مسااااء الوردات والخيرات والليرات والدهبات وكل شي



نخوووش في الموضوع على طووووول ..


هذا ماحدث بالأمس

( عشان تفهموا السالفه الكليه مقسومه الدور اللي تحت قسم الدبلومات وفوق البكالوريوسات ..

لذلك قسمنا له رئيسه غير وقوانيننا غير باقي الكليه )

الأسبوع اللي راح كل أبوهـ إمتحانات ..

ومس فرح ( أمريكيه )..

جابت لاب توبها وأعجبنا ونسألها بكم قالت هذا هدية زوجها لها في عيد ميلادها السنه اللي راحت ..

وقالت عيد ميلادها الأسبوع الجاي يوم الإثنين << هذا الكلام قبل لاندري بالإختبارات ..

وقلنا بنسوي لها حفله ومع الإمتحانات نسينــا وتذكرنا يوم الأربعاء ... واتفقنا انه يوم السبت 17/11 /1429 هـ ..

نسوي لها حفله ..

طبعاً من زمان نعرف ان المدرسه هي بيتك الثاني .. وأحنا اعتبرنا الكليه بيتنــا ..

وماشاورنــا الإدارهـ في شي << بيتنا وحرين فيه

ونجي يوم السبت جايبين قاتوهين واحد بالفانيليا وواحد بالشكولاته ..

من تاج الملوك لايفوتكم بس رهيب << دعايه عالطاير ..

وجبنا بلونــات ... ولصقناها في كل أرجاء الكلاس


ومالقينا قلم للسبورهـ رحت دخلت مكتب مس فرح مالقيتها وسرقت 3 أقلام << الإعتراف بالحق فضيله ..

وكتبنا عالسبورهـ ( Happy Birth Day ) وزخرفناها وأختي راحت رسمت كم فيس معبر عن الحفله ..

خلينا مجموعة بنات يأخرونها عن الكلاس << يعني اننا نضبط المفاجأهـ

وجبنا مس زاهيه معانا ( كنديه ) بس فله

وعلى دخلتها شغلنا الشموع .. ومو الشموع العاديه هذي اللي يسمونها نجوم الليل ...

تطلع معاها أصوات وحركات ..

وأحنا نغني لها


happy birth day to you

happy birth day to you

happy birth day to mis farah

happy birth day to you

إلا ويشتغل جرس الإنذار وصارت حالة إستنفار في كل الكليه ..

المشكله إنه الكليه فيها معارض لشركات وفيها بازار وناس جايه مشاركه من برى الكليه ..

وأحنا ماندري نكمل في الحفله

وشوي إلا عاملات الإطفائيه داخلين علينا وحارسات الأمن ..

ويفكوا في الشبابيك ..

وأحنا سنعات قمنا ضيفناهم قهوهـ ..

حارسة الأمن بغت تهاوشنا اعطيناها قهوهـ سكتت عنـــا ..

وقالت الله يهديكم وش سويتوا << شكلها بغت تسوي فينا كذا بس انحرجت خخخخ

وكملنا حفلتنا عاادي هنيناها واتمنت أمنيه

وبعد الحفله .. بدأنا ناخذ المحاضرهـ وجتنا رئيسة القسم ..

كانت ماتكلمنا إلا انجليزي .. ومن اللي سويناهـ عرفت تكلمنا عربي ..

<< رئيسة قسمهم قصيميه ..

قالت : شي جميل انكم تحتفلوا بمعلمتكم وتفاجؤها << هنــا أحنا صارت الإبتسامه من الضرس للضرس فرحانين باللي سويناهـ لمس فرح << تستاهل والله حبوبه

وقلبت تهزيء بإحترام شوي ..

قالت جالسه تجيها ايميلات من إدارة الكليه وهي ترد عليهم وتعتذر ..

قالت اذا بغيتوا تسوون حفله لاتجيبون شموع ..

ووحدهـ من صديقاتنا كانت غايبه في إمتحان وحاطينها في المكتب عندهم تختبر وشافتهم يكتبوا قوانين جديدهـ .

1/ ممنوع إقامة حفلات بدون أخذ إذن من الإدارهـ ..

2/ يمنع استخدام الشموع منعاً باتاً ..

قالت هذا اللي سمعته .. والله ماندري وش حطوا كمان

فمن زود لقافتي رحت لمس أريج وقلت لها level 1 مسوين لكم جو في الكليه << تمدح كلاسها

وقلت لها كلاسنا ماراح تنسونه طول عمركم << الله وكيلكم من يوم جينا الكليه وكل ماسوينا شي نزلوا قائمة ممنوعات بسببنا .. وأحنا كل اللي نسويه هو ماتمليه عليه أدمغتنــا



وشفتوا كيف ماسوينــا شي

المشاركة الأصلية بواسطة LS 460 L ما شاء الله مسوييييييييييين حركتات ... ألف مبرووووووووووك ع النجاح ... تحياتي ...

المشاركة الأصلية بواسطة FOUZIA بنات هينات والله روزي وماتسووون شيء بس يلا ما تخالفوا روزي القوانييين لوكنت انا من الادارة كنتوا شوفتو شوراح اسوي معاكم ههههههههههههههه تحياتي روزي

المشاركة الأصلية بواسطة ابداع2004 هههههههههههه افجعتوا الاطفاء تلاقيهم مايعرفون يشغلون شي الله وكيلك دخلوا علينا تقول صاير حادث بس تستاهل مس فرح هالاهازيج والشموع والحركتات <<< بدون بدليه اي والله تستاهل ياحبي لها اتوقع بل اجزم مافيه احد سوا مثل كذا بنات السعوديه وحركاتهم <<< ولدنــا ويعرف حركاتنــا بس فيه شغله ابقولها وبدون مبالغه .. هذا يعتبر كرم منكم الحقيقه ويعتبر عطاء وسخاء الله يبارك فيكم ويوفقكم اللهم امين .. هيك الناس اللي تفهم وتقدر الموقف والشغلات اللي دارت في ارجاء الكلاس حلوه وعيشتنا جو الزيطه والزمبليطه ننتظر سوالفك ياروزي الله لايحرمنا منك يالغاليه .. أهم شي عشتوا الجــو .. السموحه على الرد متأخر والله ماهمني الرد كثر ماكنت مهتمه إنكم تقروا الموضوع لأن الموقف اللي صار لنا يضحك وحبيت تعيشوهـ معايا ..

ههههههههههههههــ

قوولي تحيى الدلاخــه من جد..

تسلمي قلبووو من جد سويتوا زمبليطه..!

بس وناسه..

ممكن سؤال لو مافي احراج..؟


انتي باي كليه..؟



وبس يالله حيهمـ

المشاركة الأصلية بواسطة مملوحه ههههههههههههههــ قوولي تحيى الدلاخــه من جد.. تسلمي قلبووو من جد سويتوا زمبليطه..! بس وناسه.. ممكن سؤال لو مافي احراج..؟ انتي باي كليه..؟ وبس يالله حيهمـ