قالت ما احبك قلت هرجك خرافه
* * * * * * الحب واضح في محاجر عيونك
قالت اجامل قلت يكفي سخافه
* * * * * * دقات قلبك سرها من شجونك
قالت غروري قلت يا الزين آفه
* * * * * * ياليت يالمجمول تنسى غــرورك
قالت كلامي قلت كله لطافه
* * * * * * اذا تحدثتي و بانــــت سنونك
قالت قوامي قلت غض بنحافه
* * * * اخاف عليك بعض البشر يحسدونك
قالت وداعي قلت شئ اخافه
* * * * * * أخشى تحرقني مدامع عيونك
قالت تصبر قلت ما من حصافه
* * * * * * فكري تبدد تايهن في فنونك
قالت اعدانا قلت فيهم لقافه
* * * * * * ما اطيقهم حيث انهم يكرهونك
قالت لي قلبك قلت زاد ارتجافه
* * * * * * من يوم تناديني و الا اشوفك
قالت تبالغ قلت قلت هرج اعافه
* * * * * * انا صريح و ابعدي عن ظنونك
قالت غرامك قلت سر الكلافه
* * * * * * عانيت من حبك و ازاد فونك
قالت احبكقلت وين الضيافه
* * * * * * وين الكرم و الناس به ياصفونك
قالت لقانا قلت بأرض الرصافه
* * * * * * بالقرب من اهلك و اللي يبونك
قالت لي مهري قلت ما هو حسافه
* * * * * * انا من اللي بالذهب يلبسونك
قالت فرحنا قلت تكتب صحافه
* * * * * * في دفتر المأذون عدي شروطك