السلام عليكم ورحمة الله وبركاته


اليوم الجو غيم في الرياض

ما شاء الله تبارك الله إلى الحين والجو مغيم

قلت خلني أطلع أتمشى وأخذ قهوة على الصباح الحلو

مريت معرض العربة وشفت 745i لونين رمادي فاتح فوق وأسود تحت

ومعدلة تعديل هامان بصراحة التعديل واللون ما أعجبني شخصيا

بس اللي أعجبني هي الجنوط ( الرنجات ) كان عليها جنوط 20 مصنوعة من BMW وكذلك المراتب الداخلية

صراحة هامان أبدع في المراتب

كانت لونين رصاصي ورمادي غامق وكان مغير التخشيب الداخلي بس مو قد كذا


بالنسبة ل Audi A8 2003

شفتها من خارج المعرض وكانت عند رتوة بس السيارة من النظرة الأولى تشد الإنتباة بس للأسف كان المعرض مسكر

أي واحد شافها على الطبيعة ياليت يقولنا أنطباعة


ودمتم ,,,

صباح الخير


انا شفت صور لل اودي الجديده A8 بصراحه عجبني بس الصور الي شفتم كان لشكل السياره الخارجي. يعني ماشفتها من الداخل .

على العموم شركه الاودي وفقت في الشكل الجديد .


بس ياترى حد يعرف كم بيكون سعر السياره الجديد ؟ :cool:

تبون الصراحة؟؟؟؟؟؟؟؟؟

السيارة عندي احلى من الصور.... مع اني من انصار البي ام جدا جدا

طبعا زي ما تفضلت السيارة تشد الانتباه مرررة اكثر من المنافسات.

من الداخل تغيرت مرة.. المراتب حلوة ولينة( تشوفها مجعدة مع انها جديدة) واسعة ومكيفة في الخلف وتسخين مراتب

مزودة بشاشة مدمجة ( لما تشغل الراديو او السي دي تفتح بوابة فوق فتحة التكييف و تطلع ولما تسكر تدخل اوتوماتيك)

الطبلون متصل بالمسندة الامامية بين السواق والراكب ومليااااااااان ازرار مسجل (لاحظت ان اودي حطت ماوس تشبه حقت البي ام بس اصغر للتحكم بالشاشة والفرق انها بس تدور وتنضغط مثل تشغيل الراديو)

وفيها حاجة جديييييييييدة بس في الاودي:
حطوا فيها جهاز صغير جنب القير يوضع فيه ابهام اليد يسوي له سكان عشان يتعرف على سائق السيارة.... ولا سيارة فيها النظام هذا...

لا تقولوا مرسيدس .. المرسيدس ( ابو بصمة) هذا زر في القير تضغطه . فالسيارة ترسل موجات تعرف ان كارت السيارة في الداخل او مع السائق فتشتغل السيارة... اما الاودي يكفي بصمة الاصبع بدون كارت ولا شي

المقود رياضي ورباعي حلو و8 ايرباق .

كان لونها اللي شفتها فضي في الوكالة ساماكو . وكان عليها لوحات المانية. جابوها اسبوع بس ورجعوها.

بصراحة......

















مووووووووووووووووت:rolleyes:

نسيت اقول لكم كم كان سعرها

السيارة اودي A8 4.2 L

سعرها قالوا لي 320.000 ريال

وكان مفتوح الحجز .... تدفع عربون 50.000 وتختار الالوان....

وسلامتكم.....

د ح م ي


ماشالله عليك كفيت ووفيت ...بس سعرها ناااااااار ...




.

عربون 50.000
:eek:

الناس تشتري سيارات بـ50.000 وهذي عربونها 50.000

بس تستاهل

سلام

شبااااااااااااااااااااااااب

الكلام ماينفع !!!

وييييييييييييييييييين الصور ؟؟؟

واحد من شباب الرياض ينقز المعرض و يصوّرها بالجوال وانتهينا

تحياتي

هههه اي والله ..مشكور اخوي BMW745Li وترى كل الناس تمدح الاودي الجديد

السلام عليكم ورحمة الله وبركاته


ألف شكر للجميع

وخاصة د ح م ي كفيت ووفيت

والأودي تستاهل

مشكور أخي الكريم على الموضوع

أنا شفت الي عرضها معرض العربه في التحلية ..

كان لونها كحلي من داخل رمادي (( بايخ ))

بس والله السيارة فلكية بمعنى الكلمة ..تحس إنها من العيار الثقيل جدا ..وأقرب ما تكون لل BMW الجديدة في الحجم والفخامه ..

وثاني يوم شفت سطحه شايلتها من المعرض .. وإسألوا عنا في العربه ..

المهم ...

الي يبي يشوف شي خطيييير الحين .. يروح وكالة ساماكو في التحلية حالاًً

تدرون وش عارضين ..



أنا ما شفتها إلا من الخارج كان المعرض مسكر .. لا تفوتكم

السلام عليكم ورحمة الله وبركاته


تسلم أخوي ZAZA على الأخبار الحلوة

وشفت الأودي الجديد عن قرب اليوم في معرض رتوة فعلا فخامة من العيار الثقيل مثل ما تفضلت


وإن شاء الله راح أشوف الفايتون بإذن الله



تحياتي للجميع ,,,