هذه مقتبسه من احد المنتديات
بعد مفاهمه بسيطة وافقت وركبت معي بالسيارة
بسم الله الرحمن الرحيم
تبداء قصتي وانا راجع من الدوام بعد ما زوغت وخرجت زي عوايدي بدري من الدوام وانا راجع للبيت بسيارتي
الشبح ( موديل 2001) وانا مشخص على سنقه عشره ومنشي خشمي مع الشماغ وفجاءة !!
شفتها وكانت واقفة بين مجموعة و معهاحوالي 5 ولفت نظري كبريائها واعتزازها بنفسها وحسيت انها غير
عادية??
فرجعت مرة ثانية ولفيت من جنبهم وطالعت فيها وبادلتني النظره ووقفت جنبهم ونزلت من السياره ووقفت قدامها
وابتسمتلها وماقالت ولاشيء والسكوت علامة الرضى .
مالكم في الطويله ....................
.. ركبت جنبي في المقعدة الامامية وانا بأطير من الفرح وماني مصدق ان العملية ما اخذت وقت وشغلت لها
المكيف علشان كانت حرانة من الشمس الي كانت واقفة تحتها واخذت ادلعها واسولف وانكتلها ولكن كانت مره
مستحيه وحطيت أغنية وردة(( بتونس بيك وانت معايه)) وكأن الاغنيه اعجبتها وراحت تتمايل مره يمين ومره
شمال الين حصلت المفاجائة. !!!!!!!!!
دوريه من الشرطة وفيها ضباط وجنوديفتشون على السيارات قلتلها بسرعة اربطي حزام الامان لا تلفتين نظرهم
لا كن طنشت وكأنها ما سمعت ( مغرورة ) وقفت وبغيت ارجع للخلف ولكن كانت السيارات صفت من خلفي
وقلت في نفسي جاك الموت ياتارك الصلاة .
الحقيقه خفت قلت يمكن احد مبلغ عني عيال الحرام كثير والملاقيف اكثر وراح وجهي يحمر ويصفر والعرق
يتصبب!?
لكن المظاهر خداعة كأنهم اغترو بالشبح وبالشخصية الي فية واشرلي الجندي ( بالمنديل قال انا ماشي ) لالا
امزح اشرلي الجندي اني ا روح وما صدقت على الله وحطيت رجلي على البيت وانا أمني النفس فيها ومن لهفي
وشوقي ما منعني حيائي وحطيت إيدي عليها كانت ناعمة وملساء سبحان الي خلقها ولكن خفت احد يشوفني وتبقى
فضيحة ........
المهم وصلت للبيت وركنت السياره في القراش ونزلت وحصلت المفاجائة !!!!!!!!
أخوي الصغير سمع صوت السياره ونزل ويوم انه شافها اخذ يصيح وانا احاول اسكتة بس ياحبيبي لا تفضحنا
بأعطيك حلاوة عود الا بأعطيك بسكوت كرملة لاكن الملقوف ملقوف وخفت احد يسمعنا من الجيران لا كن مافية
فايدة فتان وفضحني واخذ يصيح وانا احاول اسكتة ولكن مافية فايدةالين سمعو اصواتنا الي بالبيت واجتمعو حوالينا
وخرجت الوالدة من المطبخ وشافتها !!!!!!! ( يادي الفديحة )
الحقيقة ما ادري ايش اسوي وقررت وأمرت اخوي يجيب ( ????)وجابها ونويت اتخلص منها نهائياٍ وجات
والدتي وقالت اتعوذ من الشيطان وعلى الاقل خلها بعد الغداء قلت مستحيل والله في سماة ماعاد تقعد عندنا دقيقة
ولازم نتخلص منها هالحين وبعدين قاهرتني من اول ما ركبتها معي في السيارةوهي شايفة نفسها علي بغرورها
وكبريائها وجاب اخوي السكين وطالعت فيها وتلاقت نظراتنا وودعتها بعيوني, ومن الوسط حطيت السكين وبكل
قوتي بسم الله والله أكبر قطعتها نصفين وصاحو اهلي كلهم وبصوت واحد هييييية حمــــراء.
وحمدت الله انها طلعت حمراء ماهو زي حبحبة ( بطيخة ) وبمعنى اخر (( جح )) امس كانت قرعا وبيضاء
لكن بطيخة اليوم الله وفقنا فيها وطلعت زي السكر وحمراء واجتمعنا عليها عقبال ما تجتمعون عند النبي .
وشكراً للجميع ..............
من الاخ TRUE
وتحياتي
عرض نسخة للطّباعة |
ارسل هذه الصفحة لصديق]
