قمت من فتره قريبه بتجربه الJEEP LIBERTY 2002
المحرك: V6 3.7
القوه:210@5200
العزم:225@4000
التسارع0-60: في حدود 10 ثواني
القيمه: 25000$
السياره الي قمت بتجربتها سبورت يعني رقم 2 او 3
و كنت اتمنى اني اجرب الرقم 1 بس ما كانت متوفره
لان الظاهر ان عندهم نقص حاد في بعض قطع غيار رقم 1
و الطلب كبير عليها ايضا
السياره مختلفه تماما عن الشيروكي من ناحيه الشكل و ايضا الابعاد الداخليه و الخارجيه
و قت التجربه قام بمرافقتي 3 من الاصدقاء
واحد منهم عجبته السياره
الثاني كان ينتقدها طول الوقت
و الثالث كان محتار شو يقول
بالنسبه لي انا اعتبر ان شركه JEEP تسرعت كثير باستبدال الشيروكي بهذي السياره
هذي السياره ممكن تكون سياره جيده بحد ذاتها و لكنها لا يمكن انها تحل محل الشيروكي
نبدا بالتفاصيل
من الداخل احلى و اجود من الشيروكي و ضعيه الجلوس لا باس ابها التعليق كان ممتاز و مريح و من ناحيه الوسع كانت اوسع بقليل من الشيروكي
مساحه التخزين الخلفيه كانت ضيقه و ما تتقارن بالشيروكي
الي كانت اصلا صغيره
و المقاعد الخلفيه على حسب كلام الي ركبوا معاي كانت جيده بس الصعود و النزول منها كان صعب خاصه اذا الي كانوا راكبين في الامام مريحين عمارهم
و بالنسبه للتاءديه كانت غير مرضيه على الاقل في التسارع يا حسافه و الله ,الناس يشوفون فوق و يتطلعون الى الافضل كان من المفروض انهم يركزوا على مميزات السياره و يحسنوا فيها هم صحيح انهم عدلوا العيوب ( الليبرتي هاديه و مريحه) بس هم بعد ضحوا بالتاديه بالرغم من ان معظم المنافسين ركزوا عليها.
انا اشهد بهدوء السياره على السرعات العاليه بس انا افتقدت صوت الشيروكي و نغمته العاليه
بالنسبه لاداء في الصحراء فانا من الصعب علي اني احكم من غير التجربه الفعليه
للعلم السياره تستخدم نظام الاكسلات في الامام
و الي يخوف الواحد منه (لكثره مشاكله) مقارنه لنظام الدفريشن
بس لين الحين ما سمعنا شئ عن مشاكله و البائع اكد لي انهم ما استخدموا هذا النظام الا بعد دراسه و تجارب قاسيه اكدت لهم سلامته و فاعليته.
على العموم هذي السياره بتكون ممتازه اذا ما كان عندك اي خلفيه عن الشيروكي لان الشيروكي شئ ثاني (راي شخصي)
عرض نسخة للطّباعة |
ارسل هذه الصفحة لصديق]
