تخيلوا أنفسكم بهذه المواقف كيف تتصرفون ؟؟


اشتريت ايس كريم وحطيته بالفريزر ... لما رجعت بعد ساعة لقيت بس القراطيس والايس كريم فيه أحد أكله ؟

كنت تتابع برنامج بالتلفزيون وفجأة جاكم ضيف أو ضيفة وطلب منك الوالد أو الوالده تصب قهوة وتضيفه ؟وش شعورك وكيف تتصرف ؟

مره كان عندك شيء تحبه وهو لك ، قام أخوك الصغير المدلل قعد يصيح عن أبوك وأمك وقال أبغاه . وهم قالوا لك عطه ؟ تعطيه أو لا ؟ وايش هو شعورك ؟

مره كنت رايح تصلي بالمسجد الظهر ولما طلعت حصلت نعالك مسروقة وبيتك بعيد شوي . وش تسوي ؟؟

مره كنت واقف تصلي بالمسجد وبجنبك بزر صغير يمسح خشمه بطرف ثوبك . وش تسوي ؟؟


يالله ورونا همتكم بالإجابات ... ويا ليت مستقبلاً أي واحد من الأخوان أو الأخوات يطرح موضوع مشابهة بمواقف أخرى وحنا نخترع إجابات .

1- ادي كل العيله دوا مسهل علشان اشوف مين الي اكله ويرجعلي الفلوس

2-شعوري يكون شعور اي مواطنه سعوديه جاهم ضيوف وابوها قلها تضيفيهم

3-اعطيه وبعد مايروحو ابوي وامي اعذبه شوي بعلاقة الملابس

4-دا الموقف حصلي فمكه وكنت لابسه شراب ،،فلما رجعت البيت حرقته لانه اتحول من الابيض لاسود ورمادي كروهات وبلاوي زرقا

5- اشيله من شعره واقول مين امه،،واذا جات اهزئها على خفيف واخد منها فلوس المغسله



myتحيات

أحاول إني أخمن الي سرقه صح وأطلع كل الآيس كريم الي كلاه من بطنه

والله أقوم وبكل همتي وأصب القهوة لأن طاعة الوالدين واجبه وبس يكون مالي خلق أصلا

مومشكلة أعطيه أخوي الصغير ولكن بعدما تخرج امي ويخرج ابي اضربه ضرب لن ينساه وآخذ شغلتي

ما أقدر أسوي شي يمكن أزف بس F_Ashoor ومعنى ماله شغل بس جذي

أدز الولد عني بهدوء وبعد ما أخلص الصلاة أطالعه بنظره تخرع علشان ما يعيدها


واسمحولي على الاجابات

سلام يا قميل

اشتريت ايس كريم وحطيته بالفريزر ... لما رجعت بعد ساعة لقيت بس القراطيس والايس كريم فيه أحد أكله ؟
اروح اشتري واحد ثاني>> متعود على الحركات هذي.! بس عندنا ياكلون القرطاس معه


كنت تتابع برنامج بالتلفزيون وفجأة جاكم ضيف أو ضيفة وطلب منك الوالد أو الوالده تصب قهوة وتضيفه ؟وش شعورك وكيف تتصرف ؟
واحد من اثنين.. يا اجحد ابوي والضيوف,, يا اني اسجل البرنامج

مره كان عندك شيء تحبه وهو لك ، قام أخوك الصغير المدلل قعد يصيح عن أبوك وأمك وقال أبغاه . وهم قالوا لك عطه ؟ تعطيه أو لا ؟ وايش هو شعورك ؟
هذي بالذات تصير دايم.. والصراحه ما علي من احد, دام الشي لي والله لو يفحط ستين ساعه ما اعطيه إياه


مره كنت رايح تصلي بالمسجد الظهر ولما طلعت حصلت نعالك مسروقة وبيتك بعيد شوي . وش تسوي ؟؟
اتكي بالمسجد لين صلاة العصر واول ما يسلم الإمام اقرب نعله وعلى البيت دغري

مره كنت واقف تصلي بالمسجد وبجنبك بزر صغير يمسح خشمه بطرف ثوبك . وش تسوي ؟؟
وناسه
..

هذا ما لدينا والله اعلم

1\ والله في بيتنا محد يقدر يلمس اغراضي مو يأخذها وياكلها كمان يعني موريتهم العين الحمراء

2\ عادي اضيفهم و ارجع اكمل

3\ اول شي اعطيه نظره قويه من غير ما ينتبهوا الوالدين , واذا مافهم واصر باعطيه بس بعدها بأعطيه علقتين عشان يعرف ان الله حق


4 \ ادعي على اللىسرقه واخذ جزمت اي احد معايا بس المهم انا ما امشي حافيه

5\ والله وقتها لا شعورياً بيلقى كف طاير على وجهه

وبس (طلعت شريره صح )

سلااااااااااام أبودمعه ===== شخبار الكابريس:rolleyes: ;)

أممممممممممممم

1- و الله العظيم لو يستويلي هالموقف جان ما أخلي أحد في البيت الا شلخته هذا اللي ناقص بعد يسرقون الاسكريم حقي

2- عادي يعني يتنفخ وجهي و أنقهر وأقوم و أصب القهوه

3- طبعن ما أعطيه أياه شو السالفه لعبه لا و ألف لا

4- =========== << حق الشباب حنا نصلي بالبيت :cool:


5- جان أقرصه قرصه أخليه يتعفرت من الالم

1- من قال اني احط الأسكريم في الثلاجة
اول مااشتريه ابلعه كله...واحيانا قبل مااشتريه


2-اخذ الدله وافتحها للاخر وأفضيها في فم الضيف واكمل البرنامج


3- في المشمش


4-بنتظر مع ابو الفياصل


5- وحده على قفاه تلزقه في الإمام



------
دمعة لم تجف
دورك

شكرا على التفاعل وهذه اجاباتي

اشتريت ايس كريم وحطيته بالفريزر ... لما رجعت بعد ساعة لقيت بس القراطيس والايس كريم فيه أحد أكله ؟
احط ايس كريم ثاني بس أخلط معاه سم فئران

كنت تتابع برنامج بالتلفزيون وفجأة جاكم ضيف أو ضيفة وطلب منك الوالد أو الوالده تصب قهوة وتضيفه ؟وش شعورك وكيف تتصرف ؟
أتصل على محطة التلفزيون واطلب منهم وقف البث ( تعرفوني علاقاتي قوية )

مره كان عندك شيء تحبه وهو لك ، قام أخوك الصغير المدلل قعد يصيح عن أبوك وأمك وقال أبغاه . وهم قالوا لك عطه ؟ تعطيه أو لا ؟ وايش هو شعورك ؟
أعطيه الشيء مؤقتاً بس لما يغيب القط ألعب يا فار يا ويله مني

مره كنت رايح تصلي بالمسجد الظهر ولما طلعت حصلت نعالك مسروقة وبيتك بعيد شوي . وش تسوي ؟؟
البس أقرب نعلة وأنتم بكرامه

مره كنت واقف تصلي بالمسجد وبجنبك بزر صغير يمسح خشمه بطرف ثوبك . وش تسوي ؟؟
يمدحدون شيء أسمه كوع

دمعه لم تجف,,

نفس الخبث اللي فيني موجود لديكم

افتح ملف تحقيق لكل واحد ..خصوصا اذا كان من النوع الراهي
2-اقعد اشتم فيه لين اشوفه ..بس اخلص وافارق وجهه اكمل شتم
3---- اعطيه لاكن مع الرقابة المشددة
4--- اوووووووه كان اليوم الثاني مااجي الا بنعال من التشليح
5-- اذا وجهه بريء وكانت عيونه خضرررررر باشفق عليه اما اذا كان زي وجهه سواقنا بقطعه

كلها عادي ما اسوي شي
لاني كنت اسويها

اشتريت ايس كريم وحطيته بالفريزر ... لما رجعت بعد ساعة لقيت بس القراطيس والايس كريم فيه أحد أكله ؟
الله لا يعوق بشرّ .... وش اسوي ... بأكله

كنت تتابع برنامج بالتلفزيون وفجأة جاكم ضيف أو ضيفة وطلب منك الوالد أو الوالده تصب قهوة وتضيفه ؟وش شعورك وكيف تتصرف ؟
قهر !! ........ بس مالي حيله

مره كان عندك شيء تحبه وهو لك ، قام أخوك الصغير المدلل قعد يصيح عن أبوك وأمك وقال أبغاه . وهم قالوا لك عطه ؟ تعطيه أو لا ؟ وايش هو شعورك ؟
هذي انا خبير فيها !......... والله ما اعطيه اياها لو يذّن:rolleyes:

مره كنت رايح تصلي بالمسجد الظهر ولما طلعت حصلت نعالك مسروقة وبيتك بعيد شوي . وش تسوي ؟؟
صارت لي كم مره .... اخذ لى اقرب نعال !!

مره كنت واقف تصلي بالمسجد وبجنبك بزر صغير يمسح خشمه بطرف ثوبك . وش تسوي ؟؟
بعد هذي صارت لي !!..... بس اللي جنبي رجع وانتم بكرامه !! ]

ياسلااااااااااااااااام...وش كان شعورك

طلعتوا كلكم بلاوى مسيحة فى الارهاب والاجرام

المفروض كلكم كلكم تنحطون على البلاك لست

اشتريت ايس كريم وحطيته بالفريزر ... لما رجعت بعد ساعة لقيت بس القراطيس والايس كريم فيه أحد أكله ؟

· بقول من هو اللي أكل آيس كريمي جعله مايعرس , ويمكن أعلم أمي , وإذا استدعى الأمر أعلم أبوي إذا كان آيس كريم باسكن روبنز بنكهة التوفي ويجيبون لي غيره .

كنت تتابع برنامج بالتلفزيون وفجأة جاكم ضيف أو ضيفة وطلب منك الوالد أو الوالده تصب قهوة وتضيفه ؟وش شعورك وكيف تتصرف ؟

· أنواع القهر , وأحاول أخلي أحد يسجله لي إذا كان مهم , أما لو كان فيه رجال , وقال لي أبوي تعالي صبي القهوة أنواع الوناسة !!

مره كنت رايح تصلي بالمسجد الظهر ولما طلعت حصلت نعالك مسروقة وبيتك بعيد شوي . وش تسوي ؟؟

· عادي أقول يا الله سرقوا نعالي حسبي الله على شيطانهم , قليلين أدب , وأظطر أروح البيت حافية .

مره كنت واقف تصلي بالمسجد وبجنبك بزر صغير يمسح خشمه بطرف ثوبك . وش تسوي ؟؟
* لما أخلص أصلي ألتفت عليه وأقول له : حبيبي عيب تسوي كذا , ما معك مناديل , بعدين تتجمع الجراثيم عليك ويقولون عنك الناس أنك وسخ , لازم تصير نظيف , وبعدين آخذه وأنظفه , وأروشه , وألبسه ملابس نظيفة , وأربيه , لين يكبر ويصير دكتور جراح , أكتشفت بعدين أنه أبوي . بايخة صح :rolleyes:

سلام

1-إيزي اتـقبل الموضوع بكل روح رياضية ،،،، بس اذا الحركة صارت مرة

ثانية افتح تحقيق بالموضوع ......

2- ياكثر ماتصير ،،،، يااسجل البرنامج ،،، أو الشكوى لله ...:(

3-الحمدلله ماعندي اخو صغير انا اخر العنقود بس تصير مع اولاد

اخواني ،،، تلقاني ابتسم ابتسامة صفراء واقول لهم خذوه فداكم بس

بعدين يدوروني اجيب لهم اللي يبونه .......

4- يا كثر ماتصير ،،، وصرت اخذ النعال اللي حالتها حالة ،،، واذا انسرقت

ارجع حافي .....

5- الشكوى لله ،،،،

اشتريت ايس كريم وحطيته بالفريزر ... لما رجعت بعد ساعة لقيت بس القراطيس والايس كريم فيه أحد أكله ؟

بفتح تحقيق في الموضوع .. وبس اعرف الجاني بخليه يشتري غيرهم

كنت تتابع برنامج بالتلفزيون وفجأة جاكم ضيف أو ضيفة وطلب منك الوالد أو الوالده تصب قهوة وتضيفه ؟وش شعورك وكيف تتصرف ؟

اصب القهوة وبعدين ارجع اتابع البرنامج


مره كان عندك شيء تحبه وهو لك ، قام أخوك الصغير المدلل قعد يصيح عن أبوك وأمك وقال أبغاه . وهم قالوا لك عطه ؟ تعطيه أو لا ؟ وايش هو شعورك ؟

بعطيه ... بس بعدين بالطرق الدبلوماسية برجعه

مره كنت رايح تصلي بالمسجد الظهر ولما طلعت حصلت نعالك مسروقة وبيتك بعيد شوي . وش تسوي ؟؟

هذي صارت معي ... ظليت في المسجد ... الكل طلع .. وما حصلت نعال ... خليت أخوي يروح البيت و جاب نعال تاني

مره كنت واقف تصلي بالمسجد وبجنبك بزر صغير يمسح خشمه بطرف ثوبك . وش تسوي ؟؟

موقف صعب ... احاول أبعد بقدر الامكان ... بس