_:بذمتك؟؟؟؟ .

_:أي والله من تعينت وأنا على هالحال .

_:أنت من تعينت صار لك ثلاث أيام .

_:ومن أول يوم حطوني بها لقسم الأغبر قسم الصادر والوارد .

_: حظك يكسر الصخر، أنا قدمت معاك بيوم واحد وللحين ما تعينت ،

_: عزالله تفنشت الله يكفينا شر عيونك .

_: هاهاهاااا لا تخاف عيوني باردة مثل حظي .

_: لا تفكر إني فرحان بهالشغله والله ودي انتقل اليوم قبل باكر .

_: كل اللي قعدتهم ثلاث أيام أجل شتقول بعد ثلاث سنوات ؟

_: أنت مفكر انه شي بسيط انك تقعد بين ثلاث حريم وأنت الرجال الوحيد بينهم ؟

_: وجيه حلوه وأصوات ناعمة ابرك من البعارين اللي حولنا(قالها بصوت خافت)

_:البلوه الكبيرة إن المسؤولة حرمه بعد من ربع حرية المرأة وعذري مايقنعها

_:الله يعينك عاد أنت مشكله كل اللي حولك شنبات المره الوحيدة اللي تعرفها أمك

_:حتى خوات ما عندي، بديت تحس فيني يعني انقلبت حياتي فوق حدر ودخلت جو غير جوي

تصدق إني خلال المدة هذي حفظت أسماء خمس ماركات عطور و أربع أنواع كريم أساس

وعرفت الفرق بين البديكير والمنيكير كل هذا من السوالف اللي اسمعها .

_: كركركركر ما تعرف ماركة دلاغات جيده؟ الوالدة تبيلها جوزين .

_: اي تطنز يحقلك، كل هذا يهون المصيبة إن أي مراجع يدخل علينا المكتب يشوفني راز وجهي

يبطل حلجه بخبث ويهز راسه من فوق لتحت وعيونه علي وهو يبتسم كأنه يقول إي شعليك

ذاك اليوم واحد باعها وقعد يرقصلي حواجبه ، ما تعرفلك واسطه ابنتقل بأي طريقه .

_: خالي يشتغل رئيس قسم ينفع ؟

_: ينفع بس وين يشتغل؟

_: رئيس قسم السموم في مكافحة القوارض .

_:قم قام طحلك ،وأنا أقول ليش كل ما أشوفك أتذكر الفيران ..

بس ودي تعلمني...

شنو الفرق بين البديكير والمنيكير ...

مع تحياتي،،،،

يقولون يا توفيق
ان واحد منهم لاظافر الرجلين
والثاني لاظافر اليدين
وزعهم مثل ما تحب