اولا اشكر كل من شرف عزيمتنا يوم الخميس واستمتع معنا بالوقت
وهيصنا في كورنيش الخبر وبصراحه ونستونا وما قصرتوا ويعطيكم الف عافيه
ولان فيه بعض ناس ماجو ودي احكي لهم (ع اللي جرا) واللي صار

بسم الله:

من الصبح قمت وصحيت ام سعود تجهز لوازم العزيمه وانا رحت للمندي ارمي لهم الخروف يجهزونه مفطح
ومريت سوق الخضار اشتري لوازم السفره من خضره وفاكهه وبعدها عرجت على السوق اخذت لي بارد ومويه وسفر بلاستيك وملاعق وسكاكين وخلافه الا يوم دقت علي ام سعود جوال تبيني اجيب لها مقادير حلا ودها تسويه في البيت
ما جا صلاة العصر الا وكل شي جاهز وما هي الا سويعات والا ها التليفونات من كل حدب وصوب يسالون عن المكان والوقت (ماكني قلت لهم بعد صلاة المغرب في الكورنيش)
ما اذن المغرب الا وانا محضر في الكورنيش وامسك في ذاك الهندي يساعدني في تنزيل الفرش والزل وفناجين القهوه والشاي وخلافه
اتصلت على تاكسي :
انا: الو تاكسي
تاكسي: هلا ابو سعود
انا : وينك فيه?
تاكسي: في الخط جاييك بس تعرف عاد زحمة الشوارع ونا ما دل زين
انا: خلاص اول ما توصل دق علي عشان اجيك عند المدخل
الا ما قلت لي كل الاعضاء معك?
تاكسي: افا عليك كل ابوهم
(الله اكبر عليك حاشرهم في هالقرمبع الاصفر معك)
تاكسي: ويش تقول تراني ما اسمعك الجوال يقطع
انا: لا ما اقول شي بس عجل الله لا يهينك تراني محتريكم
تاكسي : زين ان شاء الله

بعد ربع ساعه الا وتاكسي يدق على جوال
تاكسي : الو ابو سعود وينك فيه
(الله ياخذ ابليسك يعني وين في الكورنيش اكيد)
انا: هلا تاكسي ما شاء الله عليك وصلت بسرعه
تاكسي: لا والله يخوي الا تعطلت السياره
انا: وينك الحين?
تاكسي: يم التميمي
انا: خلاص انا الحين اجيك خللك مكانك
رحت ادور ميكانيكي وبالكود احصل واحد نفر تمام كويس واوديه لسيارة تاكسي وصلحناها




يلله وراي للكورنيش
( بحاري مسكين محشور في هالسياره وده يجي معي )
يوم وصلنا الا وننزل الحريم عند ام سعود
شويه الا وام سعود تدق علي جوال: ابو سعود وين موزه?
انا: افااااا ما جت مع باقي الربع لحظه اسال تاكسي
تاكسي وين موزه?
تاكسي: موزه وغريب نجد ومدردش(شلة المشرفين) لاحقين في السكه
انا: خلاص يا ام سعود جايين في الطريق
ام سعود: يعني اوزع عليهم الفصفص والا انتظر موزه
ابو سعود: طوط طوط طوط (قفل الجوال ماهوبفاضي لسوالف حريم)

البحر كان هادي والقمر مكتمل والجو حلو بس كان فيه شوية رطوبه

عاد البحاري من يوم شاف البحر انجن ..وراسه والف سيف الا ويسبح والا يسبح(ما الومه جاي من الرياض حده صحاري الثمامه)



ولا هي شوي الا ونسمع ذيك الونانات والزحمة وسيارات شرطه(تحرك ... تحرك اطلع من الخط انت وياه)

وي وي وي وي وي وي وي وي
احمر ازرق احمر ازرق احمر ازرق احمر ازرق

خير ان شاء الله
والله يوم نزلوا اثنين بودي قارد من ذيك السياره اللي ايش طولها وجايين عندنا



وين ابو سعود?
انا: نعم سم ?
البودي قارد: انت ابو سعود?
انا: نعم تفضل امر
وبدون اي كلام او همس غمز واحد للثاني وينطلق جري لذيك السياره الطويله ويفتح الباب الخلفي



الا ويوم نزلوا منها مدردش وغريب نجد وموزه(شلة المشرفين) وهات ياترحيب وهات ياسلام وهات يانصب
واللي عنده موضوع انحذف وده يعرف ليه
واللي عنده صديق يبي يسجل والتسجيل مقفل واللي يسالهم عن رايه في موضوعه اللي محد رد عليه واللي يبغا وريهم انه محد قده (والله الف شكر على ردك على موضوعي اللي فيه 54321095475 رد) الموضوع طلع مين اللي موجود الحين
وبصراحه حاجات غريبه وحاجات عجيبه
وهالبودي قارد مافيه الا ذب في الخلايق ويبعدونهم عن المشرفين لين وصلوا بالسلامه
عاد الا يوم قلطناهم في صدر المجلس وبدينا نتماعط اطراف الحكي وفناجين القهوه تدور وما قصرت سعوديه جايبه معها تمر سكري من القصيم تقول انه محصول ذي السنه عاد والله مدري عنها


اففففف تعبت والله واتعبتكم معي
ايش رايكم نواصل الحلقة الجايه
ترقبوا الجزء الثاني من قصة يوم الخميس وشلة سوالف

مساء الخير .. ابو سعود

اخبارك ..

لازم تقول بكل شئ صار .. نسيت ما اقولك عندي حساسية من البحر.. ويوم جيت الهاف مون كان راح اموت من بحركم

لكن اجازتي حلوه مرة .. وفاتك اكل الديره

تحياتي ..

اهلين بحاري
حمد الله ع السلامه ياجاي من السفر

عسى بس ما حملوك بصواريخ باليستيه لنقلها الى الرياض؟

مساء الخير .. أبو سعود

اخباري الحمدالله تمام ..

ههههههه .. لا ماحملوني .. موجوده في الرياض من زمااااان

" شيك ايميلك "

تحياتي ..

هلا اخوي بحاري

توي قريت الايميل ومشكور

لكن لو ترسلنا شي ب DHL والا في الايميل يكون اسرع

على فكره ما اشوف احد من المعازيم هنا وبصراحه هذا ما يشجع

على طرح الجزء الثاني

وابشرك لان جوالي مقطوع مؤقتا عن الخدمه تراني رقمت بجوالك في

الراشد الليله انتظر المعجبات

حقيقة أنا من المتابعين لتعقيباتك على بعض المواضيع وأجدها جميعا تنبيء القاريء أنك امام شخص محب للخير وأهله وذو صفات قلما نجدها في بعض من يدعون الالتزام هداهم الله 0

بقي أمر أحببت تنبيهك إليك حتى لا يكون هناك شيء من قدح هذه الصورة الجميلة التي رسمتها لأخي في ذهني وهي ذلك التوقيع المحتوى على صورة امرأة إن رأيت أن تستبدله أو تعدله وجزاك الله خيرا ولا سيما وأن أم سعود ربما تطلع عليها فتتنبه لها وبعد ذلك ستحرق عليكم الحلا وما يصير حلا 0

وقد وجهت نصيحة للأخ بياع القلوب كذلك ولكنه يبدو أنه منشغل ولم يرى رسالتي 000

وفقك الله وبارك لكم في جمعكم 0

الاخ او الاخت سنابك

اولا لا يسعني سوى ان اسوق لك عبارات الشكر والمديح لذلك الاطراء

الذي قلتيه عني

اما عن موضوع الصوره الموجوده في التوقيع فيعلم الله انني كنت لا

اريد وضعها ومتضايق منها بعض الشي ولكن احد الاصدقاء اصر على ن

اضعها اثناء تصميمي للشعار

ولكن اعدك بان ازيل هذه الصوره في اسرع وقت

اذا لم يكن حياء من الناس فعلى الاقل حتى لا نحرم من حلا ام سعود

(الغايبه الحاضره)

وجزاك الله خيرا سنابك

هلا ابو سعود

كل الي في سوالف يتكلموا عن عزيمة يوم الخميس وعن ام سعود ;)
يقولوا مره شيك ودمها خفيف ههههه

وسمعت كمان انه ماجننهم الا سعود يلعب بالشاهي
وكب السكر ويخوف الصغار هههههه وبس يبكي
يقولوا شيطان زي ابوه هههههه ;)




في شوق لرؤيت الفصل الثاني ;)

مساء الخير .. القلب الوردي


هههههه .. مين نقل المعلومات المغلوطة هذه

أبو سعيد .. باقي له 20 سنة .. حتى يتخرج من الجامعة .. ومثلها حتى يتزوج

اما الجزء الثاني .. راح يتأخر .. بسبب أعمال الصيانة

يهاهاهاهاهاهاه

تحياتي .. ابوسعود

اهلا فيك القلب الوردي

لو وقفت على اللعب بالشاهي كان اهون بس انه جنن حتى المشرفين

في القسم

راح يلعب في سيارة المشرفين اللي تشوف صورتها فوق


الجزء الثاني قريبا ان شاء الله وفيه مغامرات الاعضاء في تلك

الليله

شكر الله لك أخ أبو سعود على هذا التجاوب الجميل وما ذلك إلا زيادة ليقيني على يقين انك تحمل بين جوانحك حباً يسع الكل بجماله 00000

فبارك الله فيك وفي أهلك وولدك

أخوك سعيد الزهراني / أبو خالد من كويتبي الساحة المفتوحة

اخي العزيز ابو خالد

ان كان هناك من شكر فانني اشكرك بعد الله سبحانه وتعالى ان

ارشدتني الى ذلك فجزاك الله خيرا وجعله في موازين حسناتك

ويسعدني ان تكون اخا وصديقا ويسرني ان اتلقى النصح منك ومن

الجميع

شكرا مرة اخرى

من جد فاتتني العزومة ...
انا انتظر الجزء الثاني بكل شوق ....يلا عاد لاتصرو مثل تلفزيوننا نزلو الحلقة الثانية ..وحظك ياعم معاك البحاري ومدام معنا البحاري مالي ومال النجوم

أفا يابوسعود

عزيمه من ورانا.....وبعد على البحر

ولا.....فين فى الهاف مون


حرام عليك ذبحتنا شمس الرياض نبي نتحمم شوي ونسبح

الله هداك.......راحت علينا

اهلين دكتور ريان والاخ بشار

ولا فاتتكم ولا شي ابشروا بالعوض

الحين لالبحاري يكمل الالفية الاولى وابشروا بالعزيمه

اللي هيه

واذا كانت عزيمتي في الكورنيش فعزيمة البحاري راح تكون

في شاطئ ارامكو - ابسط يعم من قدك: والله لو توصل اربعين

الف موضوع مادخلوك للشاطئ-

بصراحة عزيمة متكاملة وحلوة وفلة ويا سلام سلم

أما من ناحية أم سعود فخذ عندك حرمة تحطها على يمناك ..

تبيض الوجه

طول القعدة وهي ذابحتنا قشمي قشمي :p

بس عاد خل عنك السكري اللي أنا جبته والله ماله مثيل بكل الدنيا وانت وش عرفك بالسكري خلك من الكرنيش وجاي

ويا سلام عليك كل ذيك الكليجا اللي أنا مسويتها بيديني وما تجيب طاريه والله مالك خاتمة

بس ترى تعبتوني أنت وام سعود وسعود الله يهديه ولدي شيطوني مات يبي يلعب بسيارة المشرفين ولا قدر من شطانة سعود الله يصلحه

بس والله أثاريهم موب سهلين وعندهم إمكانيات والله قهرتنا موزة راكبه روز وحنا مع تكسي والله حالة

بس وش هذا التكسي بالله عليك اللي بياخذ كل اهل سوالف هذا شكله تكسي قريندايزر :p

وما عليك عندي وانا أم شيطوني لخليكم المرة الجاية في شاطئ أرامكو وأعطيكم الخيام اللي تبونها موب لله بس علشان نسوق هناك ونسبح على راحتنا وما نلاقي اشياء بالبحر تخوف يا ناس هناك بحرهم نظيف بالحيل

ما شاء الله عليك عزيمة ولا كل العزايم شفت كل البنات وانبسطنا تسلم ويعطيك العافية

والله يجيب لك أم سعود اللي تقر بها عينك ..

تحياتي لك

اهلين اختي سعوديه

بصراحه اشكرك انت على تشريفك لنا وترين ام سعود عليك واااااجد

وتقول يعطيك العافيه ونستيهم ذيك الليله

لكن ويش هو القشمي ذا? ترا حتى هي سالتها عنه وما تعرفه يمكن

طفحت منه ومهي داريه شي

الا على فكره ام سعود ودها تتعلم كيف يسوون الكليجا مليت

اشتريها كل جمعه بعد الصلاه والقاها ميبسه مسوينها من اربع

سنين

بس كله كوم وخيم في شاطئ ارامكو كوم

عاد خيام بالله عليك ليه طالعين ابو حدريه ?

اما عن السواقه فحتى عندنا في سكن الجامعه لو جيتينا تقدري

تسوقين(تري ما امزح معك)

على العموم مشكوره وترقبي الجزء الثاني وشوفي عمايلك اللي

سويتيها

مساء الخير .. ابو سعود

ههههههه .. مسكين .. مليت من شاطئ ارامكو .. صح ما يعجبني .. لكني رحته كثير مرات .. يهاهاهاهاهاهاه..

وعلى فكرة احتمال .. اجيكم الاربعاء .. وعشاك معاية هناك على شاطئ أرامكو .. بس جهز ملابس السباحة ..

و لاتنسى القشمي .. الى قالت عليه سعودية .. بس انا منا مسؤول لو طلع القشمي شئ نسائي

تحياتي..

هلاوين بحاري

اذا فعلا جاي الاربعاء فتلفوني عندك "اتصل فورا نصل"

اما موضوع القشمي فلا زلنا ننتظر اخر النتائج من مختبر التحليل

لاننا ارسلنا عينه الى واحد قصيمي من زملاي بعد ان ابدت سعودية عدم تعاون معنا في القضية والى الحين ما وصل الرد لكن الله يستر بس

(انا اكلته لام سعود وما ادري ويش هو ربك يستر)

لو تدري كم كلف التاكسى على وكل هاذا على شانك انت والماعازيم لكن انا راح اخذها منك بالخصب والا بااطيب لانك انت السبب..........................



وعلى العموم انا سامحتك ما عاد ابيغي شىء بس لاعاد تسوي فيها كريم......مثل حاتم الطائي..........

هههههه هلا تاكسي

انت ماهمك كرمي الحاتمي انت بالك على التاكسي القرمبع

لكم العزيمه الجايه انا راح استاجر لهم باص واجيبهم فيه



اما تكلفة التصليح فبنجمع القطه من الشباب ونعطيك

شكرا اخي على التواصل وحياك