الأخوة في الله السلام عليكم أنا في صدد شراء سيارة جديدة تخدمني لمشاوير البر والسفر . كرما منكم أيهما أفضل اليوكون أم الجي أكس آر وشكرا لكم.

اليوكون اريح للسفر

للبر والسفر مافي غير ال جي اكس ار امان ولا تتوقع اعطال وانت على الطريق

VX.R ينفع في البر وفي السفر
لانVX.R فوريل في القومه وشبابي.....

يا خي خلك من السيارات الامريكية التعبانة وعليك بالسيارات اليابانية لانها بجودة عالية وتوفير في البترول ولها قيمة عالية بعد الشراء.

وبعدين روح شوف الامارات كلها لاندكروزر ونيسان، مش مثل السعودية طايحين على السيارات الامريكية الي ماتسوى فلس عندنا في الامارات.

وحق البر ماشي احسن من لاندكروزر الي توديك وين ما تريد.

انصحك بلاند كروزر اكيد ..
مريح و قوي و يتحمل وسعره فيه يعني في اي وقت تبي اتبيعه بتحصل مليون واحد يبغي يشتريه
كأني بالغت شوي ;) ?

تحياتي

الاندكروزر يوديك اي مكان سواء في البر او السفر وياسلام على سواقته في الخط يعطيك جواب

سؤال تعبت من كثر مااجوب عليه
لكن تكرم عيونك


طبعا شراء سيارة يكون حسب طريقه استخدامها(سفر,جبال,مطارحات)

وبناخذها وحده وحده



الرمال
اعتقد ان الاندكروزر افضل في الرمال(مو متأكد)
ويعيب عليه وزنه الثقيل(اثقل من السوبربان)


الجبال
بنائا على كلام الناس اللاند افضل السيارات فيلا صعود
الجبال
ولكني جربت السوبربان(محرك 327 حصان واليوكون345) وكان قوي جدا
وفي الموديل القديم كل الناس يقولون انه ما ينفع ابدا
لأنه اوتو!!!!
وفي الموديل الجديد اضيف اليه نضام خاص لصعود الجبال
(عزم عالي في دورات اقل بالاضافه الى تغير متأخر)
ومشكلته الوحيده في الجبال الفرامل اذا سخنت


السفر
بدون اي مقارنه في الخطوط الطويله الـــيـوكــون
واسأل الجميع


المطارحات

345 حصان و250 حصان
بدون تعليق


=========

لو سمحت عندي سؤال.......

الفراغ اللي في رسائلك...............أذية و لا بدون قصد....

الصراحة الفراغ شاسع..... مسير 700 عام أتمنى لو تشيله.......لو تكرمت......

رزين......

أنا أرى أن اليوكون أقوى بس تحس إنه زي باقي الأمريكي مو 100%


و اللاند متقن أكثر بدون شك لا كن سعره فاحش الغلاء لو أردت الموديلات العليا.........و أنا لو تطبق السماء على الأرض ما أدفع سعر الفل الكامل لأن أعلى نوع فيه ما يستاهل أكثر من 140 ألف.....






ليش ما تاخذ باترول 4800 cc ........فل أوبشن........ (إقتراح)


تحياتي........

عزيزي امبالا الفراغ اللى في التوقيع مب مقصود وانا مب عارف شلون احل المشكلة

هاه ماصار خاطرك الى طيب ياامبالا اس اس .
مسحت الفراغ عقب لخبطة كبيرة

على تعاونك مع الجمهور


تحياتي لك و للأصدقاء.......

اهلين شباب انا اقول اليوكن وبس والباقي خس مع الاحترام للجميع

يا أخ رزين أنت شنو يناسبك

يعني تبغي تدفع 220000 على كروزر فل كامل يتحسر قلبك بعدين
أو
تدفع 110000 على يوكون مزود بمحرك جبار جبار ، و رحابه و عمليه

يعني السالفه مايبيلها تفكير ;)

علشان أكون صريح معاك ترى اليوكون لا تتوقع أنه بيكون أقتصادي نفس الكروزر ، لكن من حيث أذاء وقوة اليوكون مافي مثيل

مرحبا


أرشح وبعد تجربة ( اليوكون )

في السفر وداخل البلد .... وبدون مقارنه



إلا في حاله واحده .... البر فقط ... وأقصد البر التعمق في الرمال



نقول مبروك اليوكون ؟

السلام عليكم ورحمة الله وبركاته


انا اللي أشوفه إن الكروزر أريح و آمن

وتتحمل أكثر من اليوكون وقطع غيارها أرخص بوايد

وأحسن للبر

وإقتصادية أكثر من اليوكون

وطبعا أكشخ

وفي البيع مايطيح سعره وايد

والراي راجع لك

اذا أنت راعي سفر وبر لاتاخذ الا (لاندكروزر) والأمريكي لاتقرب له خير شر.........................





والسعر لايشكل فارق عندك لأنك بتحس بعد الشراء أن الفارق في السعر يستاهل أنك دفعته لأن الموتر الصراحه كل ريال فيه مو خساره.




واذا تبي نصيحتي من الحين وخر عن اليوكون تراه موتر مو شي



ومبارك عليك السياره اللي بتشتريها مقدما:cool: :cool:

vxr
بالنسبه للراحه والامان
اضن الكلام فيها ماله داعي
لان النتيجه محسومه مسبقا لـ..........:rolleyes:

والتحمل وقطع الغيار ماادري عنها

والرمل اللاند افضل نسبيا

اما الاقتصاديه
فاليوكون تصرف اكثر بالتأكيد مع انها اقتصاديه جدا بالنسبه لمحرك 5.7 ليتر

================
stp

المسأله ماهي امريكي ولا غيره
والسفر مافي مقارنه ابدا ابدا ابدا

================
VX-R ,و S.T.p

ياشباب بلاش التحيز الي ماله داعي

وبدون اثباتات

الرجال يبي يشتري سيارة

ما يحتاج تلخبطون عليه

اذا مو متأكدين من كلامكم

واتمنا يكون عندكم روح رياضيه

سؤال اخير....
جربتو اليوكون؟:rolleyes:

السلام عليكم
اخوي انا جربت يوكن فور ويل موديل 2001 وجربت لاندكروزر بكل انواعه ..
اليوكن موتر قوي ما عليه كلام لكنه مب عملي وسعره مب فيه وقطع الغيار غاليه وايد اما الاند كروزر كل المميزات الزينه فيه و سعره مضمووون .. والصراحة مافي وجه مقارنة بين يوكن و لاندكروزر والدليل الي مبيعاته اكثر .. شوف اشكثر مبيعات لاندكروزر و شوف اليوكن ..
اخوي توكل على الله وخذ لاندكروزر وتأكد انك ما خسرت شي من فلوسك سعرررررره فيه ..
تحياتي

قطع غيار غالي..
يمكن

مب عملي..
هاذي ما تنفع

اما سعره مو فيه
هذي ماتمشي ابدا

واذا افترضنا ان سعره مو فيه
بكم تبغاه؟؟؟؟؟
90000 ولا80000

بصراحه مهما كان اللاندكروزر
فسعره مبالغ فيه جدا

الله يسلمك يا v8

اولا انا مب متحيز
وثانيا انا مجرب اللاند كروزر
وثالثا وش اثباتاتك انت !!!!! اللي تزعم انها عندك ؟

ومن ناحيه قطع الغيار ... ما ابي اتكلم فيها لأن الجواب معروف ؟ واذا ما تعرفه انا اعلمك ( الياباني ارخص واسأل أي حد )

وانا انصح الرجال وما ألخبط عليه



والدليل على ان الكروزر انجح


انه تباع في الخليج سبع كروزرات ( إذا ما كان أكثر )

مقابل يوكون واحد

واقول


جربت الكروزر ......:rolleyes:

عزيزي VX-r
انا اقصدد بالاثباتات المعلوات الموكدة

اذا اعتبرنا ان اللاندكروزر افضل من اليوكون لأن مبيعاته اكثر
اذا
كورولا احسن من الكسز
ومكسيما احسن من F50
وبيتل افضل سيارة في العالم

كلام غير منطقي

(والدليل على ان الكروزر انجح )

في فرق بين الانجح والافضل

=====
E55
رجاً خليك بعيد:rolleyes:

v8

تقارن بين لكزس وكورولا

ومكسيما و إف 50 ؟؟؟؟؟!!!!!!!!!!!


هاي من المستحيلات


أولا الكزس مصنوعة لتكون سيارة فخمة

والفرق بين الكورولا واقل اللكزس أسعارا اكثر من 70 الف !

لهذا السبب تنباع اكثر من اللكزس لأن مب اي واحد بمقدورته انه يجيبها صح ولا لا ؟

وثانيا : بين الماكسيما وال F50 ..... فرق السعر بينهم اكثر من 500 الف ( اذا ماكان الفرق مليون بعد)

الماكسيما صالون اولا وبعدين اي حد ممكن يتملكها لكن الفيراري لازم لها رخصه خاصه من الشركه ولازم تكون عندك سياره فيراري من قبل بعد ....

واللي يدل على النجاح هي المبيعات لأن اللاندكروزر صحيح اغلى بس تنباع بشكل رهيب .... وهاي ان دل على شي بيدل على ان اللاندكروزر افضل وما ابغي ازيد ))


لان المنافسة محسومة من سنين )))))))))))