المستخدم في محلات غيار الزيت ما يصلح لسيارات الهوندا لأنه ثقيل

أنا رضخت للأمر الواقع وخليته يحط هذا الزيت مع أني غير مقتنع إلى الأن من هذي السالفة.......

ما أدري أنتوا أيش رايكم من هذا الكلام؟؟

في وكيل غير (الطيب أبن الطيب) يستخدم زيت المحرك للقير العادي؟؟

و الله يا أخوي انا أول مره اسمع الاكلام هذا

اللي أعرفه انه فيه زيت مخصص لناقل الحركه و هو مو خاص بسياره عن الثانيه


أما حكاية انه يحط زيت مكينه في الجير هذي و الله أول مر أسمع بها .



تحياتي

لا عادي
اصلا افضل للقير العادي
الا اذا كنت بتمشي بالراحه و بدون


الزيت المخصص للقيور العادي ( نفسه للدفارنش ) ثقيل مره
و غليييييييييييض يعني لزوجته ما تنفع على السرعات العاليه
لانه ما يزيت القير بشكل كامل و يظل معظمه في حوض الزيت
فإما يخلطوا معه زيت مكينه لانه افضل و اخف و يتحمل حراره
او ييعبي القير بزيت مكينه على طول بدون مايستخدم زيت القيور العادي

و للمعلوميه بعض القيور العادي تتطلب زيت قير اوتو
مثل الكومارو اللي عندنا 96 قير عادي t-56
مكتوب مكان الزيت ATF only ) automatic transimssion fluid )

و في عندنا كابرس 88 عليه قير عادي
من الدعس
طب القير لان الزيت ابد ما يوصل لاعلى القير ولا يزيته بالشكل المطلوب


اتمنى اكون افدتكم

لكن يا أخوي زيت المحرك ما تدوم لزوجته لفتره طويله

أما زيت القير و الدفرنس فيقعد سنين ما تغير و لا يضره



تحياتي

ايه كلامك صحيح اخوي 560SEL
لذلك افضل شي انك تغيره على فترات قصيره
او تخلط زيت القير العادي مع زيت المكينه

و حتى لو احتجت تغيره من فتره لفتره
افضل من انك تستخدم الزيت العادي
و يتعب القير بعدين

عادي بس بدلة على فترات متقاربة ...

شكراً يا أخوان على المشاركة وإبدأ الرأي وخصوصاً الأخ الأرهابي.

عفوا

زين أخوي الأرهابي


سبب تغييري لزيت القير هو أنه الغيار الثالث عندي دائماً يطلع صوت Grind "صوت أحتكاك التروس" لما أعمل Power Shifting وخصوصاً عند RPM فوق 7000 ، بينما لما أسوق بطريقة عادية ما يطلع عندي أي صوت ، هل لما أخلط الزيت مع زيت القير الأخضر (أعتقد أسمه ML90 أو شيء زي كذا) بروح صوت الـGrinding هذا؟؟

المشكلة أنا ما جربت أدعس بالسيارة بعد ما غيرت الزيت علشان أعرف أن القير أوكي أو لسه فيه الصوت.......

انا عندي نفس المشكله .. وبعد فتر صار القير ما يعشق ثالث .. سألت
وتحد من الخبراء قالي دبل البوشنقات ( الهلال ) ولكني لما دورت عن
هلال لسيارتي ما لقيت ...

ههههه
ترى الوكيل حق هوندا في السعودية اتوقع منه اي شيء ... سواء صح كان او غلط
اذا اقمشة فرامل غيروها هبالة وبدون سبب وباقي فيها أقل من النصف !!
لا والمصيبة غيرها الوكيل قدام وورا بـ 500 ريال !!! في صيانة 40.000 !!

قمة النصب والإحتيال

عندي سؤال أخوي NFS

هل سبق و ان غيرت الكلتش ؟؟؟؟؟

انا عندي كامري GLi كانت ماشيه من أحسن ما يكون و لما غيرت الكلتش (اسطوانه+صحن+رمانه) صارت فيها نفس المشكله و بالتحديد لما أعشق الثالث


أنا أرى ان الوكاله لما حطوا زيت المحرك في القير راعوا انفسهم قبل ما يراعون المستهلك ... لأن مثل ما قالوا الاخوان انك لابد تغير الزيت في فترات قصيره



تحياتي

جرب اول
و انشاء الله تزبط

بس بصراحه ما عندي فكره في القيور العادي
و بالتوفيق

اخوي الارهابي هل تنصح اني اخلط علبه زيت مكينه مع الزيت اللي بالقير الحين ؟؟؟ للعلم ابي اصلحها بسيارتي الاولى الـ94 STS

سلام

اخي المحترم


في زيوت خاصة تنفع للمحرك والجير مثل موبيل1 كثافة 10 الى 30 ويوجد بة مادة(سنتاتيك) تمنع الاحتكاك وعالي اللزوجة ولايتاثر بمواد التحلل مثل البنزين بسرعة ويتحمل درجات حرارة عالية جدا

واغلب الزيوت المتوفرة عن طريق بترومين مثل شل وموبيل العادي وغيرة كثير لايوجد بها هذة المادة

اغلب السيارات المشاركة في راليات والفورملا تستعمل الزيوت الداخل في تركيبها (السنتاتيك) في المحرك والجير والدفرنس

توجد فئه من بي ام دبليو واعتقد انها M5 مطلوب استخدام كاسترول نوعية خاصة منه العلبة عند الوكيل 31 ريال للتر الواحد وعند الموزع 45 ريال وبعضهم بعد المكاسر 37 ريال ولاتجدة إلا عند القلة من مغيري الزيوت

والله اعلم
اخوكم

السلام عليكم

شكراً لجميع الأخوان الذين شاركوا في الموضوع...

أخوي STS4ever

الحركة هذي ما تنفع إلى مع القير العادي وسيارتك قير أوتو لذلك لا تستخدم إلا الزيت المخصص للقير الأوتو.....


أخوي Hait

شكراً على مداخلتك وأنا قرأت ردك في الموضوع بعنوان (انواع الزيـــــــــــــــــــــــــــــــــــــوت) وأنا أتفق مع معظم ما قلته لكن لدي مداخلة بسيطة:

الزيوت الصناعية أو الـsynthetic oil ممتازة جداً للمحركات وأنا أستخدم الموبيل ون في سيارتي لكن هذا النوع من الزيوت لايصلح للقير بسبب أنه لزج زيادة عن اللزوم على القير لأن القير يحتاج لنوع من الإحتكاك علشان يعشق ...


هذا ما أعرفه وأنا أرحب بأي تصحيح.

اخي لااملك رد شافي لك
ولكن في تجربتي الخاصة مع الزيوت الخاصة ان هناك جيرات الحديثة تطلب هذة الزيوت وعند استعمال الزيوت العادية تخسر الجير بعد فترة من الاستخدام

اذكر كان عندي دسكفري خبط الجير ( ظهر بة اصوات ولايعشق بسهولة ) وذهبت لاشتري جير وجدتة في عند السيف بحدود 12000ريال وذهبت للامارات وجدتة بحدود 9700 ريال ولا اتذكر الاسعار بسهولة لانها كانت من زمن طويل وبعد البحث وجدت الجير العادي في بريطانيا بحدود 3500 ريال والشحن 1500 وموديل 2000 والله اعلم وكانت معاه ورقة تفيد باستخدام زيت خاص وعند الوكيل رايت الزيت كأنة زين جير اتوماتك احمر اللون ولم اشترية وشريت زيت من الجميح وبعد الاستخدام كم شهر ظهر صوت في الجير وتذكرة انهم طلبو زيت خاص وبسرعة نزلن الزيت وشريت زيت كاسترول الخاص وبعد التجربة ذهبت الاصوات ورجع الجير سليم طبعا ليس 100/100

حتى الجيرات الاوتومتك الجديدة الالكترونية لايستعملون الزيوت القديمة انما هناك زيوت خاصة والعلبة عند الوكالة 30 ريال وانصحك اذا كانت سيارتك حديثة وتريد تغيير الزيت اشتري زيت من الوكالة

NFS

بالنسبة لصوت الـ Grind في الثالث ... ( أول مره اسمع التعبير هذا )
أعتقد المشكله سببها والله أعلم .. ( هذ اذا ما راح الصوت بعد تغيير الزيت )
أعتقد انها مشكلة - نحاسات - والنحاسة هذي ( ما أعرف اسمها العلمي ) هي عبارة عن حلقة نحاسية مسننه .. هي اللي تخلي الترس يشبك بدون صوت .. بس اذا خربت يبدأ يطلع صوت الاحتكاك ..

المشكلة هذي مرت علي مع كريسدا 88 قير عايدي .. على ما اذكر ان الشغلة كلفتني 200 أو 250 ريال مع القطع ..

على العموم أخوي ان شاء الله صوت يروح بعد تغيير الزيت






على فكره ،،
السبب اللي خلاني أفك القير وأغير النحاسات هو الـ Power Shifting






تحياتي ،،

وللمعلومية ..

القير العايدي يستهلك الزيت أقل من المحرك .. بسبب انه مافي حرارة عالية


لذلك ( أتوقع ) انه ممكن استخدلم زيت المحرك للقير العايدي .. بل ويمكن يكون أفضل للقير

أهلين أبو عبدالله

مشكور على الإفادة والقطعة إللي ذكرتها تسمى Synchronizer أو synchromesh إذا ما كنت غلطان.....


وشكله ما في إلا إني أتحمل الوضع لأنه ما في قطع للقير إللي عندي.

لا تتهور اخوي
لو تسوي كدا
اولا بيخبط القير و يمكن بعدين يروح عليك
خلك على الزيت حق الاوتو ;)