حصري في سوالف : تغطية معرض تورنتو 2003 للسيارات الدولي
نعم ... حصري وفي سوالف فقط تغطية لمعرض تورنتو الدولي للسيارات لعام 2003 الذي اقيم في الفترة من 14 - 24 فبراير الحالي
http://www.autoshow.ca
وهذا اهداء متواضع الى المشرف زورو الامارات بمناسبة الاشراف ... ولو انها متأخرة شوي بس يالله هذا موعد المعرض
عموما قمت بزيارة للمعرض بحكم اقامتي هنا في تورنتو ...
بالمناسبة هنا في تورنتو عندنا جمعة ممتازة من الخليجيين ... العدد يفوق المائة .. الله يحفظنا اكثرنا لمواصلة الدراسة في الطب
وحقيقة المعرض كان على اعلى مستوى وهو احد المعارض العالمية اللي تخلي السيارة العادية المألوفة للعين .... متعة
المعرض كان ضخم جدا ... جدا ... جدا واقيم على ثلاثة قاعات كل قاعة تقريبا توازي مساحة برجمان في دبي او معارض الظهران في الشرقية ... تصور المساحة .. والترتيب والتسهيلات والمخارج والمداخل في غاية الروعة ... والارشادات وانواع الوكالات ومواقعها وطريق السير... قمة في التنظيم , واحد من هذه المعراض عبارة عن استاد رياضي مغطى اسمه السكاي دووم , شوف واتفرج على التحفة
http://www.skydome.com/
وطريقة التغطية : اني اهتميت بالسيارات اللي نادرا ما تنزل في الاسواق
او ما تنزل في الاسواق الخليجية او السيارات الجديدة والغريبة
وحقيقة كان احد الممرات اللي توصل من معرض الى ثاني ( حتى الممرات مستغلينها ) كانوا مسوين معرض وتصفيف للسيارات المعدلة , كل واحد عنده سيارة معلدة يجيبها ونعرضها له في المعرض : فتشوف كل واحد معدل سيارته ومعلدها ومضبطها حتى ممكن تحصل لها مكان في مثل هالمعرض العالمي .
وان شاء الله نبدأ الايام الجاية بتغطية بعض مظاهر ومعالم المعرض الاول واللي اقيم في القاعة الشمالية من المترو كونفينشنال سنتر / تورنتو
وهذا كروكي لتوزيع الماركات العارضة في هذا القسم
طبعا تلاحظون انه من اهم الماركات الموجودة هنا هي اللي على طرف اليمين
اللمبورغيني والفيراري
وما تصدقون ان هذا المكان هو ازحم ماكن في المعرض كله , زحمة شديدة جدا عشان احصل على كم صورة اخذ مني تقريبا نصف ساعة والسيارات المعروضة من اللمبورغيني هي موديل واحد من لونين احمر وازرق
عموما ان شاء الله خلال الايام الجاية انزل الجزء الاول ( لان الوقت عندي ضيق جدا )
سؤال : يا شباب نسيت شلون انزل صورة من كمبيوتري الموقع
انا اذكر انه لازم انزلها على النت اول ... والله نسيت هذاك الموقع اللي يعمل للصور مواقع
افيدونا الله يجزاكم بالخير
وترقبوا التغطية قريبا
سلام
عرض نسخة للطّباعة |
ارسل هذه الصفحة لصديق]
!