اللومينا SS كم حصان؟! وكم سعة مكينتها باللتر؟ و من صفر الى 100 كلم في كم ثانيه؟
وهل هي عمليه؟؟ يعني تتحمل المشاوير؟
ولا مجرد انها حقت سباقات.

السلام عليكم...........

بصراحة السيارة رهيبة بس مو للفخامة ولكن رياضية وعملية....


السعة: 5.7 لتر
القوة: 325 حصان
العزم: 468 ن/م
التسارع من 0 - 100 كلم: 6.9 ث (أوتوماتيك)

وانشاء الله نكون أفدناك.........

وسلاااااااام.......

سلام

المحرك 8 اسطوانات
السعه 5700 سم مكعب
القوه 325 حصان
العزم 468ن\م = 330 رطل\قدم = 48 كلغ.م
التسارع من0-100كلم\ساعه لا يوجد رقم رسمي من الشركه حتى الان!!

هناك اراء كثيره وتجارب كثيره:

هناك من يقول من 0-100كلم\ساعه خلال 6 ثواني (بالضبط)
هناك من يقول من 0-100كلم\ساعه خلال 6 ثواني ونصف
هناك من يقول من 0-100كلم\ساعه خلال أقل من 6 ثواني

كل هذا بالنسبه للناقل الاتوماتيكي..

بالنسبه للناقل العادي فالتسارع يتم في 5.8 ثواني

من ناحيه عمليه نعم السياره عمليه بمعنى الكلمه..عندي لومينا اس اس 2001 أكملت بتوفيق الله حوالي 50 ألف كيلو بدون مشاكل ولله الحمد...سوى تغيير الاطارات والبطاريه.

المشاوير انا شخصياً اسير بها مسافات طويله ومرهقه يومياً

باي

شكرا لكم على المعلومات!
ولكن هل تنصحونني بشرائها ولا اشتري لوميناS
ايهم افخم واوجه عند الناس؟؟

إن كنت تبغى الوجاهة خد كابريس

وان كنت شبابي ;) خد لومينا

بس اخوي كابرس !
انا سمعت ان فيه سيارات كابرس مغشوشه لانها تكون مصنوعه في البرازيل وليست مصنوعه في استراليا. مع العلم ان الاستراليه هي الافضل وانا اخاف اطيح في كابرس برازيلي واتوهق..

مساكم الله بالخير جميعاً

يا ابو محمود الفرق كبير بين الSS وال S...

لومينا SS سمعتها ضاربه وقويه جداً وتجذب الانظار

ومحركها 8 سلندر و 325 حصان

جنوطها كبيره 17 انش وجناحها ايضا كبير...والسياره بشكل عام مطيحه اكثر من لومينا S .. خصوصا من قدّام.

اما لومينا S فهي مثلها مثل ال تي زد وال اس لكنهم حطوا فيها تعديلات رياضيه..المحرك 6 اسطوانات 215 حصان

الكابرس رهيب بس كبير وتضيع فيه من جوّه..

واحلى شي كابريس اس اس اللون الابيض موديل 2002....اقلااااع من جد.

لكن اللي ناوي انصحه ينتظر موديلات 2003 لاني اتوقع فيها تعديلات مهمه....

بالنسبه للكابريس البرازيليه الظاهر هذي نكته

الكابريس يتم انتاجها في جناح جنرال موتورز الاسترالي (هولدن) ..

في البرازيل وكندا وايضا في الهند يتم انتاج سيارات خاصه للاستخدام المحلي هناك ولكن كابريس ليست من ضمنها...

أول مرة اسمع بالشيء دا

المعروف انو الكابريس تجي من مصانع هولدن الأسترالية !!

كابريس برازيلي .. نكتة

والله مدري لا تضحكون علي!!!

مافيه شي اسمه كابريس برازيلي

يا شباب فعلا البرازيل تنتج بعض القطع الي تتدخل في سيارة هولدن و شغلة ثانية في سيارات تجميع برازيلي بس ما تنباع الا فالبرازيل , وممكم الأخ ابو محمود سمع عن سيارة وادر من البرازيل

انشالله اكون ما زعلت حد

SL 55 AMG

ايه هذا الكلام يا اس ال اي ام جي!

انا سمعت انها تصلح فعلا للبرازيل
لكن فيه ناس يستوردونها لنا.

للعلم فقط السوبربان بعض قطعه تصنع في البرازيل ويجمع كاملا في المكسيك والي مو متأكد يفتح باب الجمس ويشوف بعينه:(

اي موديل يا كابرس لان عندنا سوبربان موديل 91 ؟؟!!!

بو محمود أسمع نصيحتي وأبعد عن لومينا ss وإلا s كله زي بعضه ، السيارة مجربة و تقرقع .
ياخي فكر BMW وإلا BORCH
تراهن زينات بالحيل .

بصراحه السياره يقوولو انها روعه ولاكن يبغالها اهتمام
حسب ماسمعت عنها


بس انا برأيي ان السياره شكلها حلو بس الي شي واحد (( البريك _______والقير الي كنه يد اتاري ))


وشكرا ....................;)

أولا: البورش تنكتب كذاPORSCHE
ُثانيا: وين اللومينا او وين البورش والبي ام....

الرجال يتكلم عن اللومينا......




;)

الاخ mutaeeb ما ادري كيف انطق اسمك موتايب او متعب او موتائيب (لا هذا اسم اسرائيلي موتاءيب لوول) امزح

حضرتك تقول ان السياره تقرقع..

عندي لومينا SS موديل 2001 ماشيه تقريباً 50 ألف كيلو...وعند اكثر من صديق لي لومينا SS موديل 2000 (الشكل القديم) وسياراتهم ماشيه فوق ال 60 ألف كيلو ومكروفه من جد..

لكنها...ما تقرقع ;) بالعكس لا زالت بنفس القوه والعطاء كأنها جديده.

لووول اللي استغربه انه يقول السياره مجربه وتقرقع؟! طيب وحقتي يعني ليه ما قرقعت؟ هل حقتي يحميها عالم الجن يعني ولا كيف؟ لووول

يا شباب القطع عادي ممكن تصنع في اي بلد وانا ان شاء الله بجيب لكم موضوع عن مصانع جنرال موتورز في العالم..

بالنسبه لي عادي حتى لو لقيت قطعه مصنوعه في البرازيل ان شااا الله مصنوعه في مدغشقر او جزر الواق واق..اهم الشي السياره صح!

الأخت SS-MASTER :
بما أنك فهمتي المقصود بــــ BORCH خلاص وصل المعنى و هذا هو المهم ...............






:p :p :p

الأخت : CoMManDeR الكلام عن السيارات و إلا عن الأسماء .
سؤال يحتاج إلى إجابة ؟؟؟؟؟؟
p :p

السلام عليكم

ويش رايكم في هالومينا بيك أب



ممكن معلومات عنها كل شي لو سمحتوا

مشكورين مقدماً

أخوكم:
zx300