الجرح منك انت والله غنيمة

يكفي يقولن العذارى محظوظة

ترى بعدهجرك وحالي سقيمة

صار المفارق عندهن صدق موضة

لحول مثلي ينحسد في جحيمة

فوضى الهوى يامتعبي صدق فوضة

اسوق لك عمري وغيرك حريمة

لين العمر قفى ربيعة ونوضة

وادمح خطاك وكل غلطة قديمة

وقول قلبي فيك محدن يعوضة

حرة انا...وكل حرة فهيمة

ودرس الغلا حفظت والله فروضة





الى كل احبابي في سوالف..... هذه القصيدة المتواضعة عيدية للجميع

أحلى من العسل
وأروع من الرائع
ولكن............

هناك كسر في قولك
يكفي يقولن العذارى محظوظة
اتمنى من الأخت شيخه تداركه
واذا كانت هناك سكتات وحركات أتمنى ابانتها
كي تقرأ القصيدة على الوجه المطلوب
وعلى العموم القصيدة جميلة جدا وزاد من جمالها تلك الحقيقة التي قل ظهورها
وكما عودتنا شاعرة المنتدى شيخه بقصائد رنانة يجد القاريء فيها همومه وهواجسه و أفكاره

والله أعلم
والسلام ختام

يابنت والمعنى تقل وبل غيمه
تحرته من لهفة الشوق روضه

تل رفيع وعالي التل خيمه
والنفل يرقص والخزامى تهوضه

للقاف عطر وللمعاني نسيمه
يبرا بها من لاتشافت رضوضه

كثر القصيد ولا غدا فيه قيمه
كل يقول انه ملك منه حوضه

الف شكر على ملاحظاتك.....



واذا انت تركض بالشعر ...... انا توني احبي

واحتاج وقت علشان اتعلم من احطائي




شيخة

صحّ لسانك يا شيخه..


تحياتي لك.

وكل عام اونتي بخير.

عزيزتي شيخة .... كلماتك رهيبة و حلوة ...
والفكرة فعلا اكثر من رائعة

لكن الوزن .. الوزن ... الوزن ...

نزح عن الاتزان ...

ان للوزن جرس جميل ... فليت ابياتك تكتمل باكتمال الوزن

مثل هذه الكلمات الحلوة تستاهل الوزن المضبوط

تحياتي ,,,

هلا بشيخة ...


فعلا كلمات وااااايد حلوة .. تسلمين


أختك // ميثة

هلا شيخة
وانت شيخة الزين كله ..

كلمات رائعه تحمل معاني جميلة وجمه

شكرا لك والله يوفقك ..

أختك الروايه الزرقاء ..

فوضى الهوى يامتعبي صدق فوضة
صح لسانك ياشيخه قصيده جميله جدا والبيت هذا حكمه صدق فوضـــــــــــــــــــــــــــــــــــــه وموضـــــــــــــــــــــــــــــــــــه