المشكله اللي راح اتكلم تخص السعوديه بشكل خاص بس اتمنى من جميع الاخوان التعليق وابداء الرأي فيها...

مشكله يعانيها كل شاب وفتاة تخرجوا من الثانويه العامه وهي مشكلة القبول الجامعي تخيلوا معي ان كل طالب وطالبه تقل نسبته عن ال 85% لايحق له التفكير بالحصول على مقعد جامعي الا طبعا من كان حرف الواو عنده موجود(حرف الواو=والواسطه) يعني الاب اللي ماهنا ذرابه(ذرابه=ذكاء وفطنه) ينسى ان بنته او ابنه يدخلون الجامعه ويعيشون حياتهم مثل مايعيشها اي انسان ...تخيلوا معاي ان نص الدفعه المتخرجه او اكثر راح يكملون حياتهم بالشهاده الثانويه...احدى الصديقات راحت للجامعه تسجل اختها اول مادخلت من الباب قالولها ارجعي مالها مكان نسبة الطالبه86% علمي طبعا.طيب لو اي قسم ادبي وتحول قالوا مافيه تقفل القبول على 88%يبون يقنوعنا ان بنات السعوديه كلهم نسبهم من 88% وطالع مع ان مثل ماشاف الجميع اغلب البنات تقديرهم هالسنه جيدجدا..
هل يعقل ان الجيل الجاي بتصير الثانويه العامه هي اقصى شي يقدرون يوصلون له...
طبعا بعد ماتنتهي مشكلة التقديم يجي القبول احد الطلاب تخرج من الثانويه بنسبة 97% طبعا الولد رايح يسجل في كلية الطب والروح المعنويه عنده حاقه ماحصلتش المهم تجاوز امتحان القبول وصل للمقابله الشخصيه وماادراكم ماحصل في المقابله الشخصيه اقراوا معي وش صار...
قبل لايدخل الطالب للمقابله طلبوا منه يكتب برنامجه اليومي المهم كتب برنامجه من ضمنه انه يروح الساعه ثلاثه ونص الفجر للمسجد عشان يأذن في الناس الولد ماشالله في التزام المهم دخل الطالب المقابله شاف الدكتور اللي بيقابله ملتحي قال الحمدلله اقل شي بيصير ذمه ويخاف من ربه سلم الطالب وجلس بدا الدكتور بالمقابله قاله يافلان في البرنامج اليومي كتبت انك تأذن في الناس الفجر ماتحس ان هذي مضيعه للوقت !!!!!!!!!!!!!!!!!!!!!!!!!!!!!!!!!!!!!!!!!

الولد انصعق قال لا والله بالعكس انا هاذي سواتي كل يوم ولا أثر على مستواي طبعا الدكتور وصلت معه ويصرخ على الولد ويقول انا اكبر منك ومن ابوك وادرى منك.!!
نزل الطالب راسه وسكت..
ساله السؤال الثاني ...قاله لو ابتعثتك الدوله للدراسه في الخارج وشفت احد زملائك مع فتاة وش راح تسوي ..قاله الطالب بحكم زمالتي مع الولد بنصحه وبفهمه انا جايين هنا للدراسه مو لهالامور...

قاله الدكتور اجل احسن لك انت تدخل دعوه هالقسم مايناسبك,قاله الطالب انا لو بدخل دعوه دخلت وبنقبل علطول بس انا قدمت على هالقسم لاني ابغاه..قاله الدكتور يصير خير تفضل خلصت المقابله..
طبعا اوراق الطالب كلها راحت لسلة المهملات الولد رجع لبيتهم مبسوط ومتفائل ويحتري بس يروح يستلم اشعار قبوله..ورسب بالمقابله الشخصيه...لين حولوا له اقاربه ودخل في اختبار المفاضله (اختبار المفاضله يجمعون فيها الطلاب اللي رسبوا بالمقابله الشخصيه ويختارون افضل الدرجات وينقبلون)

تخيلوا معي ان هالكلام صار في جامعه الملك سعود في احدى مناطق المملكه.........

عطوني بعض التعليقات والحلول اذا وجدت.....

السلام عليكم ورحمة الله وبركاته
والله ياأختي ما ادري ويش اقولك
لكني اضم صوتي لصوتك
انا طالبه جامعيه في أم القرى
ويحز في نفسي اللي يصير في الجامعات
اتخيل انه لو كانت في جامعات أكثر
كانت انحلت الأزمة
هم دايم يتحججون انه مافي مقاعد درسيه
طيب وسعوا الجامعات افتحوا غيرها
ما اظن انه مافي إمكانيات
واظن انه الدراسه هي أهم شيء
لكن لا حياة لمن تنادي
ما عندنا غير الدعاء
الله يفرجها ان شاء الله.

هلا بالاخت بنت الرياض


وين الناس؟؟؟

http://www.swalif.net/sforum1/showt...?threadid=96704



بالنسبه للموضوع مهم مره وغايه في الخطوره.....بصراحه اعتقد ان عدم القبول في الجامعات ازمه حقيقيه لدينا...


الحل سهل جدا وهو
افتتاح جامعات جديده ....ثمان جامعات لاتكفي ابدا لاستيعاب الشباب والشابات والمطلوب مضاعفة هذا العدد على اقل تقدير

مثلا لبنان وما ادراك مالبنان....ولا تجي جزء من تريليون جزء من السعوديه فيها عشرة جامعات اهليه ((الاهليه فقط))

طبعا هذا الحل هو مسؤلية المسؤلين وليس توفير التعليم معناتها الالتزام بتوظيف كل خريج جامعي....

لكن التعليم هو الضروري....

يعني يكون عندنا شعب مثقف عاطل... احسن... من شعب متخلف عاطل




مثل ماقلت هذا الحل بيد المسؤولين بس ....اما في الوضع الراهن فالحل الوحيد لمن يريد ان يواصل دراسته بعد الثانويه وبعضهم معدله يتجاوز 90 في المائه ومايحصل قبول:(:(....نظرا لمحدودية المقاعد الدراسيه ...اقول الحل الوحيد هو الدراسه في الخارج

كندا...امريكا...استراليا
أو الدول العربيه.....مع تجنب الاردن:(...مع العلم ان فيه طلاب سعوديين يدرسون في الاردن وفي اليمن حاليا وهم في تزايد..

هذا هو الحل الوحيد اللي باليد....وبالاخص للقادرين


مع ملاحظة انه بالنسبه للبنات صعب جدا واحيانا مستحيل


اما غير القادرين والطموحين فالله يتولاهم برعايته....
مافيه حل حاليا




على فكره: الجامعات الامريكيه والكنديه تقدم منح دراسيه مجانيه للاف من المتفوقين في الثانويه الاجانب....بس هم قاصرينها على الدول اللي يعتبرونها فقيره....مثل الهند بنغلاديش السودان وغيرها كثير....

طبعا دول الخليج لايمكن ان يحصلوا على منح مجانيه للدراسه الجامعيه لانهم يعتبرون دول غنيه.......لكن ممكن يحصلون عل منح دراسيه على مستوى الدراسات العليا





الجزء الخطير في الموضوع يكمن في البطاله في خريجي الثانويه اللي مايحصلون قبول

يعني لاجامعات لامعاهد لاتدريب وكذالك لاتوظيف ولاعمل؟؟؟؟



القطاع الخاص وما ادراك ماالقطاع الخاص ...اذا جاء مواطن يبي يشتغل اما يقابله اجنبي مايسوى جزمه وانتم بكرامه ويصرفه او يوظفه ويذله .....


تخيل في بلدك يرأسك اجنبي ويوطى على راسك:(


((في المانيا لايمكن ان يرأس اجنبي مواطن الماني مهماكان خبير وعبقري ومهما كانت جنسيته في اي مجال وفي اي شركه او مؤسسه))


أو يقابله مواطن ثاني من افرازات عصر الطفره ...ويقول له "ماعندنا وظايف"...الله ياالدنيا.... اللي خلت الخبول والزلايب مدراء وواصلين.....

والا يقول له "مؤهلاتك ماتكفي"

هو صادق.....ماعندك مؤهلات الاجنبي اللي عنده
personal nice services

اختي العزيزه قطر الندى....من المؤسف اختي الفاضله ان نرى مانراه من جد في السابق كان الموضوع عباره ن مكافأت جامعيه وانها ضغط وماني عارفه ايش بس الحين المكافأت وانقطعت ماندري وش سبب هالوضع اللي احنا فيه ...

أبو نايف..اخي الفاضل الحل مثل ماقلت افتتاح جامعات مااعتقد ان دوله متتقدمه مثلنا يكفيها ثمان جامعات خصوصا بعد هالتطور والاقبال لى الدراسه الجامعيه...وعلى قولتك شعب مثقف عاطل ولا شعب متخلف عاطل.
والحل اللي قلته وارد وكثير يسوونه طبعا الذكور منهم ...والبنات شيسسوون من جد مشكله !

الادهى والاعظم هو ان حتى فكرة الجامعات الاهليه ماتطبقت بطريقه صحيحه هل يعقل ان كلية الامير سلطان الاهليه قسم البنات لايوجد فيها الا قسم واحد وهو الحاسب الالي وقسم الاولاد مايحق لطلاب القسم الادبي دخولها يعني مخصصه للقسم الاداري والعلمي شي غريب من جد حتى التكاليف الماديه للدراسه مبالغ بشكل واضح فيها ....الامور صعبه ويبغالها دراسه صحيحه ودقيقه وترتيب جيد للامور.

زمان كان الاجانب مايقدرون يدرسون بجامعات السعوديه بحجه ان

اماكن الجامعه السعودين اول فيها...


انا ارى الحل هو السفر والا الجيل القادم بيكون جيل جاهل غير متعلم....

لقد قلت ان الجامعات بكندا و امريكا تقوم بدفع منح دراسيه .

اقولك ان في كندا كمان -ما ادري اذا في امريكا نفس الشئ- تقوم الحكومه بدفع القسط للطالب وعندما يتخرج ويحصل على وظيفه يقوم برد المبلغ بالتقسيط....

وعلى فكره في كثير شباب يدرسون بهذه الطريقه لان طبعا فلوس ماعندهم واهلهم مايدفعون لهم الا نادرا رغم ان الاقساط ابدا مش غاليه....

بس حبيت اضيف هذا الشئ ممكن انكم تتشجعون

عزيزتي misslbnan..هاذا كان في السابق ان الاولويه للسعوديين

الحين حتى السعوديين صار صعب عليهم يدخلونها الا مثل ماقلت

اللي الواسطه عندهم تمشي امورها...

هذي اضافه>>>>>>> موب تصحيح