رأيكم مهم في الرويال ياجماعة الخير ، ياشفراوية دخول

[الشبابي]

السلام عليكم ورحمة الله وبركاته


شفتوا مواصفات الرويال الجديدة وش رايكم فيها خصوصا لما اضافوا ba , ebd , pa اللي هي البريك استستنت و الاي بي دي والحساسات الامامية والخلفية ...
اشوف صراحة ان السيارة هذي صارت تستاهل الشراء بقوة خصوصا انها تجي اختياري ( في استراليا ) ببلوتوث مثل السيارات الفخمة للرد على المكالمات و ثلاجة كبيرة ... وسمعت ان المفتاح الجديد حقها مثل الكرت حق الكزس مايحتاج تطلعه من جيبك ....
يعني كل هذا ب 120 الف ريال تقريبا غير الشاشات اللي ورى والتحكم الخلفي للمكيف والمسجل والسماعات حقت الاذن والاوتو دمنج للمرايات والذاكرة للمقاعد و المسجل 6 سيديات و 12 سماعة وهيدوليك في الخلف و بايبراج جانبي وامامي وتخشيبة حلوة ووسع داخلي اكبر من الكزس ويقارب البي ام دبليو الجديدة وبمحرك 8 سلندر وبأنوار ليد في الخلف اشوف السيارة تستاهل وبقوة الشراء بالسعر هذا .......
اعتقد ناقص للسيارة هذي شيئين هما الانوار الزينون والستائر الخلفية والجانبية ...
لكن الغريب الالوان اللي نشوفها بالشوارع كلها يا ابيض او اسود ...فماهي الالوان المتوفرة على الرويال الجديد 2005 ؟؟؟













اخوكم الشبابي

[EL_3grab]

هلا الغالي ..

حنا عندنا كابريس رويال موديل 2002 ...

أحلى شي الكراسي الورانيه ..

ولا الـ760 مالنا .. لوووول ...

راحه وتحكم بالرادو والمكيف ..

وخاصه من 2003 وفوق تروم تاخذ التلفزوين اللي بمسند الراس ...

..

وطبعا لا تنسى مكينه الـLS1 ... عذااابي ...

..

مشكلة وحدة بتواجهك ..

الأزعاج الخارجي .. بشكل فظييع ...

وصوت السيارة كله في الكابينة ..

بس سواقتها ويلستها مريحه ..

..

وأن شاء يكونو حلو هالشي بموديل 2005 ...

:banana: :banana:

أخوك

EL_3grab

[الشبابي]

مشكور اخوي العقرب على ردك ..
اضيف اني جربت الكابريس الجديد حق واحد من اخوياي موديل 2004 ماشاء الله ما لاحظت حكاية الاصوات الخارجية اللي تقول عنها ...
















اخوكم الشبابي

[EL_3grab]

عيل مالنا المخشول ..

ما عندنا سيارة عدله فالبيت .. قلهم متخشولين ..

.. يعتمد على السواقة .. لوووووووول .. :banana:

الصراحه بقولك انا داعم مرتين بالسيارة ..

والقير اخوي كسرة مرة ... وزين كانت على الضمان ..

ولعب ما ينتهي بالكابريس .. واللند اللي عندنا ..

ألعاب البيت هاذيل .. :D :D

بس حشرة مقارنه بالألماني ..

والعفو

[مؤيد اف1]

الرويال الجديد 2005 فيه نظام مراقبة ضغط الكفرات..وفي شي انت نسيت ماقلته الي هو ان المرايات الخارجيه قابله للتدفئه..وشغلة المفتاح مااتوقع انها صحيحه:think:


في لون جديد اسمه أوديسي هذا اللون حلو وعجبني وفي المغرب يصير جنان:p

روح موقع الهولدن وتحصل كل شي الموقع (http://www.holden.com.au/www-holden/action/modeloverview?modelid=8000)

طبعاً في اختلافات شكليه خفيفه عن الي عندنا:cool:


والسياره خوش سياره وتستاهل:banana:

[جلكسي]

اخوي بصراحه انا اقول بعد هالتعديلات تستاهل الشراء


وانا شفت الوان كثيره على الرويال مثل الفضي والكحلي

لكن 2004 جنوطها للأسف خايسه يعني تفشل (وجهة نظر شخصية)

[Corvette_Stingray]

الشبابي اذا كنت ناوي على رويال اخذها وانت مغمض ..

انا عندي كابريس 2005 LS وقمة في الفخامه فما بالك بالرويال :shock2:

لو كان عندك المبلغ توكل على الله بدون ما تسأل :banana:

[s_sfs]

اخوي بصراحه انا اقول بعد هالتعديلات تستاهل الشراء


وانا شفت الوان كثيره على الرويال مثل الفضي والكحلي

لكن 2004 جنوطها للأسف خايسه يعني تفشل (وجهة نظر شخصية)

[mustang cobra]

بسم الله الرحمن الرحيم
السياره حلوه بس بنضري اذا انت شباب خذ ss اما اذا انت مشرف على الزواج خذلك رويال الرويال عيبه جنوطه والزوائد الي تحت ماهي مصبوغه بس ماهي مشكله تنصبغ بس اقول ما فكرت ب اي كلاس الجديد مستعمل ماشي شوي تراه حول هذا السعر واذا مصمم انصحك اصبر ويبغالك تعرف متى بيتغير الشكل لان الكابرس الجديد الشكل يتغير بسرعه نوعا ما ولا تنسى تستخير والله الموفق

[الأنصاري]

دام انك مقتنع فيها فاكيد هي حلوه :D :D

[AltimaSE-R]

بسم الله الرحمن الرحيم

بصراحة ... :headshak: ما انصحك بالاسترالى ابــــدا

تراه تعبان بالحيل ....

..اضرب لك مثال :
و احد من الشباب معاه رويال فضي كان في طريق الطايف و كان ماشي 180 كم
و الطريق ضيق و المشكلة سقط عليه راعي شاحنه وووو

حاسه عليه الكابرس و هذا ... وهو مليان انظمة ( للعلم موديله 2003 اخر دفعه )
و بعدها صدم بواجهت جبل و كملت السيارة و انقلبت ثلاث مرات ( :mad: لاحظ انقلبت )

و الى صار .... تكسر هو و الشباب الى معاه و لا طلع اي Air Bag ... مع انه فيه 10 ايرباق !!!! :confused: :confused: :confused:

...... والله مسكين .. وراح يبي الشركة تعوضه :help: .... قالوله اقلب وجهك !! و شوفه الان قاعد يقصد دم قلبه على سيارة ماهي فيه !!!! :cry: :cry: :cry: ( للمعلومة .. كان مأمن شامل )


نصيحة لوجه الله ... ابعد عن الشر و غنيله !!! :cool:

... يا اخي اقرب مثال .. روح لاي ورشة و قوله كيف اللومينا او الكابرس ...
راح يقول الهندي : ( هذا مافي كويس ) وهو يهز راسه :)

اتمنى ما اكون طولت ...
سلاااااااااااااام
( خذ التيما ابرك لك )

[TOP-SECRET]

اخوي الشبابي اذا انت بتاخذ السياره وتستخدمها استخدام صحيح انصحك فيها ماعتقد تحصل مثل سعر هذي السياره وبهذه المواصفات تقريبا شيء شبه مستحيل ولكن تحتاج بعض التعديلات الخارجيه مثل الجنوط تحتاج مقاس اكبر وايضا السياره من الخارج اعتقد تجي عندنا في الخليج من لونين لون فوق يختلف عن الي تحت او انه الي تحت مش مصبوغ من الاساس يعني تحتاج صبغ من تحت نفس اللون الفوقي وجنوط وبتطلع السياره 100% ان شاء الله

[Mr_CoRvEtTe]

الكابريس ابدااااااااااااااااااااااااااااااع وماعليه كلام

[الشبابي]

شكرا على الردود ياشباب ...
اخوي العقرب ...
يمكن الصدمات هي اللي سوت تنسيم الى داخل السيارة وبالتالي الازعاج ...
واحسن شي انك تشتري السيارة وتكسرها على راحتك ... انا اللي بأموت يوم من الايام ولا هي ؟؟


اخوي مؤيد اف 1 ...
صحيح هالمعلومة نسيتها انا ... ضغط الكفرات متواجدة بالخليج وشفتها بالكتالوج وبالنسبة لشغلة المفتاح فهي موجودة في موقع نيوزلندا بس ما ادري اذا كانت موجودة هنا ...

اخوي جلكسي و s_sfs ...
الجنوط خايسة ادري بس احسبوها بالعقل اخذ اس اس شكله حلو لكن انا مو حق مطارحات و الاس اس نازل شوي وتعليقه رياضي قاسي .. هو صحيح مع انه يعتبر قاسي الا انه مريح وناعم الا ان الرويال انعم وارتفاع السيارة اعلى عشان المطبات لأن الاس اس احيانا يحك من الاسفل والرويال من الخلف يجي هيدروليك يعني قمة الراحة ...
والاشياء الموجودة في الرويال صعب تحطها بالاس اس مثل الشاشات والدي في دي والذاكرة حقت المقاعد والسماعات والانوار والمرايا الخلفية ...
لكن الرويال ممكن اركب جنط 19 حلو واصبغ الاجزاء السفلية بلون السيارة يتغير شكله ...
ولعلمكم ال HSV كابريس جرانج هو رويال بزوائد رياضية ولاحظت ذلك من الداخل نفس المكونات والاجزاء ومن الخارج عليه فيابر وجنوط رياضية .. ومع ذلك فالتعليق الخلفي هيدروليك ...
واعتقد مثل هالصورة احلى من الاس اس ...

http://us1.webpublications.com.au/static/images/articles/i556/55622_3mg.jpg


اخوي كورفيت ستينجري ..
شكرا على الدعم المعنوي ..


اخوي موستينج كوبرا ...
الرويال اروق وانا معاي مكسيما طلعت كل المطارحات من راسي ... كرهت السرعة والخوف ..
ابغى الرواقة والراحة وشي يساعدني على مسكة الخطوط ...
بالنسبة للأي فكرت فيه من زمان ... بأكون صريح معاك ... اليورو مرتفع والاي اذا اخذته بأخذ اقل نوعية بأقل مواصفات وصراحة جربنا المرسيدس وقرفة .. اخوي معاه فياجرا 2002 ورتنا الويل .. كل فترة يخرب شي وادفع شوية وشويات ... كل محل يتفلسف وينصب .. والمثل يقول رحم الله امرأ عرف قدر نفسه .. الوالد ماراح يشتري لي مرسيدس الان ..


اخوي AltimaSE-R ...
ايه لاتنسى ان الرجال اللي تتكلم عنه يحب السرعة ودايما يسرع وما اعتبر من حادث اخوه باللومينا ... يا اخي السيارة اذا استعملتها زين تعطيك وتكرف معاك بس اذا كسرتها تكسير بتخرب على طول ...
اعرف ناس معاهم لومينات وكبارس ومستعملين زين وماقالت معاهم شي ..


اخواني TOP-SECRET و Mr_CoRvEtTe ...
والله جبتوها وفعلا سيارة بمواصفات رائعة ...

















اخوكم الشبابي

[STS4ever]

طيب اخوي ليش ماتشوف لك واحد يطلب السياره كامله من استراليا باسم هولدن ونوع grange وترتاح من التعديلات ووجع الراس ؟

لان اللي بالسعوديه صراحه الاس اس احلى منه بكثير لاكن النوع اللي بالفيديو من جد طالع مميز وفخم وماكانه كابرس وللعلم الرويال اقوى من الاس اس بـ 20 حصان يعني وش تبي اكثر :)

سلام

[Maranello]

السلام عليكم ورحمة الله وبركاته

اخوي الشبابي , اختيارك متميز بصراحه والسياره حلوه , ورهييييبه , وفكرتك انك تاخذ رويال وتحطله زوايد Grange روووعه واحتمال اطبقها في يوم من الايام , :)

اخوي AltimaSE-R , عندي تعليق بسيط على كلامك , هو كان ماشي 180 وانظمة الثبات صعبه انها تمسك السياره على هالسرعه , وبخصوص الايرباج ترا الايرباج مايطلع الا بالتصادم من الأمام وفي حالات التقلب صعبه انه يفتح واسأل اي حد انقلب وهو يقولك , نادر اللي يفتح معهم الايرباج . . .
والحمدلله اخوي انها جت سليمه في الحديد ولا فيه اخوي , السياره تتعوض لكن اهو لأ , واخوي انت قلت انه مأمن شامل ايش السبب اللي ماخلى شركة التأمين تعوض السياره ؟ المفروض في هذي الحاله يعطونه تعويض !

وجزاكم الله الف خير

تقبلوا تحيات اخوكم

[AltimaSE-R]

رد مقتبس من Maranello

واخوي انت قلت انه مأمن شامل ايش السبب اللي ماخلى شركة التأمين تعوض السياره ؟ المفروض في هذي الحاله يعطونه تعويض !




...... الوكيل قاله : نحتاج تقرير المرور ... و اتضح ان ماله خصم .. و شركة التامين تقول لازم راعي الشاحنة يكون توقف .. عشان يتحمل المبلغ !!!! لكن راعي الشاحنه هرب !! :anger:

يعني يحلم فيها ... ... بعدين يا اخوان .. السيارة اول ما صدم فيها صدم بالواجهة .... و هذا كلام راعي السيارة .... ليه ما طلع الايرباج ؟؟؟؟؟ :confused: :confused: :confused:

يلا سلااااااااااااام

[Third Eye]

هيا صحيح السيارة إغراء

والسيارة روعة من ناحية المواصفات...

لكن من ناحية السلامة والأمان :headshak:

,,,وأنت أدرى


تحيااتي

[Third Eye]

رد مقتبس من Maranello
السلام عليكم ورحمة الله وبركاته

اخوي AltimaSE-R , عندي تعليق بسيط على كلامك , هو كان ماشي 180 وانظمة الثبات صعبه انها تمسك السياره على هالسرعه , وبخصوص الايرباج ترا الايرباج مايطلع الا بالتصادم من الأمام وفي حالات التقلب صعبه انه يفتح واسأل اي حد انقلب وهو يقولك , نادر اللي يفتح معهم الايرباج . . .


تقبلوا تحيات اخوكم

أخوي Maranello :)

هذه مهي أول سيارة ماينفتح فيها الإيرباق من هذه الشركة

واحد صاحبي كان معاه لومينا إس إس 2000 السيارة تصدمت من كل الجهات...

والحادث كان جامد


ولا أنفتح لا إيرباق..والسيارة تشليح

تحيااتي

[Imaj]

لا تكثرون الهرج..

خذ الرويال وتوكل على الله :)

[مؤيد اف1]

الرويال متى كان فيه 10 أيرباج :confused:

والايرباج مايطلع منا والطريق لازم توصل الضربه للسنسر وهذا الشي مدروس اذا كان في خطر على السائق كبير الايرباج تقلله فقط لاغير مستحيل تمنع الاصابه..والايرباج اذا طلع من دون داعي ممكن يسبب اصابه لان انفاخ الايرباج قوي وسريع وتخيل هالشي يرتطم بالشخص بقوه ويش تتوقع يصير؟يعني في الحوادث الي مالها داعي يطلع الايرباج راح يعمل اصبابه للركاب وهم في غنى عنه لذالك الايرباج يطلع في الاصتدام القوي عشان (يقلل الاصابه)


والشبابي أنا انصحك تاخذها وتوكل على الله اذا انت راح تسوقها كسيارة نقل مش سياره سباق ماراح تشوف منها الا الخير..

[RamAir]

والله يالشبابي انا مع الي يقولون خذ الرويال وانت مغمض لأني مجرب الكابريس وشي ثاني احب اقوله وهو دافع يخليك تشتري انك ما راح تلقى سياره فيها نفس مواصفات الرويال وبنفس السعر والشي الثاني وهو موب مهم بس يعطي دافع بعد مكينة السيارة LS1 وانت تعرف وش معنى ان سيارتك تحمل محرك من هذا النوع محرك جبار مع انك ان شاء الله ما راح تستخدم كل قوتة لسلامتك طبعاً .
والله يوفقك ان شاء الله في الاختيار:)

تعليق على الي يقول ان الكابريس مافيه امان جربو تمشون بمرسيدس بسرعة 180 والا 200 واصدم في جدار والا في سيارة وخل اطلق انظمة الحماية تنفعك :blink:

[الامير الاحمر]

الكابرس رويال قمـــة في كل شئ..


وانا حاطها في بالي من زمان..

بس خلني اخلص المدرسة انشاء الله

وانشاء الله اشتريها...



وانا انصحك بشراءها..

وشكرا...

[الشبابي]

شكرا على الردود المشجعة .....
اخوي اس تي اس ...
من وين يا حسرة يطلبون لي واحد ؟؟؟ لو كان الدركسون عندهم يسار مثلنا كان قلنا ممكن نشتري واحد عن طريق اي من الوكالات في استراليا لكن انهم يصنعون واحد لي خصوصا صعبة ...
بعدين الجرانج شوي غالي .. انا سمعت انه ب 160 الف ريال ... وانا كل اللي ابيه الشكل وليس القوة ... ممكن اشتري السيارة واطلب الفيابر والجنوط واذا ماقدرت على الفيابر اروح لأحسن ورشة واخليهم يفصلونها واطلب الجنوط ... ولعلمك لقيت نفس اللون اللي في الصوة اللي فوق على الجرانج على الرويال هنا ...

اخوي Maranello ...
اساسا ليس هناك مقارنة بين المرسيدس والبي ام والاودي بغيره .. الكابريس صحيح راسي بدرجة حلوة لكن ماهو مثل المرسيدس لكن يبقى راسي في ظل المعقول ...
والاخ التيما يعرف الشخص اللي سوى الحادث وانا اعرفه وهو انسان الله يهديه معهود بالسرعة ...

اخوي ثيرد اي ...
لاتستغرب انا معاي ماكسيما 2002 وهي من احسن السيارات اللي سقتها بحياتي سويت حادث على 180 وماطلع الايرباج ...

وشكرا للبقية على التشجيع ......











اخوكم الشبابي

[S8]

بصراحة ؟!!!

مواصفات؟ ولا في الخيال

................................فاخرة من الدرجة الاولى ,,

شكل ؟ ثسم بالله ابداااااااااااااااااااع

............................................وخاصة الــSS وخاصة مع انوار الليد الجديدة ..

قوة محرك ؟ ماعليها كلام ..

.......................................وخاصة صوته ,,

مع سعر ؟ رخيص وممتاااااز

.................................لكن انتبه لا يكون مثل البيجو الزفت ,,

نصيحة اخيرة ؟.....قبل ماتشتري جرب السيارة زييييييييين وشين وحاول تجربها في منحنيات متوسطة وقوية وتأكد من أنظمة التوازن الجديدة الي سمعنا عنها:) الله يستر لا يكون بس حبر على ورق زي الموديلات القديمة :(

عموما الله يبارك لك فيها او في غيرها والله يكفيك الشر

تحياتي :)

[علي عبدالله]

ما عندي شي ازيد فيه على كلام الشباب
بس بالفعل لما نشوف مواصفاتها الفخمة وسعرها المناسب .
اعتبرها صفقة ناجحة تماما
توكل على الله :)

[مؤيد اف1]

الشبابي..red chevy يقولك توكل على الله وخذ الموتر بدون تردد

بالنسبه للزوايد يقولك تقدر تسويها بالراحه..

وموترهم صار له عندهم سنه والحمدلله بدون أي مشاكل

بالنسبه للثبات يقول جربو الرويال على 240 والثبات لايعلى عليه

هذي رسالته وحبيت اوصلها لك لان عنده مشكله وماقدر يوصلها بنفسه:)

وهذي صورة الرويال جيبين فيه الطبلون:)



قولو ماشاء اللهhttp://malwrd.com/uploader/pic/Image_14.jpg

[RED Chevy]

أول شي ألف شكر لمؤيد على كتابة الرد نيابة عني لأن كانت عندي مشكلة من الجهاز ماكنت آقدر أشارك بس أشوف حالي حال غيري:D

ثانياً أقول لك يالشبابي توكل على الله ومازيد على اللي كتبوه الشباب بشي...

يقول لك إسأل مجرب ولا تسأل دختور:D

المشاكل اللي صادتنا هي صوت قرقشة كان بالكيبات وبدلوهم الوكالة على الضمان غير هذا لاغير:p

وعن الراحة يكفيك إسمها المرتفع لو تركبه بدون بريك عادي:glasses2:

كل شي بالموتر 100% عدى القير إذا إنت ناوي على شر:D

أول ثاني أوكي الثالث يبيله وكت عشان يرجع نشاطه لكن إذا سياقة عادية ولا أحلى التبديلات وايد ناعمة ماشاء الله تبارك الرحمن:)

آنا هذا اللي عندي وأي سؤال ثاني حاضرين لك:p




(( ملاحظة: بعد ماشفت قطع اللومينا الداخلية قطعه قطعه وكل الأجهزة اللي فيها إكتشفت إن السيارة مركبة من كل مكان...تحصل قطع مصنوعة بألمانيا" مال التراكشن والدفريشن وهالأشياء" وقطع مصنوعة باليابان"بعض قطع الكهرب" وقطع مصنوعة بأمريكا وقطع بإستراليا)) التعليق والبريكات من بوش يعني نفس الشركة اللي تزود مرسيدس بالأنظمة مال التعليق والثبات:black:

[الشبابي]

شكرا على الردود اخواني راعي البيج ومؤيد اف 1 وريد شيفي ...
ماشاء الله انت بالصورة جايب الطبلون والاربي ام على 4100 دورة ...
بالنسبة لي ما ابغى ادعس بالسيارة بس ابغاها للرواقة وعشان الخطوط ... والا انا عارف ان الجير لو ضغطت عليه كثير بيروح فيها لكن اعتقد ان الاستعمال العادي يكون ممتاز لها ...





















اخوكم الشبابي

[القرن الجديد]

نصيحة اخ لاخوة

يا اخي الشبابي


لكزس ES330 افضل

افضل جودة 400%

افضل راحة 200%

افضل سلامة 100%

افضل في البيع 300%

افضل شكل داخلي 200%

افضل مواصفات 200%

افضل اسم 1000%

سيارة لاستخدام 10 سنوات وانت مبتسم وغير المواصفات (اليابانية)

واجهه اجتماعية


ولا يغرك الشاشات تراها بـ 2000 ريال يعني ماتسوي تدفع 120000 ريال علشان حطو شاشتين في سيارة
قيمتها الحقيقية 80000 ريال

[القرن الجديد]

نسيت اقول

جرب السيارتين وشوف بنفسك


الكابرس افضل فقط فقط فقط في قوة المكينة

[مؤيد اف1]

ويش جاب الرويال للكامري الفخمه :D


احتراماتي لك..بس لو قلت جي اس ممكن في مقارنه بس ES مااشوف فيها شي مميز

[Imaj]

القرن الجديد... خابرك مشغول بدوامك بوكالة لكزس :D



عشرطعشر واحد يقول رويال والرجال يبي رويال وتقول له خذ لك لكزس كامري فل أوبشن :confused:

لا فخامة ولا قوة ودفع أمامي :o


ملاحظة: بعد ماشفت قطع اللومينا الداخلية قطعه قطعه وكل الأجهزة اللي فيها إكتشفت إن السيارة مركبة من كل مكان...تحصل قطع مصنوعة بألمانيا" مال التراكشن والدفريشن وهالأشياء" وقطع مصنوعة باليابان"بعض قطع الكهرب" وقطع مصنوعة بأمريكا وقطع بإستراليا)) التعليق والبريكات من بوش يعني نفس الشركة اللي تزود مرسيدس بالأنظمة مال التعليق والثبات

هالشيء معروف.. لأنها في الأساس أوبل بمحرك شيفروليه وبجسم هولدن و ببواجي وأنظمة بوش.. لكن قطع الكهرب مصنعة في اليابان هذي جديدة عليّ :)

[Imaj]

رد مقتبس من مؤيد اف1
الشبابي..red chevy يقولك توكل على الله وخذ الموتر بدون تردد

بالنسبه للزوايد يقولك تقدر تسويها بالراحه..

وموترهم صار له عندهم سنه والحمدلله بدون أي مشاكل

بالنسبه للثبات يقول جربو الرويال على 240 والثبات لايعلى عليه

هذي رسالته وحبيت اوصلها لك لان عنده مشكله وماقدر يوصلها بنفسه:)

وهذي صورة الرويال جيبين فيه الطبلون:)



قولو ماشاء اللهhttp://malwrd.com/uploader/pic/Image_14.jpg

240 كم/ساعة و4000 دورة/دقيقة.. :shock2:

ما شاء الله تبارك الله..

أقدر أسميها وحش :black:

[RED Chevy]

رد مقتبس من Imaj
240 كم/ساعة و4000 دورة/دقيقة.. :shock2:

ما شاء الله تبارك الله..

أقدر أسميها وحش :black:

نزل 260 تحت ال250 بشوي:D العداد حده 250

والموتر كان ثابت جداً لدرجة إن إخوي هو كان يسوق وخذ الصورة:cool:

بالنسبة للمقارنة مع الكامري خلها مستورة ترى غذا بدينا مابنسكت:D

[مكيكان]

رد مقتبس من Imaj
لكن قطع الكهرب مصنعة في اليابان هذي جديدة عليّ :)

كويلات الLS1 تصنع من قبل denso
و لو تلاحظ في المنتديات الأجنبيه عدد كبير يشتكي من فشل الكويلات بدون اي سبب ( التقنيه اليابانيه )

اما كويلات محركات الvortec حق الtruck تختلف و اسلاكها تختلف و تعطي طاقه اعلى و استبدال كويلات الls1 بهذي الكويلات صار شي رائج خصوصا للمعدلين

[مؤيد اف1]

رد مقتبس من مكيكان
كويلات الLS1 تصنع من قبل denso
و لو تلاحظ في المنتديات الأجنبيه عدد كبير يشتكي من فشل الكويلات بدون اي سبب ( التقنيه اليابانيه )

اما كويلات محركات الvortec حق الtruck تختلف و اسلاكها تختلف و تعطي طاقه اعلى و استبدال كويلات الls1 بهذي الكويلات صار شي رائج خصوصا للمعدلين

الي اعرفه ان الكويلات المعطوبه تكون AC DELCO لان جوتها رديئه في الاول كان دنسو وماكان فيه مشاكل هذا الي سمعته ومو غريبه على أي سي دلكو القطع المعفنه


-----------------------------------------------------------------------------------
Imaj الدينمو صناعتة ميتسوبيشي :p

[مؤيد اف1]

الشبابي..ترا الجير يتحمل وقوي بس هو يحتاج صيانه عشان يعيش والي الناس مهملة صيانته واذا غيرو الزيت مايحطو النوعيه الموصى بها لان الجير حساس لنوع الزيت :p

[الشبابي]

اخوي القرن الجديد ... مشكور على نصيحتك ولكن ...
اغلب كلامك صحيح في ما يخص الكزس لكن فيما يخص الراحة فالكابريس مريح جدا وعن تجربة وكذلك فالكابريس يتميز بوجود AUTO LEVELING SYSTEM وهذا عبارة عن هيدروليك يتحكم بأرتفاع المؤخرة للسيارة ويتميز بالنعومة القصوى ويساعد عند التحميل في ان تكون السيارة متزنه وهذي الميزة غير متوفرة بالكزس ...
ثانيا الكزس في جهه والكابريس في جهه وصعب المقارنة بينهم فالعوامل تختلف لكن من ناحيتي انا افضل الكابريس لأنه اوسع بكثير وشكله ابداع .. ومريح في الخطوط ومكينته عزمها جبار وفيه مواصفات حلوة ... لاتقل عن الكزس ... لو تدرسها صح بتلاقي ان الكزس تتفوق في حساس المطر حق المساحات الامامية وشوية حاجات ........
لكن الكابريس فيه اوتو دمنج للمرايات وتسخين للمرايات وحساسات ومسجل ممتاز وكبير من الداخل والخارج واصبح يتوفر بأنظمة جديدة ومنها الدرايف باي واير ...
ولاتنسى ان الكزس عندنا نزلت بالمحرك 3.0 وليس 3.3 الممتاز .... وبيني وبينك الاي اس ما تشجع لأن شكلها مشوه ... وتصدق ان الرويال اقل انتشار من الاي اس ..
بالنسبة للثبات في السعر فالامريكي مايمسك مثل الياباني وخصوصا الكزس لكن لاتنسى ان الكابريس بالذات يمسك سعره اكثر من باقى السيارات الامريكية لأنه مطلوب من العوائل ودايم ياخذونه ..








اخوكم الشبابي

[Third Eye]

رد مقتبس من الشبابي
اخوي ثيرد اي ...
لاتستغرب انا معاي ماكسيما 2002 وهي من احسن السيارات اللي سقتها بحياتي سويت حادث على 180 وماطلع الايرباج ...

وشكرا للبقية على التشجيع ......











اخوكم الشبابي

مدري إذا كان تقصد الموضوع الى نزلته زمان في الساحات

إذا كان هو أنا أذكر اني شفت إيرباق طالع بس مدري أيت حق السواق ولا الراكب

أذكر انك قلت في واحد منكم ماكان رابط الحزام

أنا سويت حادث على 120 ولا طلع الإيرباق..وماكنت رابط الحزام أعتقد انو الغيرباق مايطلع إذا كان

الحزام مو مربوط

بعدين انا أقولك حاجة انت من جدك مح تدعس :D

إذا بالمكسيما و أوتو سويت العجايب :D :D

كيف بالكابريس :o

المهم إذا السيارة عجبتك وداخلة مزاجك

خذها ولا يهمك احد وربنا يكتبلك فيها الخير

بالنسبة للألوان أنا شفت الأسود والابيض والفيراني(يجي غامق شوية)

روعة بس الأبيض حلو لون واحد عليه

ومبارك مقدما




تحياتي

[القرن الجديد]

والله ياخوي الشبابي اتمني لك كل خير

وشف اللي ترتاح له (لانك انت اللي بتدفع وانت اللي بتسوق )

والله يوفقك


بس انا قلت اهم شي

ان لايغرك هالحركات التسويقية

وايضا لاتشتري اي شي حتى تجربة


وايضا نصيحة اخرى (ولاكن اخلي المسؤلية ) كرايسر C300

الجديدة والله شكل ومكينة مجنونة

ويكفي انها سيارة اصلية (امريكية (لعنهم الله))


لها هيبة في الشارع


واعيد واكرر استاجر ب 500 ريال قبل دفع 120000 الف ريال


Imaj
هه الله لايقولة معاد بقي الا تيوتا اشتغل عندهم (انا طالب:glasses: )

بس لكازسهم تتكلم )


شباااابي

جرب LS430 مستعمله صدقني ما عاد تنزل منها:D

[الشبابي]

اخوي ثيرد اي ...
اللي بالمكسيما راح وان شاء الله لن يتكرر ...
وعلى فكرة نعم الصور التي بالساحة هي لسيارتي وانا كنت رابط الحزام واللي جنبي ماكان رابط مع ان اغلب الضربة جات من جهتي ...


اخوي القرن الجديد ...
بالنسبة للكزس فبالاقى الموديل القديم ومكروف ومعدوم ب140 الف ريال تقريبا ..
عدا اها بتكون من الموديل القديم وصراحة الكزس يعيبها تغيرها كل 3 سنين ...
حتى اللي يفكر يشتري موديل 2004 يستخصر فيها تغيرها السريع ..
لكن الكابريس كل 4سنين ومنها انه كابريس كله ب 120 الف ريال لكن ادفع 250 الف ريال على سيارة تتغير كل 3 سنين ..
وبعدين موديل 2003 للكزس متخلف جدا بالنسبة للجديدة ...
بالنسبة للكليزلر فكرت فيها مليون مرة .. الكليزلر حلوة وممتازة بس الوكيل الله لايوريك ..
الوكيل جدا سئ عدا انك تنتظر 3 الى 4 اشهر حتى تجى السيارة لأنها بالطلب وعيبها ان وسعها الداخل صغير على عكس مايعكسه الشكل الخارجي للسيارة وجودة المواد الداخلية سيئة جدا فيها ..









اخوكم الشبابي

[RED Chevy]

السلام عليكم ورحمة الله وبركاته

الشبابي: عندك حساسات المطر يمكن الميزة الوحيدة اللي يتفوق فيها ال300 على الكابرس لكن شوف الكابرس بشنو يتفوق أكثر:p

والكرايسلر حلو لكن من داخل مب شي ومواصفاته مو كاملة في الخليج حتى شاشة مافيه وسعره أغلى والمشكلة الوكلاء في الخليج كلهم زفت وقطع الغيار غالية:)

توكل على الله الكابرس أنسب خيار:cool:

[S8]

والله ياماجد !!!

وبما اني كنت ولا زلت اتمنى ان اشتري لي كابريس هولدن لكن للاسف فان العيب منه وليس مني

لذلك اذا انت مرة ناوي فتوكل على الله وادعو الله ان يعطيك خيره ويكفيك شره ...

بكل صراحة ان شكله جدا مميز وراااااائع ورائق ...

كم تمنيت ان صناعته ياباني ...كان اشتريته من زمان

لكن للاسف صناعة استراليه ردئية وضعيفة

انتبه لنفسك وحافظ على السيارة وان شاء الله يكون حظك حلو معاها

ولا تنسى تجربها في الوكالة مثل ما قلت لك ...ولا تجرب الا موديل 2005 حتى تتأكد من الانظمة الي يقولون انها موجودة فيها

تحياتي :)