السلام عليكم
هذه القصيدة اهداء للشاعرة السعودية المعروفه (( بنت أبوها ))


شيخة الشعر (( بنت أبوها))

بنت أبوها واشهد انها بنت أبوها
توصف الإحساس في أبدع وصايف

غصب عنكم ياللي انتوا ما تبوها
تنسج الأبيات00 وبليا كلايف

تصدقوها ولاّ حتي تكذبوها
مبدعه وأقولها ماني بخايف

ان لقيتوها اغلطت فعاتبوها
تعاتبون بدون ذنب ؟! والله حسايف

وكان به ماريةٍ يالله جبوها
شاهدين الزور نزعتكم لفايف

تنهل من الشعر قافٍ تشربوها
وسلسبيل القاف تترككم شغايف

تطربون لشعرها وما تطربوها
بنت أبوها ذوقها ماهو بهايف

بنت أبوها شيخةٍ قد نصبوها
من يعرفون الشعر00 والكل شايف

اشهد ان اللي بالأول حاربوها
صفقوا يوم انشرت وسط الصحايف

وأشهد انها بالقصايد ماغلبوها
وتسرق الإعجاب من بين الشفايف


عشّاق


http://members.lycos.co.uk/ashshaq/...d=3637#post3637

يوه يوه يوه!...
ايش هذا

يا بختك والله يا بنت ابوها!!....
مين قدك!...
عشاق بشحمه ولحمه مدحك يا بنت!!... ،

بصراحه كلمات روعه وغير غريبه علي مبدعنا عشاق..

تحياتي وتقديري لك..
لوبيز..

أشكرك أخي العزيز على هذا الإطراء
ولكن بنت أبوها فعلا تستحق اكثر من ذلك لما اثرت به الساحة الفنيه من قصائد في قمة الجمال والروعة ;)

رائــــع أخي عشـــاق

هذا من ذوقك اختي ومشكوره على مرورك الكريم :cool: