السلام عليكم ورحمة الله وبركاته

بينما أبحث فيالقسم الإسلامي لمنتدى سوالف وإذا بي أرى أول موضوع لمشرفنا المتقاعد مدردش متفاعد فأحببت أن أذكره به .

افتح الرابط الله لايهينك

http://www.swalif.net/sforum1/showt...?threadid=63357

^2


توني فاتح على سوالف إلا أشوف موضوعك.. قلت اللهم اجعله خير

تصدق إني ما تذكرت إني كتبت هالموضوع إلا يوم شفته.. حتى بتلاحظ إني ما رديت على حد فيه!

ما دريت إني قديم لهالدرجة.. معقولة أنا كملت أكثر من سنتين ؟

عموماافضل بعد الله للأخ العزيز سردال الذي دلني على هذا الموقع الرائع و العزيز على قلبي.... و سبحان الله درات الأيام و اصبحت مشرف.. و إن شاء الله بتدور مرة ثانية و برجع عضو عادي

جزاك الله خير أخوي الحبيب البراء..الحين جا دوري أطلع أول موضوع لك.. و أنفضه من الغبار الي عليه


تحياتي لك أخي الحبيب
أخوك
مدردش

وأنا أقول !! وش ذا الشيبه !!

بس ما شاء الله عليك يا دردشينو سنوات من التميز وطرح المواضيع الهادفة ،،، ومزيد من الإبداعات والتسطيرات الدردشية ،،،

ومثل ماقلت بداية من عضو و مرور بـ مشرف و نهاية بـ ... ( لصاحبه مدردش بن متقاعد )

تستاهل كل خير أخي الكريم ،،،

وشكراً لك أخي ابو البراء على موضوعك ،،،
تحياااااااااااتي للجميع ،،،

ما شاء الله,,

صيده حلوه,,

وجد ما شاء الله منذ بداياتك وقلمك رائع وما زال رئعاً,, اتمنى لك التوفيق,,

اخوك ابو الفياصل,

ذكريات حلوة ..

ما شاء الله عليك يا مشرفنا ..

وجزاك الله خيراً .. يا شيخنا ..

حيالله الاخ مدردش متقاعد



حللت أهلا ووطئت تلا


نتمنى لك طيب الاقامه عندنا في سوالف


وننتظر مواضيع طيبه منك:cool:

هلا وغلا بالغايبين ..

أبو البراء .. قلت دخلاتك علينا ..

الله يامدردش .. أثرك توك شباب .. والله توقعت عمرك أكبر من كذا ..:p

لا وبعد متقاعد .. الله يستر .. البحر ورحلااته يسون أكثر من كذا ..

شكرا أخي البراء على هالموضوع .. حلو ..

تحياتي لكما ..

ياخي إنت أيامها موجود و مشارك في القسم الإسلامي أول ما أنا اشتركت... و حولنا مع بعض لسوالف الأصدقاء أنا وياك و النابغة و جرير.. و سوينا فرقة كوماندوز و سوينا هجوم كاسح على سوالف الأصدقاء.. و الحمدلله جنينا ثمار هذي الهجمات

الله يرحم أيام أول...ما كانت هادية مثل الحين... و ما تركونا (بعض الناس) و راحوا يسوون لهم مواقع!





تحياتي لك

بداياتي كانت متواضعة جدا مقارنة مع البدايات القوية لكثير من الأعضاء...بس أحسن إنها تكون متدرجة تزيد مع الأيام و لا إنها تكون قوية و بعدين تنزل


تحياتي لك

صباح الخير جميعا

تسلم أخونا البراء على إدراج موضوع أخونا مدردش اللي ما يبي يفصح عن إسمه الحقيقي

حلو جدا أن تكون البداية والإنطلاقة من سوالف إسلامية ..

أنا أذكر أول موضوع قرأته لمدردش كان بسوالف الأصدقاء وكان عبارة عن موضوع عجيييييييييييب أظن كان (( محل خياطة .. 5 نجوم ))

تحياتي للمدردشين المتقاعدين

زمردة:

يا ترى كيف كانت بداياتج.. و من وين؟ أعتقد في الجلسة :rolleyes:

أبو نايف:

حلوة هاي "حللت أهلا ووطئت تلا" كان كملتها و قلت :"و ركبت جملا"

ZAZA:
أجل وش تحسبني.. عجوز مثلك طايحة ضروسه

Huda76:

أعتقد الموضوع الي تتكلمين عنه هة (عباءة بالريموت كنترول) و الجزء الثاني منه (محل خمس نجوم) هذيلا فعلا كانت بداباتي الحقيقة في سوالف..


تحياتي للجميع

هلا والله مدردش

بالضبــــــــط .. كان الموضوع هو : عباءة بالريموت كنترول

اسال الله ان يثيبك بكل حرف أجر اخي الكريم مدردش ..


و عقبال أبنائك ما يكتبون معانا في سوالف

أنا أعتبر هالموضوع من أفضل مواضيعي الي كتبتها..

أذكر رد من ردود أوانا الغايبين على الموضوع تعليقا على فقرة من فقراته يقول لي فيه: مسوي نفسك ملتزم و إنت قاعد تتصفح في مجلات الحريم ههههه

و الله أيام


تحياتي لك

حلوة منك يا البراء


الصراحة خوش صيدة

يامدردش متقاعد .. ياخي استح على وجهك .. صار لنا سنتين رادين على موضوعك وماترد علينا ؟؟ .. ياخي ليه معلقنا في الهوا كذا ؟ .. ياخي رد علينا ياخي ..

ياحليله مدردش وهو صغير .. قال ايش ماأبي أفصح عن اسمي

ياشيخ تكفى .. طلبنااااااااك .. قووول لناا اسمك .. أرجووووك

لايكون بس انت محمد حسنين هيكل والا عباس العقاد واحنا ماندري

وحدة بوحدة يابوبلكريم الأخضر ;)

جزى الله خير كل من شارك في هذا الموضوع واعتذر لعدم ردي لأني آثرتأن تكون الردود من أخينا مدردش متقاعد لأنه هو المعني بالموضوع ( توهيقه ) تحمل مشرفنا

البراء