بعد شهور معدودة سوف يتم اختيار رئيس الفيفا الجديد .

وانا بصراحة ما ابغى اشوف (بلاتر ) في الفيفا لانه ظالم .لماذا.

لانه:
1/ الفترة الي كان فيها بلاتر رئيس للفيفا كانت اغلب بطولات كأس العالم في اوربا ( لانه اوربي ) .
2/ انه تم انتخابه لرئيس للفيفا عن طريق الرشوة . وهذه لا جدال فيها.

......
واتمنى ان ينتخب الافريقي (عيسى هياتو) رئيسا للفيفا وبأسرع وقت
ممكن .



;) ;) :p
............
ولكن من تريد الرئيس الجديد للفيفا ؟

وشكرا.
.................................thamer8...........................................;)

اخوي ثامر ,,, ترا اكل الانتخابات هذي لازم يكون فيها رشوة :eek: :eek:
وبكنباور اعترف انه اعطى اموال لاكثر من عضو عشان يرشحون المانيا لاستضافة كأس العالم في 2006

يعني الباقيين ماهم ملائكة ... وبعدين لا تنسى انه بلاتر طلع قرار مهم

وهو ان القارات اللي بتستضيف كأس العالم بتكون بالتناوب

يعني مرة بأوروبا ومرة بأسيا ومرة بأفريقيا ...

وهذا قرار عادل ويبين انه مو متحيز لاي قارة

عشان كذا انا اتمنى انه يستمر لاربع سنوات اخرى ...

اخ ايطالي .
انت مانت فاهم قصدي .
انا مليت وانا اشوف رئيس الفيفا زي ما هو وبعدين هو كبير في السن
خايف بكرة يكبر ويجيب قرارت من رائسه والله يستر منه .

وشكرا.
...............................thamer8............................................;)

ترى بلاتر اكبر مصلحجي وانت تشوفه اذا جت فترة الانتخابات يزور الدول اللي لها مشاركات في بعض البطولات
زي السعودية في بطولة الخليج
يبغى يكسب اصوات


اتمناها (لعيسى هياتو)

الله يسمع منك .

....
وشكرا.
....thamer8.....;)

اخوي ثامر ..

فيه مثل حلو يقولك ( خليك على قردك عشان ما يجيك اللي اقرد منه )

فأنا اشوف انه بلاتر قرد محترم وماهو متحيز لاحد

وما تدري لو يجي قرد غيرة ايش ممكن يسوي

بلاتر قرد, وعيسى هياتو غورلا

ايطالي ليه انت عكس الناس هل انت تحب سويسرا لهذه الدرجة.

صدقني انه لو جاء عيسى حيكون للكورة طعم ثاني .وتقولونthamer8
قالها .

ارجو ان كلامي ما يكون جارح لكم .
وشكرا.
.................................thamer8.........................................;)

اخوي ثامر ... انا بعطيك دليل ثاني على عدم تحيز بلاتر

تعرف انه اكثر من 10 دول افريقية راح ترشج بلاتر وراح تكون ضد حياتو

هذا اكبر دليل انه بلاتر يفكر لمصلحة الكل ... ومو متحيز لاي قارة

وبعدين انت قاعد تقول انك متأكد انه لو حياتو صار الرئيس بيكون للكورة طعم ثاني !!!! طيب أيش الدليل على ان الكلام هذا اكييد

وانا اشوف ان الافريقيين ينخاف منهم ... لانه تارخيهم مع الرشاوي اسود ... واتوقع لو يصير حياتو هو الرئيس

بتطلع فضائح كبيرة وبيكون هو المسؤول عنها ... وطبعا بيكون معاها دليل ... يعني مو زي اتهامهم لبلاتر ما كان فيه اي دليل وكان كلة كلام

وطبعا الغرض منه تشوية صورته ... وعشان يخسر بالانتخابات الجاية

وبعدين لا تنسى انه كل الدول الخليجية ومعظم البلدان العربية راح تكون مع بلاتر

يعني مو من مصلحتنا انه يخسر

وبعدين هذا نقاش عادي ومافية اي تجريح فأحد ,,, وتحياتي لك

^1

المشكله
فى الاتحاد الاسيوى المتمثل فى بن همام
والذى توقعنا ان تكون او ل قراراته اقاله الفاشل بيتر فلبان
وها نحن نراه يتمسك به

اما الاتحاد الدولى يتغير الرئيس ولا يتغير شئ

يا اخوان .
ليه انتوا مانتوا مصدقين ان بلاتر يريد كل حاجة له ويسيطر عل الكل ..
الدليل:
1/ الرشوة .عندما تم انتخابه.
2/ يريد الان المشاركة في الانتخابات .

مع العلم .اذا اصبح رئيسا للفيفا سوف يكون كرة القدم زي ماهو .
واتمنى من كل قلبي ان يغير بلاتر ويأتي واحد ثاني بداله .

وشكرا.

................................thamer8.........................................;)

عيسى حياتو

هذا هو عيييييبكم ...

اي واحد يتهم واحد على طول تصدقووونة ... يأخي لازم يكون فية دليل على الكلام هذا

لانه مافي اكثر من بياعين الكلام ... وصدقني لو كان للعضو اللي اتهم بلاتر دليل ... كان طلعة من زمان

وممكن اسألك سؤال ...

ليش العضو المحترم اللي اتهم بلاتر بالرشوة ... ليش ما اتهمة من زمان

يعني من اول ما سمع بالخبر ... بس هو كان يقصد الوقت هذا بالتحديد

عشان بشوة سمعتة ويخلية يخسر بالانتخابات الجاية

وبعدين انت قاعد تقول .. (( 2/ يريد الان المشاركة في الانتخابات ))

طيب ترا الرئيس اللي قبل بلاتر كان قاعد لمدة 16 سنة اذا ما كنت غلطان

وحق الالعاب الاولمبية ... اللي اسمة سامارانش ... قعد بالرئاسة لاكثر من 20 سنه

واذا كان ماشي صح ,,, وقاعد يطوّر باللعبة .. فليش ما ننتخبة مرة ثانية ... مع العلم ان بلاتر له اربع سنوات فقط

شباب ترى بلاتر أهون من هافيلانج هافيلانج كان فاشلا الى ابعد الحدود وظالما لقارتي آسيا وافريقيا ولكن بلاتر متوازن الى حد ما والدليل القرار اللي قاله اخوي ايطالي فانا أرى استمرار بلاتر 4 سنوات قادمه........

شباب انتوا منتوا حاسين بالقهر عندما يظلم قارة اسيا .

شوف كأس العالم كم مقعدة لاسيا وشوف كم مقعدة للقارات الاخرى .

مع ان اسيا اكبر قارة . إلا انها لها 4 مقاعد في كأس العالم .
ومقاعد اوربا كثيرة بالمرة في كأس العالم . حتى بقية قارات العالم .

هذا الظلم بعينه .


لذلك يجب ان يتغير بلاتر ويأتي واحد ثاني بداله .

وشكرا.
.................................thamer8..........................................;)

اخوي ثامر ... انت تبي الحق ولا ولد عمة

اذا كنت تبي الحق .. فقارة اسيا كثير عليها اكثر من 4 مقاعد

لانه عدد المقاعد تقاس بأنجازات منتخبات القارة ... وقارة اسيا الفريق الوحيد فيها اللي وصل لدور ال16 هو منتخبنا واظن معااه كوريا

تخييييييّل ... يعني طوال ال 16 بطولة ... كانت انجازات اسيا الوحيدة هي الوصول لدور ال16 مرتين او مرة وحدة

وعلى فكرة بلاتر مالة دخل بعدد المقاعد

اذا كنت تبي مقاعد اكثر لازم تسوي انجاز ما سويته من قبل

يعني مثلا ... اليابان ما عمرها وصلت الى دور ال16

فأذا وصلت لدور ال 16 بالبطولة الجاية ... بيصير لاسيا مقعد زيادة

واذا عدت .. و وصلت لدور ال8 ... راح تكسب اسيا مقعدين عشان الانجازين هذولي

والسعودية ... بما انها وصلت لدور ال16 ... فأذا وصلت بالبطولة الجاية الى الدور ال 8 ... راح تكسب اسيا مقعد اضافي

يعني بالنهاية بيكون لاسيا ثلاث مقاعد اضافية بكأس العالم 2006 ... وهذي هي طريقة زيادة المقاعد ...يعني بلاتر مالة دخل بالموضوع

شكرا لك يا ايطالي .بالفعل معلومات لم اكن اتخيلها .ومفيدة جدا صراحة

ولكن نرجع لموضوعنا .(لا تصرف).

مين احسن واحد يكون رئيس للفيفا ؟

وشكرا.
.....................thamer8...........................;)

خلالالالالالالالالالالالالالالاص ... بعد كل الكلام هذا .. وما اقتنعت

انا من جد يأست منك

والله انا قلت كل اللي عندي ... وانت بكيفك تبي تقتنع انه هو الافضل حاليا ولا لا

بس بتشوف بالنهاية ... انه هو اللي بكتسح الجميع ;) ;)

وسلااامك ,,,