اخباركم شباب واسف لطول غيابي عن المنتدى عندي موضوع صغير
اي السيارتين افضل من الاخرى كابريسss او لومينا ss كلها نفس الموديل 2001
اعطوني مميزات كل واحد منها لو سمحتوا
لاني مخطط اشتري واحد منها
وشكرا

والله أقول لوتدور في المواضيع القديمة
حتحوس حوسة
توكل واشتري السيارة وريح بالك

نفس الشيء فرق بسيط
خشب و فتحه في السقف مادري اشياء بسيطه
بكل سهوله اذا كنت أتحب السرعه لومينا س س
اذا كانت تهمك الفخامه أكثر كابريس س س
معنى الكابريس سريع جدا! تقدر تطوف بي أم دبليو 540

شوف أخوي اذا كنت تبي تريح وتكشخ وترجع الكرسي خمسة متر لورا خذلك كابرس ..... بس اذا كان هدفك المطارحات وبس فتوكل على الله وخذ لومينا ..... وترا الاثنين نفس القوة تقريبا بس اللومينا يطوف يشوي في الخط وهذا تحت تجربة ...... تحياتي

i tried both.....
my cousin... is a crazy driver...
one of the best cars he used was... the CAPRICE
the LUMINA..
its a nice car... of course faster.. but.. for every thing else the caprice... is the choice..
the rest is to you.....

أخوي اللومينا أحسن الأنواع للريسات لكن الكابريس للفخـــــــــامه ماله مثيل وهذا رأيي .....

حبيبي انا عن نفسي كنت رايح اشتري لومينا بدلا عن كابريس


لاني احسها شبابيه اكثر .... شكلها رياضي اكتر واصيع ;) ;)




لكن الكابريس افخم شويتين .....


لكن انا من رأي لومينا وبس


www.dr.waseem.4t.com

انا لي تعليق على هذا الموضوع ارجوا انه محد يزعل
الرد الاول للاعرابي
من الى لاعب عليك وقال ان الكابرس اس اس تجيب البي ام 540 ؟؟؟؟؟؟؟ ال 528 تجيبها بالراحة
الشيء الثاني من قال ان الكابرس فخمة !!!
والله اذا ركبت فيها تقول راكب بالنقل الجماعي (( اسئل مجرب ))
وبالنسبة لصاحبنا Darkness .
احب اقولك نصيحة == فيه مثل يقول
(((( قال خذها وخل اختها - قال الله يلعنها ويلعن اختها )))
ارجو انه محد يزعل .

هاهاهاها مسكين أنت يا فايبر جي تي أس أر
شكلك ما لخقت على موضوعي القديم عندما كان في رايس بين لكسز 400 و كابريس س س و بي أم 540 عليه كات باك و فلتر رايسنق
طلع اللكسز الول عقبه الكابريس و ال540 طلع الأخير و . و المطارحه سجلت على فيديو و قدام الكثير من الناس

يا VIPER GTS-R لا تستهين بالكابريس اس اس وايد تراني طارحت bmw m5 M package يعني اقوى من ال 540 العادي وطفته :eek:

اخوي الاعرابي بالنسبه للكزس الي طاف الكابريس اهو طاف الكابريس عقب اي سرعه لانه مستحيل يطوف الكابريس قومه وموديل كم اللكزس كان ؟؟؟

لأني تسابقت مع لكزس 430 وعطيته ليتين وما طافني الا عقب القفله

سلام
أولاً أحب اقول للاخ فايبر ان يعبر عن رأيه بطريقه أكثر حضاريه فما هو وجه المقارنه بين النقل الجماعي وكابريس اس اس؟!

كلامه هذا شهاده اعجاب للنقل الجماعي لانه شبه فخامتها بالكابريس!!!

هاهاهاها

والله اللي اعرفه وكل الناس يعرفونه ان كابريس موديل 2002 يعتبر من اكثر السيارات فخامه ورحابه من الداخل حتى اني اشوف انه افخم من بعض السيارات (الاغلى ثمناً) وما ودي أعدّد اسماء!!!

-------------------------------------------------------------------------------------
لومينا اس اس موديل 2002 تم تزويدها بمقاعد رياضيه جداً (ريكارو).
-------------------------------------------------------------------------------------
كابريس اس اس vs لومينا اس اس:
تتمتع كلا السيارتين بقوه خارقه قياساً بسعر بيعها...اضافه للجوده المعهوده من شفروليه (جنرال موتورز)..والرحابه الداخليه..

التسارع:
كابريس اس اس 6.2 ثانيه تقريباً (يمكن أكثر شوي)
لومينا اس اس 6 ثواني تقريباً (يمكن أقل شوي!!)

اما الهدوء والرحابه الداخليه فهي بالتأكيد لصالح كابريس اس اس..

لكن لومينا اس اس شبابيه وهجوميه أكثر..وقيادتها اكثر متعه ورساوه وثبات من كابريس.

اما اللي يقول الله يلعنها ويلعن اختها فهذا بالتأكيد لا علم لديه ولا خبر!

والا لماذا حققت لومينا اس اس وكابريس اس اس موديلات 2001 نجاح كبير جداً فاق نجاح موديل 2000؟ حتى اني دايم اشوف لومينات 2001 اكثر مما اشوف لومينات اس اس موديل 2000!!!


بالنسبه للبي ام فاللي اعرفه ان كابريس اس اس ولومينا اس اس تقوم بالريوس(R) على بي ام 540.


وشكراً

ههههههههههههههههههههههههههه
حلوة شغلة القومة هاذي
قومة بالريوس

يا حبيب قلبي بور س س
اللكسز ذي في شيء غلط من أصل
جايبينه من ألمانيه قايجه 270, غير أن أغلب دباب الهواء مشيوله منه
غير البترول اللي صبه فيه راعيه
أوكتين ولا حاجه ثانيه هوب عارف
على فكره, أ،ت طايف م5؟!؟!؟!؟
أقول لو عندك أي سيك يو ولا أم أس أن بغيته كان معليك أمر

ما شاء الله هذا رايكم في السيارتين
لكن انا شبابي يعني الومينا تناسبني اكثر في القومة والسباق لكن
بس مو ممثل الماكس 95
ولا وش رايكم في هذا الكلام

كلا مكم ماله اي داعي
بلا كابريس ولا لومينا ما كس ولا بلاش

انا ما تعجبني السيارات الامريكيه ابدا

كلها خراب في خراب
واللومينا حدها سنتين بالكثير

اذا تبي ليش ما تشتريلك اس 2000 هوندا اخيرلك او لانسر ايفوليشن

سلام
اخ داركنس هذي ثاني مره تحط الماكس في مقارنه مع لومينا اس اس!!

الحين تقول:
لكن انا شبابي يعني الومينا تناسبني اكثر في القومة والسباق لكن
بس مو ممثل الماكس 95
ولا وش رايكم في هذا الكلام

يعني تبي تشتري ماكسيما موديل 95؟

بعدين من قالك ان ماكسيما 95 تطرح لومينا اس اس؟

ما فيه أمل!

يمكن محرك ماكسيما الجديد يكون منافس قوي للومينا اس اس..لانه 260 حصان ووزن السياره خفيف (وزن الريشه)

لكن ولو...لومينا اس اس فيها اسطبل من الاحصنه المروّضه (325)..

بس انا انصحك تاخذ كابريس اس اس او لومينا اس اس موديل 2002...لان كفرات يوكوهاما تجيك جاهزه...بالاضافه ان لومينا اس اس 2002 فيها مقاعد ريكارو (رياضيه) وانصحك باللون الاصفر الجديد Hyper Yellow لون قوي من جد..حتى لون الجلد الداخلي نفس لون السياره من برا!!
قمّة التميّز...
لكن لو خذت موديل 2001 غيّر كفراتها على طول..

الاخ LAND CRUISER:
اعرف اكثر من واحد معهم لومينا اس اس موديل 2000 أول ما نزلت...والحين دخلنا عام 2002...يعني لها اكثر من سنتين معهم..ما فيه اي مشكله!!

بعدين كيف يعني صلاحيتها سنتين؟ هذي سياره ولا مواد غذائيه؟

الاعرابي حبيبي حصل خطأ مطبعي اووووووووه

انا كان قصدي طفت 540 m package

اي انا عندي مسنجر واذا ما عليك امر اكتب لي ايميلك او طرش لي رساله على ss2000@alayam.com

يا من تقول البي ام 540 تطوف الكابريس تراك غلطان





الكابريس يقوم على بي ام 740 اي ال وانا مجربها ...


ويشد معاها في الخط الين 120 تقريبا .....


كيف والبي ام 740 اقوى من 540 بكتير




كيف سار البي ام تطرح الكابريس .....


انا معايا بي ام ومجرب ..

انا اريد تفسير واحد بس
ليش مكتوب على الكابريس واللومينا

صنعت وبكل فخر للخليج؟؟؟؟؟؟؟؟؟

ما فكرت ليشششش

ليش اللومينا تنزل في الخليج ما تنزل في امريكا

اللومينا ممنوعه من الدخول لامريكا

على الاقل المكسيما تنزل في امريكا

وبعدين طالع محرك اللومينا كبير على الفاضي

فيه سيارات يابانيع والملنيه سعتها اقل عن سعه اللومينا وفيها قوه اكبر عن اللومينا
اللومينا ما فيها امان
واذا تتبي تتاكد سير احصائيات المرور و بتشوفففف

هلالالالالالالالا والله شباب .........

عندي مداخلة بسيطه لليقول ان الكابرس يشد مع ال 740 الين ال 120 ..... انا قاومت 740 وكنت متقدم عليه الين 180 تقريبا بعدين هو طاف ....... مع احترامي لرايك طبعا بس ذا الي صار والله ........
واذا تبي اتجرب انا حاضررررررر

يا شباب انتو الحين تقولون ان الكابريس اس اس او اللومينا اس اس ممكن يروح عن ال BMW M5 ?

تبوني اقارنلكم بين السيارتين وتشوفون الفرق !!!!

أولا خلني أحط النقاط على الحروف

اللومينا و الكابريس كلهم لهم نفس المحرك ذي 325 حصان

وأكيد اللومينا أسرع من الكابريس بسبب الوزن

ولكن البي إم m5 يدعمها محرك قوته 400 حصان

(وشرايكم إنها طايفه 3000 جي تي بالراحة )

وهي تعتبر من أسرع سيارات الصالون

وخلنا في موضوع أخونا داركنس

إذا تبي سيارة للمظاغط فخذ اللومينا

ولكن الكابريس افخم و اوسع وأحلى و و و و

ةالخيار أولا وأخيرا لك