السلام عليكم
عندي مشكلة في التكييف بسيارتي اول ما اشغله يطلع ريحة عفن

هل هناك حل؟؟؟

اذا سيارتك فيها فلتر للمكيف بدله

وكل مرة قبل لاتوصل المحل اللي تبيه ب 5 دقايق افتح التهوية وخليها مفتوحة لحد ماتستخدم السيارة مرة ثانية :-)

هلا اخوي بالنسبه للرائحه الكريهه يبيلك تشيك على الفريون اذا قل ممكن يعمل ريحه

عندك الفريون اذا كان ناقص...والمصيبة الثانية وهي الي انا شاك فيها هي ثلاجة المكيف...الي تجي (بالعادة) تحت الدرج الامامي الي قدام الراكب هذي لو فكيتها بتلقا فيها بقايا عش طير وعيدان وبلاوي مارا تتخيلها

السياره من شريتها فيها هالمشكله ؟

طيب ياشباب كيف طريقة فك الثلاجه وتنظيفها

طيب وش نوع السياره عشان نعلمك

صني 99

تفك الدرج الي قدام الراكب الامامي كامل وتلقا الثلاجة تحته من داخل

فكها وتنظيفها سهل ووناسة ان جيت للجد بس المصيبة لو صار كسرتها او على الاقل صار فيها لو شعر بتبتلش :cry1: ويمكن تضطر تشتريها جديدة

انت جرب فك ونظفها..بس لو دقرت نصيحتي لك تنقز لاقرب كهربائي مكيفات وهو اذا شافك فاك الدرج درا انك فاهم الشغلة وعارف انها سهلة ومابيقص عليك فلوس واجد

شكرا يا اخواني عالمرور
المشكلة سيارتي يديدة وبقراطيسها وما صارلها شهور وهي طالعه من الوكالة
سيارتي انفينيتي اف اكس 35!!

عزيزي أنا كا يصير عندي نفس الشيئ

بس أتبع الخطوات التالية وانشاء الله مايصر خاطرك إلا طيب :

1. غلق زرار الفريش اير يعني تخلي الوضع على الريسايكل للهواء.

2. غير فلتر التكييف الداخلي وقبل لاتركب الجديد في سبريي يباع بالمحلات يقتل البكتيريا في الفلتر ودورة الهواء المكيف - تجيب الاسبريي وترش كثير على الفلتر وتركب الفلتر

3. رش من نفس الاسبريي داخل السيارة وشغل المروحة على أعلى درجة خل الإسبري يتغلغل داخل الدورة عدة مرات.

4. لاتحاول تفتح الدريشة وأنت مشغل السيارة لأن هذا أكثر شيء غلط يسبب الروائح

5. ممكن تجيب مادة عبارة عن كربون أو فحم توضع في السيارة تمتص أي روائح خاصة للمدخنين . أنشاء الله ماتكون منهم .

6. دائما تخلي الدواسات نظيفة . لانه بعض الاحيان يعلق بها اشياء مو تمام .

7. إحرص كل الحرص انه ما ينكب منك موية أو عصير أو أي سوائل بالسيارة - واحد خويي انكب في سيارته شوربه سي فود - :sss: .. والباقي أتركه لتخيلك

بالتوفيق إنشاءالله :p

يعطيك العافية استاذ بو هاني وما قصرت
وان شاء الله راح اتبع خطواتك بحذافيرها واذا صار اوكي اعطيك خبر

بس لازم اوديها للوكالة احسن لان عليها كفالة

احسن حل

تحياااتي

انا كانت عندي نفس المشكلة وديتها الوكالة و غيروا الفلتر و نظفوا المكيف والحمد للة انتهت المشكلة

اخوي Crackjas حصلت لي نفس المشكلة بأحد سياراتي تدري وش كان الموضوع ؟



فار جرذي داخل من احدى فتحات التهوية اللي اسفل الطبلون (يدور الرطوبة والبراد) حتى انحشر بمروحة المكيف ومات .

تقول لي منوين جاي الفار اقولك سهل الجواب

من احدى المغاسل للسيارات طلع من الصرف ولقرادتة نط على داخل السيارة ولا لقى مأوى غير فتحة التهوية للمكيف زبن فيها .


الحل :

1- روح لم كهربائي تبريد مكيفات سيارات خلة يفك مروحة المكيف أولا اللي على شكل ريش بلاستيكية تحت الطبلون تحصلها بالعادة فوق رجول الراكب الأمامي تحت الطبلون .

2- أذا ما حصل الفار بالمروحة بيكون بمجاري التهوية الداخلية لازم يفكها ويطلع الفار ولا أنسى تروح الريحة .

3- أذا طلع الفار روح أشتر لك زيت عطري على ذوقك فل نقل فل ولا عنبر وخلة يغسل اولا المروحة بالصابون بفيري واذا نشفها كب الزيت العطري داخل المروحة .

4 - أذا ما حطيت مادة عطرية ذو رائحة فواحة طويلة الأجل أنسى تروح الريحة ولو بعد سنة .

بس الأكيد بتلاقية بالمروحة وأكثر أحتمال يكون فار . أسأل مجرب مرت علي نفس المشكلة .


نصيحة : لا تترك باب سيارتك مفتوح بشكل طويل أي كان مكانك وزمنك حتى لا تدخل فيها المتطفلون من جراذ وفيران وحشرات إلخ .

تقبل تحياتي ،،،

المثالي المنحرف

معقولة فار ينحشر داخل المكيف ـــــ :cry1: :cry1:

أخوي باين أن معك شي ميت وانت ما داري صارت مع زميلي نفس المشكلة
روح الكرج وخلي ينظفوا الفلاتر وفتحات التهوية الدخلية والخارجية وانشاء الله تكون احسن من الأول . :lol:

يا اخ عبد الله صارت معي نفس المشكلة وبهذلتن اول ما شغل السيارة بدون مكيف يا ويلي ويلاة لا لطمة ولا ماسك ولا حتى حقت حرب الخليج الكمامة تنفع تشم ريحة فطيشة بقوة مو شوي بقوووة و اذا اهملت المشكلة زادت وحتمال يطلع لك مع فتحات التهوية براغيث بعد لا تذكرني بذاك اليوم عفت موتري بسبة هالفار العن ابوة فار بس متأكد انا لو يروح خوينا ويفك المروحة بيلاقية فيها لانة بالعادة هي اسطوانية الشكل وارطب مكان بالسيارة يروح لها الفار ولاكن لو خوينا شيك داخل الكبوت اولا و تحت المراتب يكون افضل احتمال مو من المكيف لاكن اذا حط خشمة وشم من المكيف اكيد بيكون بوسط المروحة ناشب .

بس تبي الجد احسن شي سويتة جبت تولة مخلوط عنبر ومسك وكل ما هب ودب من عطور وكبيتة على الفلتر وشف لمن اشغل المكيف كلن يقولي وش هالريحة الزينة ما يدري انه كان مكانها ريحة فطيسة هههههههههههههههه شر البلية ما يضحك

أعرف واحد من الشباب بعيد الأضحي ..
عقب ماذبحوا أهله قالوله خذ اللحم يبونه يعطيه لناس أقاربهم..

المهم أخوي عنده نفس نوعية الزهايمر اللي عندي وعند الشلة كلهم ..

تقابل مع واحد من الشباب بالطريق .. ويسولوفون مع بعض ولا تطق براسهم يسافرون القصيم في هاللحظة.. :eek:

المهم خوي راح وقف سيارته بجراج بيتهم وسافر وقعد اسبوع ...

وأهله كل يوم يشمون ريحة أخيس من اليوم اللي قبله ...مايدرون وش السالفة ..

وأثناء هو قاعد مكيف ومستانس ويكلمونه أهله يسألون عنه .. وأهله يسألونه : الناس اللي ودالهم اللحم ماأرسلو معه شيء.... :blink: :blink:

في هذه اللحظة فقط ينقز خوي فووووووووووووووووووووووووق :sss:


عاد أترك البقيه لتخيلكم

الصراحة يا اخواني بعد البحث والتحري اني صدمت عصفور ودخل بالراديتر ولما طلعته ما لقيت راسه :cry1:
اظن انه راسه دخل ومن هنا فاحت الريحة
المشكلة اني عيزان اروح للوكالة او فني مكيفات

نفس الشئ عندي في الافالون 2006 >>>> فرحة ماتمت :cry1:

اللهم اني يوم شيكت على المكينة طلع مش عصفور واحد درزن عصافير

ههههه مجرم

يعني ابغى اعرف الطيور خلقها ربي عشان تطير في السماء وش جابها الشوارع عندنا :ranting:

في الصبح تغثنا باصواتها وفي المساء نلقاه في سيارتنا ميتة


المثالي المنحرف

قصتك ضحكتني لوووووووووووووووووول

هههههههههه :lol:

ياشيت العصافير والحمام الملاقيف