اهلين
الحين ابو الفياصل يختفي , ولافيه احد يسأل عنه ولا أحد يطالب برجوعه , وين الاخوة , والعيش والملح , وين مشرفنا العزيز , راح من غير شر ولا أحد سأل عنه , بدل ماتسوون اظراب ولا تحتجون

مالت عليكم .

أنا من ناحيتي ماراح اكتب لين يرجع ابو الفياصل هو وخشته , وبنتظره لين يجي واكتب

أبو الفياصل نحن في انتظارك وربك على الظالم

انا معاج

حلو يالهااادئ , وياليت كل الاعضاء يسوون مثلك ونترك المنتدى لين يرجع ابو الفياصل . على الاقل نرد له جزء من التعب اللي كان يتعبه معنا , ويكفي انه كان مشرف وهو في مرحله دراسيه صعبه ومع ذلك وقف الى جانب هذا القسم وطوره الى الافضل , ولكن لا أقول الا :


أضاعوك يا أبو الفياصل وأي فتى أضاعو ا

يا هلا اختي فراشه الربيع..

بالفعل ابو الفياصل عضو قدم الكثير للمنتدى واكيد كلنا نقدر الشئ
وحتي ادراه المنتدى تقدر الشئ هذا ولكن ابو الفياصل لم يطرد من المنتدى؟!!...
ومازال يستطيع الكتابه وانصحة بأن يتناسي ما حصل رغم اني الي الان
لا اعرف ابعاد المشكله لعد تواجدي في اليومين الماضيين ...
انصحه بان يتناسي ما حصل وان يعود ويشارك كالسابق ...
ومو مهم اي شئ...المهم انه ما يفقد الثقه في نفسه ويشارك كالسابق.
عموما ان شالله بتصل عليه في اقرب فرصة ان شالله ..
واخليه يرجع للمنتدي..

تحياتي للجميع..
لوبيز.

أنه توه قبل ماأرد قلت بكتب موضوع جان أشوف موضوعج ودخلة طلع نفس موضوعي
وليش سحبو الأشراااااااااااااااااااااااااااااااااااااااااااااااااااااااااااااااف ولا غلطة

اختى مشكورة على كلمت مالت عليكم

وبعدين الاخ ابو الفياصل لم يطرد عشان انسوى زوبعة يمكن حصل لة شىء فى نفس الوقت هذا وامتنع عن المشاركة لا تفسرو الامور على هواكم وانصحكم فى التروى قبل كتابة اى كلمة...


بالتوفيق لابو الفياصل والكل ينتظر مشاركاتة وهذا شىء مو غريب


تحياتى

ياجماعه وش السالفه ؟؟؟ وابو الفياصل وينه ؟؟


قسم الطرايف بدونه مايسوى كيلو طماط

يا اخوان احنى ماندري شسالفه عشان تقولون هل كلام خل انعرف السالفه بعدين يصير خير عن القاااااااااافه

أنا تعرفون كثير الانقطاع


لكني جيت وقاعد اتابع الموضوع الغريب ؟

نطالب الإدارة بتفسير سبب غياب مشرفنا .


حسبي الله على اللي كان السبب .

أي أحد من المشرفين يبلغنا وش السالفة هل تم اعدام ابو الفياصل ؟؟

أبو الفياصل ......... لضروف ما سيكشف عنها هو ... أبعد عن الإشراف .........
وأنا ارى بإرسال الرسائل الخاصه إلى المشرفين ... من خلال الخط الساخن .......... وغيره ...

وأبو الفياصل . عزيز .. ويدري بالشي هذا .. ويبي يرجع إن شاء الله ...... والغيمه تروح .. لكن لا مشاركه .. من غير ما يرجع

انا تركت المنتدى من يوم صار الموضوع ..

ولو ترك ابوالفياصل المنتدى ...

انا راح اتركه بعد !

ولو رجع راح ارجع ...

بس احب اقول انـ ...(( لا مشاركه قبل رجوعه ))

أخوي لوبيز يكفي ابعاده عن الاشراف حنا نبغاه مشرف مو عضو لانه كفو لهذا الشي , وكيف تبغاه ينسى اللي صار .

بوجراح تسلم , وابو الفياصل كان نور المنتدى وراح يرجع ان شاء الله

لولي حبيبتي انا ماكتبت الا وانا عارفه وش اللي صاير ماكتبت على هواي ومن راسي وحسبي الله على اللي كان السبب

مسولفي القسم مايسوى كيلو طماط معفن بعد

فاهم أحنا فاهمين وش السالفه وهذي ماهي لقافه بالعكس هذي حميه وفزعه لاخونا

دمعه لم تجف شفت وش صار في الدنيا آخر زمن أبو الفياصل يشيلونه من الاشراف من غير حتى مايشاورون الاعضاء , المفروض سردال ينزل موضوع ويقول وش رايكم يا اعضاء مو كذا من الباب للطاقه يحطون متى مايبون ويشيلون متى مايبون

فهد الله يسلمك انا افضل انه مايكشف عنها عشان مايضحك الاعضاء على المشرفين والمراقبين ويعرفون ان الظروف هذي تافهة , لكن احب اقولك لو ترسل من الحين الى بكره أتحدى ان سمعو كلامنا , هذولا مثل اللي اذا ...... والا مايحتاج اقول .

عبدالرحمن تعجبني المفروض كلنا نسوي كذا مو بس بعضنا وهذا دليل الاخوة والترابط فيما بين اعضاء سوالف الطرائف

انتم تكتبون لمنتدى " سوالف " والا للمشرف " ابو الفياصل " ؟؟؟؟

من جد انتم غريبين ..
حقيقي اعجبني رد الأخ لوبيزز .. هذا
((ولكن ابو الفياصل لم يطرد من المنتدى؟!!...
ومازال يستطيع الكتابه وانصحة بأن يتناسي ما حصل ))

فعلا .. هو لم يطرد .. ويستطيع ان يكتب الكثيرر للمنتدى ..
ولا تنسوون انه قضى سنتين او اكثر وهو عضو عادي اقصد ليس مشرفاً ..
يعني يا يكون مشرف يا ما يكتب ؟؟؟ غريب من جد امركم !!!..

كل الي يحبوون ابو الفياصل .. ما الومهم في حبهم له ولكن
نلومهم للأسف في كلامهم هذا الي قالوه وهو :- ..
(( قسم الطرايف بدون ابو الفياصل مايسوى كيلو طماط ))
((ولو ترك ابوالفياصل المنتدى راح نتركه ))
((لا مشاركه قبل رجوع ابو الفياصل ))
بالله هذا كلام ؟؟؟

منتدى يحتوي على كثيرر من الاعضاء والكتاب الرائعين ..
في لحظه ومن اجل مشرف ازيل عن منصبه .. يكون ما يسوى كيلو طماط ؟؟
يا اعضاء .. صدقوني لو ابو الفياصل يحب المنتدى ويحبكم .. كان من اليوم
يرجع للمنتدى .. ولا يهمه لا اشراف ولا منصب ..
واذا يريد المنصب والاشراف .. فهو لن ولن يرجع لكم ...

لا تزعلون من صراحتي ..
وتذكروا ان مصلحة المنتدى هي اكبر .. لانه هو الذي
جمعنا وعرفنا على بعض .. ومن دونه ما نلتقي كل يوم
ونتناقش ونتبادل الاحاديث والطرائف والـ " سوالف " ;)

تحياتي للجميع ..

السلام عليكم ورحمة الله وبركاته ..
ما كنت ابي أرد لو ما رد الأخ العزيز أسير عيونها .. هي السالفة ماهي سالفة مشرف أو سالفة منصب .. السالفة سالفة الطريقة التي أزيح بها الأخ العزيز ابو الفياصل من موقع الإشراف الله يحييك .
وصرنا مثل كثير من الدول .. اللي يبدع في منصبه من وزير او رئيس يشيلونه عن مكانه :( للأسف .. وحنا نبي نرجع الحق الأدبي لأبو الفياصل .. وهذا كل ما في الأمر لا أقل ولا أكثر ..
كل إنسان يخطي ولكن .. من هو الذي يستطيع أن يعدل خطأه وأبو الفياصل لم يعطى فرصه أبدا .. وتجاهلوه من خلال البريد ..
أنا لن أشارك في منتدى الطرائف .. ((والمنتدى قائم بنا وبدونا )) وقد ذهب اعضاء كثر وتجدد الموقع من فترة لأخرى ..
لكن أبو الفياصل عزيز وخصوصا أنه طور القسم وله حسنات كثيره في جعله قسما رائعا .. وأما من يتكلم من ناحية السلبيات .. فكل إبن أدم لا يتم عمله على اكمل وجه ..
وحبيت أوضح كل شي للجميع ونحن في إنتظار ابو الفياصل ..
والسالفة ليست سالفة إشرااااااااااااافا يا عالم ..

أخوكم فهد

اسير عيونها
الطريقة التي عزل بها الاخ ابو الفياصل والسبب الذي عزل لاجله لو تعلمه كان سويت مثلنا واكثر

السلام عليكم ورحمة الله جميعاً,,
اشكرك اختي راشة الربيع على الموضوع,, ولو انني لم اكن بحاجة إليه,,

فالقسم بإشرافي او بعدمه سيكون قائماً,,

اشكر كل من تكلمي لصالحي وكل من تكلم ضدي,,

وانا عدت إليكم كعضو عادي, ولن اعود للإشراف مجدداً إن كانت الامور هكذا,,

اشكركم جميعاً,و على مشاعركم التي احرجتني وما زالت تحرجني لأنني لا استطيع رد ربعها!!:(

لكم تحياتي جميعا,,