ما عندي الا سوالف عن جدتي وامايه=وعلوم ديرة تعمرت ابلابتي وأعمامي
والناس أول ما اشتكت من قلةٍ فالحاية=الحاية يلّي تقاصرت وتقاصرت لايامي
يوم استوت ديرة هلي ارعاع دون رعايه=وسمعة (اكبرت ) وتوسعت حتى لحقت حكامي
يا ديرة أجدادي ترى الضيق هدّ عضايه=حتى رأيت المشكله في مجتمع أرحامي
عالم كثيرة استوطنت والهم علينا وصاية=حتى البلد وهو بلد ضاق وغزاه ازحامي
يا مجتمع كِثَر الجمع حتى استوينا مراية=تعكس تقاليد اظهرت عكس الشرع واسلامي
من سنّ فينا (قاضية) تحكم وإلها دراية=وتشرع بشرع الله ليا منها اصدرت لحكامي
ومن ذا سمع ان المرة (تملج )بحيّ وحايه=واذا اقتضى منها الامر خطت بشرط الزامي
كل يوم يتصاعد حدث والمعضلة مرماية=منهو يتابع هالشعب يوم اقهره الظلامي؟!
صرنا خلايا مسرطنه في مخ ماله غايه=نكبر ويكبر عوقنا حتى استوى متنامي
قالوا حضارة مجتمع ولكل شي بداية=واذا ابتدينا بننتهي كنهاية العم سامي
أوااه يا ديرة هلي.. وحقوقنا المنساية=وذكرى عظيمٍ ماخلت ذكراه دون عظامي
عقبه تغير موطني وتغيّرت الحكاية=وقصة بلاد اتعمرت في ظل شيخٍ سامي
نبكي صداه ونشتكي من حزن ماله وفاية=حتى صداه فديرتي حزنه فلت لخطامي
وش فادت حروف انقرت وتطورت القراية=يوم العلم في دفتره دستور ماله نظامي
ابكيك يا وقتٍ مضى وامسح دموع بكاية=لان البكى في مجمله تعبير وصفه دامي
يعني اذا مات العدل عشنا وقلنا برايه= من ذا اللي يحتاج العدل دامه حلم الايتامي
الشاعرة المبدعة خفايا الليل
ديوان الشاعرة
http://abyat.com/poet.php?id=671