السلام عليكم
بصراحة بغيت رايكم في اكابريس اس اس 96 وقوته
وهل هو اقوى من اللومينا اس اس
ووش ميزاته ووش عيوبه
وهل له قومة ولا لا
وهل يصلح تمسك خط فيه
وياليت تزويدنا ببعض الصور للكابريس اس اس 96

سلام

الكابريس اس اس 96 ممتاز

لكنه مهوب شي عند كابريس اس اس موديلات 2000 وفوق..

الموديلات الجديده اقوى بكثير..

بالمقارنه مع لومينا اس اس,تتفوق لومينا اس اس من ناحيه القومه لانها اخف وزناً..والرشاقه في الاداء وايضا الثبات..

تسارع كابريس اس اس 96 من0-100 اعتقد في 7 ثواني (أو اكثر شوي)

تسارع كابريس اس اس 2000 وفوق من 0-100 في 6.8ثواني

تسارع لومينا اس اس من 0-100 في 6 ثواني

انا قاومت كابريس اس اس 96 وقمت عليه بالراحه والى الحين اتذكرها لان المرور مسكني اثناء السباق وصرت ماشي 160 وانا مدري


مع ملاحظه ان كل طرازات اس اس من شفروليه تحتاج لمهارات معينه في القياده لانها مزوده بمحركات ضخمه وجباره وتحتاج الى مهاره وتحكم من السائق لانها غير مزوده بوسائل سلامه متقدمه جدا مثل بي ام دبليو وغيرها...حتى لا يكون ثمن السياره باهظ..ولكن جهاز التحكم بالتماسك يقوم بالمهمه بشكل ممتاز.

CoMManDeR
ممكن اعرف سيارتك؟

اما السؤال عن الكابريس 96 فهو سيء وممتاز ..لكل سيارة عيوب ومميزات

مشاكله مرة كثيرة ومعروفة لدى المهندسين واكثر شي راح يتعبك هو الحرارة وراح تظطر لتغيير الخراطيش والليات الخاصة بالراديتور
وايضا طرمبة المويه وطرمبة البنزين ...القير لايستحمل الدعس والشد المتواصل والكثير

من مميزات السيارة
الشكل الجميل والوحشي في نفس الوقت ..قير ارضي لموديل 96


لا انسى صررررررررررفيه الوقود وبكثرة وبشكل فااااااحش

ايضا مقاعده غير مريحة البته ...اي نعم ذات شكل جميل وتعتقد انها مريحة ..لكن بعد التجربة ستكتشف انها غير مريحة ..والتجربة خير برهان

اما السرعة والدعس فيها
تطارحت مع مكس وطرحتها
تطارحت مع ليون من سيات بمحرك توربو وطرحته عند سرعة 200
تصدق؟
تحياتي
واي استفسار انا حاضر وموجود

شكرا
للاخ CoMManDeR
والاخ STS

على التجاوب مع الموضوع مع اني تمنيت ان يكونو اكثر اللي يشاركون بالموضوع
بس عندي استفسار
طيب الاحسن في الكابريس اس اس 95 ولا 96

وكم هي صرفيتها بالشهر ؟؟
ووش تنصحون هي ولا اللومينا ss
موديل 99 ولا 2000
ومشكووووووووووووووووووووورين مرة ثانية

شوف اخي الكريم
انا ماجربت الكابريس اس اس 95
لكن اللي اعرفه انه فقط يجي بقير علاقي وعدادات الكترونيه ولا اعتقد انه يفرق اي شي عن 96

اما بخصوص هو ولا لومينا اس اس
فهذا يرجع اليك لان الكابريس زي ماقلت لك وبما انها قدييييييم وله اكثر من 6 سنوات يكرف فاعتقد انه بيتعبك في الحرارة كثير وراح تظطر الى تغيير الخراطيس وطرمبة المويه ويمكن طرمبة البنزين كمان ويمكن الراديتور ايضا

فانا اقول لك اذا لقيت واحد نظيييييييف فلايفوتك مع اني متحفظ قليلا على السيارة
اما اللومينا فاول موديل لها هو 2000 والكثييييير اشتكوا منها لذلك برضه انا انصح بالتريث قليلا

اما عن صرفيه الوقود فاحسب معايه
كل يوم 20 ريال من غير مشاوير كثيره
مع مشاوير البيت توصل الى 30 ريال
مع كرف زايد يوصل الى 40 ريال في اليوم كحد اقصى

وانت عاد احسب
واي شي احنا حاضرين

سلام عليكم

سيارتي لومينا اس اس 2001

وايضا عندنا كابريس ال تي زد 2002 وكابريس اس اس 2002

بالنسبه لكابريس اس اس 96 فلم اسمع من احد اصدقائي اللي عنده السياره هذي بالمشاكل اللي انت تقولها؟؟

بالنسبه للسؤال المتعلق بلومينا اس اس 99 او 2000 فالمعروف ان هذي هي اول الموديلات اللي نزلت منها وكان فيه بعض المشاكل التي تم تلافيها في موديلات 2001 و2002...

صرفيه البنزين في لومينا اس اس 2001 حسب استخدامك ودعستك و تشغيل الباور و و ..الخ

انا 50 ريال في الاسبوع.

فقط 50 ريال في الاسبوع!

اظن التانكي الكامل يمشيك 400 كيلو تقريباً ويمكن اكثر.

انا عندي لومينا ss 2001
وطرحت السيارات التاليه :

ماكسيما2001
كامري99
لكسزس 2000
موستينغ كوبرا (ماعرفت الموديل)
كابرس ss بالراحه
لومينا ls 2000
جمس الهيئه

اذا كانت سيارتك لومينا اس اس 2001 فاكيد انك بتطرح الكابريس 96

اما عن المشاكل فانا لا اخفيك سرا ..اني اشتريت الكابريس مستعمل
ولكن اكثر ما جعلني ابيعه هو اني كل ماقابلت احد الاصحاب قال وش تبغى فيه؟ بنزين وخرابات وووووالخ
حتى البنشري اللي مايعرف الا يغير الزيت قال وش تيغى فيه هذا تعبان وهذا فيه وفيه :eek: حتى البنشري؟؟؟

حتى المكنيكي رحت لعنده وقال احد عماله ((هذا مشاكل كتيييير واكتر شي هذا طرمبه مويه خربان خربان )) <---لا تنسوا ان هذا شغال في ورشه مكانيكا ;) مو غسال سيارات:rolleyes:

اما عن مشاكل اللومينا فتقدر تشوف مواضيعي القديمة باسمS8ولا يحتاج اني اعيد كتبتها مرة ثانيه

تحياتي

ماادري قد جربت مع ايكو قزاز كهربه:rolleyes:

انا شايف ان كل السيارات اللي ذكرتها ماهي من نفس الفئة

بس لاتزعل تراني امزح

سلام

ما يحتاج نشوف مواضيعك القديمه بخصوص خرابات لومينا وكابريس لسبب واحد..

انا عندي لومينا اس اس 2001 ما شفت مشاكل وهي ماشيه الان 50 ألف كيلو..وعندنا كابريس ال تي زد 2002 كمل حوالي 20 ألف كيلو بدون مشاكل...فما اشوف داعي اني اقرا كلام عن خرابات انا ما اشوفها قدامي..

بالنسبه لتجربتي في المطارحات ب لومينا اس اس قمت على:

كابريس اس اس بجميع الموديلات

موستنغ

ماكسيما بجميع الموديلات

بورش كاريرا

سوبرا

اودي تي تي

اودي اي-6 واي-8

مرسيدس اس-320 واس-500

مرسيدس سي كومبريسور

مرسيدس سي ال-500

مرسيدس اس ال-500

مرسيدس سي ال كي

بي ام دبليو الفئه الخامسه

بي ام دبليو الفئه السابعه (الشكل القديم)

جاكوار اس-تايب

لكزس ال اس-400 وال اس-430 وجي اس-300 واي اس-300

سيات

كامارو (ما ادري وش الفئه والموديل)

وشكراً

مشكووووووووووووووووووووووووووووووورين جدا جدا جدا
والله يعطيكم العافية والله انكم تجاوبتوا مع الموضوع وزيادة ومعليش ان كاني منيب اعرف بالسيارات واجد بس على قدي والحمدلله
والله هذا اللي اقدر اقوله وتسلمون مرة ثانية وشكرا