السلام عليكم ورحمة الله .......
قررت ابدأ سلسلة قصص و مواقف طريفة .. او نكت او كاريكاتيرات .. حسب المتوفر ...
لأني اسمع احيانا اشياء طريفة واقول باكتبها في المنتدى لكن انسى ..
:rolleyes:
واشكر كل اللي يكتبون مشاركات من عندهم ..
على العموم .. ما باطول عليكم .. تذكرت موقفين حصلت لي ايام الدراسة .. :cool: انا متاكد ان في كثير ما يبون يسمعون طاري الدراسة !
لكن باذكركم بها لانها كانت ايام حلوة ... واحب اتذكرها ..
احد المدرسين قرر انه يحط درجات المشاركة بعدما يسألنا اسئلة يوميا
واللي ما يجاوب ينضرب !! .. وضرب المدرس هذا جامد :rolleyes:
قال لنا باوقف طالبين .. وكل طالب يسأل زميله سؤال ..
وفي الاخير بقي طالب واحد قال له المدرس .. اسأل نفسك سؤال وجاوب !
طبعا احنا حسدناه على الحظ هذا ... اكيد بيسأل نفسه سؤال سهل !
سأل نفسه سؤال ....... وجلسنا ننتظر الاجابة .. قال المدرس يالله جاوب !!!!
ولا عرف يجاوب !!!!!!
متنا عليه من الضحك .. .والمدرس على شدته ما قدر يمسك نفسه .. وضحك !!
والموقف الثاني ...
اني مره من المرات ... وفي الخمس الدقايق .. شفت طلاب يحلون واجب !!
قلت واجب ايش ؟؟؟؟؟؟؟ !!!! قالوا الفيزيا ..
و تذكرت اني ما حليته .. وطلبت واحد من اصحابي اللي توه حله وهو مستعجل ..
حليت الواجب بسرعه .. وخلصته قبل ما يجي المدرس .. وجمع المدرس الدفاتر .. وعدت على خير ..
ولما رجع لنا المدرس الدفاتر .. الا الاقيه كاتب لي انقل زين !!!!!!!!!!!!
استغربت .. كيف عرف ؟؟؟
لقيت اني بدل ما اكتب النتيجة النهائية 20م .. كتبت 220 !
لان صاحبي كتبها بسرعه .. وماكانت واضحة ..
وطبعا انحرجت من المدرس ... لانه كان شايفني طالب مجتهد ..
هذا اللي عندي .. وعسى ما طولت عليكم
عرض نسخة للطّباعة |
ارسل هذه الصفحة لصديق]
