دشّن رئيس جنوب أفريقيا ( وش دشّن أبغيرها لاتنظلوني ) أفتتح رئيس جنوب أفريقيا
ثابو مبيكي البارح أعمال منتدى المنظمات غير الحكومية ( وخير ياطير .. الله أكبر يامنتدى الماصلة هالحين )
وبيبدون النقاش في أعمال " قمة الأرض " واللي مستضيفتها جوهانسبرغ
ويبي يناقشون أمور واجد ( ايه الفراغ يسوي أكثر ) ومن الامور اللي يبي يناقشونها
قضايا البيئة في العالم مثل الاستغلال المسرف لثروات الارض ( يعني مثل هاللي خرّبوا الشعبان من كثر ماياخذون من رملهن وذا اللي هدّدوا الجبال عشان ياخذون
منه صفى وفروش وهاللي قطّعوا الزبيريات عشان ياخذون منها رقع للنباطات وغيرهم واجد)
و يبي يناقشون بعد تغيرات المناخ ( بالله وش بتسوون فيه هاه !! تبي تقاطّون وتشتروت مكيفات صحراوية وتوزّعونهن في الشوارع والا تبي تحطون تظليله على الشمس بس المشكلة يبي يمسكونكم المرور انتم خابرينهم شديدين )
و بيحتسون بعد في اتساع الثقب في طبقة الأوزون ( ايه هذا امره سهل أقرب بنشري ويرقعه ) و يبي يعرّجون على الأنواع
الحيوانية المهددة بالانقراض ( أهم شي الضبان والجرابيع ولا يهونن الصقنقورات لازم يشددون عليها )
و يبي يناقشون بعد انحسار الغابات ، ( لا تنسون تهاوشون ذا اللي لعبوا في حسبة السمر والأرطى وحطبوا مندوبهن ولايهونون ذا اللي مايمدي القات يبرض الا وهم حاصدينه )
المهم ان رئيس جنوب أفريقيا قال عقب ان انحن نبي " فعل " ملينا من الحتسي والبربرة اللي مالها ثمرة
ويقول مراسلنا عزيّز التكانة هقوتي انه يبي يحضر ذا القمة حول 40000 واحد و100 رئيس دولة
وأما بوش فاتصل عليه ثابو مبيكي وقال له " هماه " عاد لاتخلينا ترى كل الربع يبي يجون عندنا القابله بس انه تعذّر منه وقال ان عندي بعض الشغيلات
ومعزوم بعد ولا اقدر أجي مير وعد اني أسيّر عليك وأكسر الفنجال مرة ٍ أخرى ( وش الجديد مهوب يجي الا في الشر ولاعمره أربح )
المراد انهم شددوا على الحراسة على الضيوف والزوّار عشان يحمونهم من أعمال العنف والجرايم اللي تشتهر بها ذا الديرة ويبي يفكونهم بعد من مظاهرات متزهلين بها ناس مايبون العولمة
والأكيد ان ماوراهم الا الضعوي هم واجتماعهم .
شعـــــــــــــلان
:eek:
عرض نسخة للطّباعة |
ارسل هذه الصفحة لصديق]
..