سلام ياشباب سوالف ................

ماهي برايكم السيارة التي غيرت تاريخ دولنا واصبحت جزء منا ومن تراثنا

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

انا باعتقادي بالنسبه لنا في قطر هي الاند كروز
مايخلى بيت منه وفي كل لفه وحنيه كروزر

ياليت مشاركه الاخوان من دول الخليج ونعرف ايش رايهم

اتمنى اشوف ردودكم

بالنسبه لنا في السعوديه فا انا اتوقع انه الجمس الحوض والصالون
يعني الجمس عموما
ما ادري عن باقي الاعضاء من السعوديه وش رايهم

اول كان الجمس بالسعودية ..

بس بملاحظتي الايام هذي اللومينا صارت في كل بيت بحارتنا
الله يديمها

السلام عليكم

خلوني اتكلم عن الامارات

اللاندروفر كانت السياره رقم 1 في الامارات الى سنة 1982-1984 في مجال الفورويل اتكلم ومن بعدها بدأت ثورة الكروزر والباترول

من ناحية الصالون
الكريسيدا والكامري اكثر سيارتين صمدوا مع الرطوبه في الامارات

الكابريس والجمس في السعوديه احسن سيارتين كذلك الكريسيدا وال 240 ال هذا في الماضي

مازالوا في الامارات يفضلون الياباني لسببين
مافيه شي اسمه حراره مرتفعه
والمكيف ثلج

تحياتي

اتمنى من المشرف تصحيح اسم الموضوع ;)

بحسب نظرتي ومشاهدتي للشارع السعودي...
ألاحظ ان الكابرس القديم والكريسيدا والجمس هم اللي في التــــــوب.
وبعد كذا كثرت السيارات وما راح ناخذ بالسيدان ((أكيد تعرفون ليه))
وعموما طلع للاند كروزر ضجة عميقة مع بداية تغيير شكله في نهاية التسعينات...ولكن مازال الجــــــــــــــــــــــمس هو المسيطر...((ملحوظة يمكن ان الجمس يكون اخف انتشار من اللاند كروزر ولكن هذا فقط لسبب اقتصادي لاغير)) .
:banana:

في قطر اكيد الكروزر بدون اي منافس
في السعودية الجمس والشفر
في الإمارات انا ملاحظ يا زورو الإمارات انتشار المرسدس بشكل كبير
في الكويت سوق الباجيرو وفورد حسب الي تكتبة الجرايد

كل أنواع السيارات تحصلها عندنا في الإمارات ... حتى سيارات

تاتا ( TATA ) الهندية موجودة بعد

اخوي الفيصل

عندكم سيارة باتمان ؟

السلام عليكم
نحن عندنا في عمان
سيارتين منتشرين اكثر
الموستانج في كل حاره وكل مكان الشعب العماني مولود حال موستانج
التيوتا منتشر واجد بعد وهاذا على ما اعتقد في كل دولنا (الخليج):banana:
تحياتي

اضيف الى كلامك

اكثر الشباب يميلوا الى

التوين من مديل 84_2003


السكايلان من مديل 84_2003

ومعظم الناس يميلوا الى اللاند

مع تحياتي اخوكم المسافر :cool:

وبخبركم ان بعض سيارات كانت موجودة في عقد تسعينات وثمانينات ومازالت موجودة ومطلوبه في وقتنا الحاضر في الامارات وهي
1- جي تي بانواعها بوقرص و بوطابوقه واسكايلاين
2-240 L من نيسان
3-نيسان زد اكس 300 توربو وزد اكس 280
4- مازدا رويال كلاسيك "موزوه"
وكثير وكثير ما بتخلص لو عديتها ونسمع من شباب
تحياتي

السيارات في السعودية اكثر السيارات تشوفها مرسيدس S320 يعني ما توقف عند اشارة الا و ما تخلو منها و نفس الشيء مع الكامري
و الفورد ايضاً ( قراند ماركيز و غير ,,,, )

و اللومينا تاتي بعد كل هذولا

اما الكابرس الجديد فانتشاره انتشار عادي جداً

و انا اتكلم عن الشارع السعودي

ام بخصوص الاماراتي فانا جيت للامارات قبل فترة

و اكثر سيارة لقيتها لاندكروزر

و الجيوب بشكل عام و السيارات السعودية مسيطرة هناك ما تمشي عشرة كيلو الا و تجد سيارة بلوحة سعودية

اما الباقي ما عندي علم

انتوا للحين ماعرفتوا شنو السيارة اللي منتشرة اكثر شي في الخليج








للحين ماعرفتوا






























البيكب
الوانيت

مشكورين ياشباب على الردود وانتم عفارم :banana: بس انا

حسب اللي اشوفه كالتالي

1- تويوتا

2- نيسان

3-شفرولية

4-؟؟؟؟؟؟؟؟؟؟

بصراحه ماعرف احدد ساعدوني ياشباب

في الإمارات
نيسان باترول بكل موديلاته بلا منازع

بالنسبه للانتشار

أنا في الرياض و ألاحظ ان الكامري صارت جزء من كل عائله و فرد لا يستغنى عنها

و أحس انه بيجي يوم من الأيام الناس بيحطونها في بطاقة العائله






تحياتي